萬有引力

(由引力跳轉過來)
萬有引力令行星會跟住既定軌道公轉

萬有引力,係四種基本力之一,又叫引力,指令帶質量或者帶能量嘅一孖嘢互相趨近嘅力,無論細嘢似花草定係大嘢似行星恆星星系啲天體,甚至都會受引力影響。衹不過萬有引力係基本力裏頭最弱嘅,所以平閒時生活除開考慮啲嘢同地球月球)同埋太陽(大細潮)之間個引力之外會比較少涉及到。但涉及啲宇宙天體嗰陣時,好多時都要考慮埋引力影響。憑引力,太陽𧘌住各個星體構成太陽系,太陽系本身又同銀河𧘌埋圍住個銀河中心轉,銀河又同其他星系組成本星系羣與及其他仲要大嘅結構。萬有引力,無遠弗屆,亦即力去到無窮遠。之不過,愈遠愈弱,愈遠就弱得愈快。

最早總結出萬有引力規律嘅係牛頓。佢喺佢本《自然哲學嘅數學原理》入邊表述唨個萬有引力定律,講:

宇宙入邊每個質點都憑一種力吸引其他各個質點,之同佢哋質量乘積成正比、同佢哋之間個距離平方成反比
Every particle in the universe attracts every other particle with a force that is directly proportional to the product of their masses and inversely proportional to the square of the distance between them.

——艾薩克·牛頓,《自然哲學嘅數學原理》

公式表示係:

牛頓個定律喺一般情況(質量唔大抑或距離唔太短)同現實衲得好啱。但個定律入邊假設引力係無中介又即時嘅(超距作用),同埋應付近距離引力作用(水星進動)陣時會有誤差。

一九一五年,愛因斯坦發表咗廣義相對論,如此更準確咁描寫引力。引力唔用講,而用引力場同埋時空曲率來講。引力係質量不均,時空曲率帶來嘅結果。引力去到極致嘅嘢就係黑洞。黑洞嘅時空曲率之大,令到所有嘢、甚至連光都走唔出黑洞事界