幸福傳聲基金會
幸福傳聲基金會（英文：BlessVision Foundation）係香港一間慈善機構，2016年10月6號創立。基金會致力推動各項慈善工作、生命教育同人道關懷。亦同電影公司合作，成為關懷同行夥伴，舉辦公開場同專題講座，配合電影內容帶出發人深省嘅訊息，幫助心靈創傷嘅朋友[1][2]。更推動「人道關懷」，舉辦課程、講座、電影分享會、海外關懷行動等，關心人口販賣、現代奴役等國際社會問題[3][4][5]。另外，逢星期一晚上10:30喺香港商業電台雷霆881有一個「點算幸福」節目，邀請唔同嘉賓分享走出心靈底谷嘅故事，療癒聽眾心靈。
| 幸福傳聲基金會 Blessvision Foundation | |
|---|---|
 | |
| 類型 | 香港慈善團體 |
| 成立日期 | 2016年10月 |
| 創辦人 | 林海 |
| 總部 | 九龍觀塘牛頭角偉業街182號觀塘碼頭廣場15樓1509B-1512室 |
| 網址 | https://bvf.world/ |
簡介
編輯幸福傳聲基金會藉住媒體製作同流動媒體平台「傳聲筒」MP3機，喺唔同國家同地方傳播幸福嘅信息，並召募唔同人士受訓成為專業義工團隊，將傳愛嘅使命付諸行動。以媒體結合關懷，生命影響生命，喚醒人類愛心同良知，帶來社會嘅轉化，重建人類嘅普世價值。受過「幸福傳聲基金會」培訓嘅義工，會安排到唔同社區嘅家庭、醫院、安老院同海外災區進行心靈關顧同重建工作[6]。
願景
編輯喺黑暗嘅地方帶來光明，安慰受傷困苦嘅心靈，喺天災人禍頻繁嘅年代，以媒體平台配合人道關懷嘅工作，喚醒人類嘅愛心同良知， 恢復人類心靈嘅健康，重建愛嘅世界。
目的
編輯建立無界限嘅安慰同治癒嘅流動媒體平台「傳聲筒」，隨時隨地傳播幸福嘅信息，將光明帶到給幽暗處、受傷同被剝削嘅心靈，幫助佢哋重獲自由。栽培同發展專業嘅心靈關顧義工隊，以行動配合平台喺世界活出愛。
幸福傳聲關懷行動
編輯為關心唔同病患同心靈憂困嘅朋友，可以喺黑暗中遇見光明，得到幸福快樂，幸福傳聲基金會策動名為「幸福傳聲關懷行動」，由三個核心行動組成：
- 定期製作唔同主題嘅心靈節目，喺各平台播出，帶來心靈醫治同安慰。
- 將優質心靈節目放入《傳聲筒》MP3機，定期派發畀有需要人士，成為一份貼心嘅關懷工具。
- 定期專業培訓有心志嘅義工，配合《傳聲筒》MP3機，以探訪走入社區，成為其他人嘅同行者。
治癒電影
編輯幸福傳聲基金會同香港嘅電影公司合作，致力推動能夠撫慰人心嘅電影，舉辦公開場同專題講座，透過電影內容傳遞正面訊息。為配合唔同嘅電影，亦會策劃唔同主題嘅媒體關懷行動。
幸福傳聲筒
編輯幸福傳聲筒MP3機係一部流動關懷平台，專為長期病患者、病者家屬同臨終者而設嘅一部福音播放工具，承載永恆嘅愛同祝福，五大內容包括：
病童關懷計劃
編輯長期病患嘅幼童一般都需要接受一段較長嘅治療時間，佢哋嘅生活圈子只可以喺屋企同醫院，唔可以返幼稚園讀書，噉樣對小朋友嘅社交同情緒等各方面嘅發展都受到影響。為咗支援長期病患幼童同家長喺心靈同生活適應上嘅需要，幸福傳聲基金會有退咗休嘅校長，為二至六歲患咗癌症嘅病童，開辦一啲簡單嘅學習班，令到病童有社交學習嘅機會[7]，同時亦有專業人士同過來人向家長分享資訊。
出面網頁
編輯
參考
編輯- ↑ 〈Mercer 手記 幸福傳聲基金會推關懷行動 沈祖堯剖白自身 「心靈小屋」〉。原著喺2017年10月2號歸檔。喺2017年9月22號搵到。
- ↑ 出席電影「爸不得回家」的慈善首映禮
- ↑ 人口販賣近在咫尺 喚起信徒覺醒憐憫
- ↑ 「覺醒．憐憫」會議關注人口販賣 以寬恕的心對待奴役
- ↑ 2017覺醒•憐憫會議 關注現代人口販賣趨勢
- ↑ 〈你不孤獨 透過MP3和義工等途徑傳播主愛〉。原著喺2017年10月2號歸檔。喺2017年9月22號搵到。
- ↑ 〈基督教服務: 幸福傳聲筒 讓上帝的話流傳〉。原著喺2017年10月3號歸檔。喺2017年9月22號搵到。