大學站 (東鐵綫)

  呢篇文講香港東鐵綫嘅大學站。想搵第二個意思嘅話，請睇大學站。

大學站（粵拼：daai6 hok6 zaam6；英文：University Station）係位於香港沙田區嘅港鐵東鐵綫車站，之前叫馬料水站，喺1966年改名做大學站，以車站旁邊嘅香港中文大學而得名。

大學
University

大學站B出入口外觀
站名
中文名	大學站
英文名	University Station
站代碼	UNI
基本資訊
座標	22.413353°N 114.210172°E / 22.413353; 114.210172
車站色	深天藍色
途經路線	東鐵綫
站服務時間	0531-0102 尾班車時間
接駁交通	巴士、小巴
車站結構
站類	架空
月台類	2側式月台
月台數	2
出口數	3
其它設施	其它無障礙設施
地圖

大學站1號月台

大學站2號月台

車站結構

大學站係一個地面車站，但主要大堂係位於2號月台側邊嘅下一層，同時有另一個較細嘅大堂喺1號月台側邊。2個大堂同埋月台由兩條路軌下嘅通道連接（一條喺收費區內，一條就喺非收費區）。收費區嘅通道喺中文大學嘅一邊設有閘機。雖然大學站望落好似同香港中文大學有一段距離，但係1號月台設有另一個西面大堂通往香港中文大學，並設有閘機方便出入。

大學站設有兩個側式月台，月台只有中央部份設有上蓋，兩端都係露天。本站係三個設有「空隙黑點」提示嘅車站之一（另外兩個係九龍塘站同旺角東站），兩個月台都喺急彎之上（列車限速係每小時55公里），空隙係港鐵中最闊嘅，可達34厘米，因此乘客較易發生墜軌意外。

車站樓層

P 月台	西面大堂	C、D出口、客務中心、香港中文大學接駁校巴總站
	側式月台，左邊嘅車門將會打開
		往羅湖／落馬洲
		路軌
		路軌
		往金鐘
	側式月台，左邊嘅車門將會打開
C 大堂（地面）	東面大堂	B出口、客務中心、公共運輸交匯處、洗手間 車站商店、自動售賣機、自動櫃員機
	行人隧道	通往各月台同埋出口、A出口

車站出口

車站大堂

• A - 香港中文大學
  • 香港中文大學、中大校巴站2、利黃瑤璧樓、何添樓、信和樓、大埔公路
• B - 澤祥街
  • 澤祥街、巴士總站、香港科學園巴士站、中大鄭裕彤樓、香港沙田凱悅酒店、水警北分區總部

一號月台

• C - 香港中文大學
  • 香港中文大學、中大校巴站1、利黃瑤璧樓、信和樓
• D - 綜合教學樓
  • 綜合教學樓（建築學院）、眾志堂、中大校巴站3及4、龐萬倫學生中心、伍何曼原樓、康本國際學術園

鄰接車站

	東鐵綫
金鐘 - 會展 - 紅磡 - 旺角東 - 九龍塘 - 大圍 - 沙田 < 火炭 > 大學 - 大埔墟 - 太和 - 粉嶺 - 上水 < 落馬洲 馬場 羅湖

車站周邊

大學站1號月台通去C同D出口嘅有蓋通道

大學站B出口

大學站新站牌同佈置

大學站隔離就係香港中文大學，遠少少有香港科學園同馬料水碼頭。車站隔離有個巴士總站，有巴士同小巴去馬鞍山同科學園。

接駁交通

大學站響馬料水，因為附近有馬料水碼頭去新界東北，所以曾經係交通樞紐。後尾馬鞍山西面近沙田海一帶發展做新市鎮，起咗好多路，水上交通無咁重要，變成去東北平洲、塔門同黃石嘅碼頭。相反大學站就變成鐵路轉去馬鞍山一帶交通樞紐仔，有巴士同小巴站。家下有車去到馬鞍山東面十四鄉。自從有埋馬鞍山鐵路（而家屯馬綫一部分），呢處嘅角色就唔係咁重要。不過新界北或者由深圳坐鐵路落嚟，搭東鐵綫南行去馬鞍山嘅乘客，喺呢度轉車方便好多。

• 九巴：
  • 43P 荃灣西站 ↔ 香港科學園
  • 82C 沙田（廣源）↔ 香港科學園第三期
  • 87K 大學站 ↺ 錦英苑
  • 87S 大學站 ↺ 錦英苑（只限平日繁忙時間服務）
  • 99R 大學站 ↔ 西貢（北）（只限假日服務）
  • 263A 屯門站 ↔ 香港科學園第三期
  • 272A 大學站 ↺ 白石角
  • 272K 大學站 ↺ 香港科學園
  • 289K 大學站 ↺ 富安花園
• 龍運巴士：
  • A47X（特別班次） 大埔（太和） ↔ 機場（地面運輸中心） （繁忙時間服務，經白石角及科學園）
• 專線小巴：
  • 27B 白石角（天賦海灣）↔ 沙田站（排頭街） （只限平日繁忙時間服務）
  • 807A 大學站 ↔ 馬鞍山站
  • 807C 大學站 ↔ 海柏花園
  • 807K 大學站 ↔ 十四鄉井頭
  • 807S 大學站 ↔ 大洞（只限平日繁忙時間服務）
  • 807X 大學站 ↔ 烏溪沙站
• 香港中文大學校巴：
  • 大學站 ↔ 逸夫書院
  • 大學站 ↔ 新亞書院
• 香港教育學院校巴：
  • 大學站 ↔ 香港教育學院
• 翠華船務：
  • 馬料水 ↔ 塔門（經深涌及荔枝莊）
  • 馬料水 ↔ 東平洲

利用狀況

大學站大堂外嘅公共交通交匯處設有巴士同小巴駛經連接9號幹線吐露港公路馬料水段同2號幹線大老山公路去對面嘅馬鞍山路，橫跨沙田海嘅架空天橋去馬鞍山住宅區，以前大學站係馬鞍山居民出入市區嘅重要車站，即使馬鞍山綫通咗車，由馬鞍山去羅湖／落馬洲嘅乘客都係喺呢個站上車比較方便，所以呢個站仍能維持有一定人流。

另外，每逢馬場站開放，大學站會做一個臨時轉綫站，往金鐘方向列車嘅乘客要去馬場站，必須喺大學站等經馬場站嘅列車。而去火炭站嘅乘客搭咗經馬場站嘅列車，亦要喺大學站等經火炭站嘅列車。而喺2008年北京奧運同殘奧會期間，前往沙田主賽場睇馬術比賽盛裝舞步賽事同場地障礙賽嘅觀眾，都要喺呢個站出面轉大會嘅穿梭巴士HK1。

車站歷史

車站命名

大學站之前叫馬料水站，喺1956年9月24號正式啟用。車站啟用初期每日只有南北行各三班列車停站。隨住香港中文大學落成，喺1966年12月11號宣佈改名做大學站。

兩鐵合併前車站大堂（2007年10月）

2007年12月2號兩鐵合併，東鐵綫現有大學站，同起緊嘅港鐵港島綫西延香港大學站，站名重複。當其時港鐵未就此事有所定案。有類似情況嘅旺角站，九廣東鐵旺角站就改名做東鐵綫旺角東站。有輿論認為依傳統地名，東鐵綫原有嘅大學站應恢復原名馬料水站，新起嘅大學站就命名石塘咀站，但港鐵發言人指港島綫西延大學站重未正式命名，並重申名稱將會反映該區嘅地區特色。2009年，港島綫西延動工起之後，港鐵將港島綫西延大學站正式改做香港大學站；不過大學站並無喺港島綫西延通車後改名做「中文大學站」。

車站外觀（2010年6月）

加設D出口

2012年加設的D出口（2012年12月）

2012年9月28號，港鐵為應付三三四新學制下增加學生人數，並且方便前往新教學大樓（康本國際學術園、伍何曼原樓及李兆基建築學大樓）同校巴站嘅人士，而增設D出口。該出入口距離中文大學新綜合教育大樓只有約3分鐘路程。

新出入口採用環境保護設計，大量採用自然光，由混凝土、隔熱玻璃同反光板所組織設計，陽光從指縫滲進入車站，預計每年可以慳三分一電力；又採用特別設計，方便收集雨水〈儲水量容達5,500升〉，用以灌溉附近嘅植物；出入口外牆留有空間，畀自然風吹入車站大堂，同樣畀熱空氣從頂部透氣孔排走；而出入口內木櫈亦由舊有嘅鐵路枕木改裝。工程獲美國綠建築協會頒發「領先能源與環境設計」銀獎。

事故

列車出軌事故

1988年6月4號下晝兩點，一列九廣鐵路（英段）南行貨運列車喺大學站以北嘅白石角出軌，直到第二日朝早10點40分恢復服務。期間九鐵服務中斷咗成日。九鐵方面派出接駁巴士疏導乘客，但場面混亂。例如喺沙田站，夜晚大批乘客爭先恐後上接駁巴士，有人甚至爬窗上車。出事嗰段鐵路本來係個急彎，後來喺1995年拉直。而家係香港教育學院運動場。

2019年7月25號凌晨四點，一列東鐵綫北行工程車喺大學站以北嘅香港科學園出軌，直到下晝兩點幾恢復服務。期間港鐵服務中斷咗成朝。港鐵方面派出接駁巴士疏導乘客，但場面混亂。例如喺沙田站，朝早大批乘客爭先恐後上接駁巴士。出事嗰段鐵路本來係個急彎。

車站被破壞

11月12號香港中文大學衝突期間，大學站遭到大規模破壞，被迫封閉，東鐵綫通返車之後好多日都要飛站，到12月21號至用得返，而D出口要到2020年1月12號至用得返。

上一站‧下一站

上一站		港鐵		下一站
火炭 往金鐘		東鐵綫		大埔墟 往羅湖或落馬洲
馬場 往金鐘		東鐵綫 賽馬日經馬場列車

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
	往上水	3-8	4-8	3-8	4-8		3.5-8	0541	0045
	往羅湖	6-8					5.5-8	0541	2327
	往落馬洲	10-12				12-14	10-14	0544	2155
	往金鐘	3-8	4-8	3-8	4-8		3.5-8	0557	0022
	往紅磡	3-8	4-8	3-8	4-8		3.5-8	0557	0052

出面網頁

• 港鐵公司－大學站街道圖
• 港鐵公司－大學站位置圖
• 港鐵公司－大學站列車服務時間