區瑞強

區瑞強
Albert Au Shui Keung
區瑞強; Albert Au Shui Keung
男藝人
羅馬拼音	Au Shui Keung
英文名	Albert Au
花名	Albert; 民歌王子;
國籍	中國（香港）
籍貫	廣東肇慶
出世	1955年7月31號（69歲）; 英屬香港
職業	歌手、DJ、主持人、演員
語言	粵語、英文、普通話
教育程度	香港浸會學院傳理系文憑
母校	九龍總商會中文小學; 香港三育書院; 格致書院
配偶	Teresa
屋企人	妹妹：區桂芬; 細佬：區瑞明（Alvin）; 一共有八兄弟姊妹
音樂類	粵語流行音樂、華語流行音樂
演奏樂器	結他
出道地	英屬香港
代表作品	歌曲：; 《陌上歸人》; 《相識在童年》; 《那天再重聚》
活躍年代	1977年至依家
唱片公司	寶麗金（1977-1982年）; EMI（1983-1987年）; 銀星製作（1988年至今）

區瑞強（Albert AU Shui-keung，1955年 7月31號—）係香港一個擅長唱民歌、民謠嘅歌手，做緊香港電台 DJ。前歌手區桂芬係佢個妹。

生平

入行經歷

區瑞強喺香港土生土長，係本地資深歌手同民謠一代宗師。佢喺香港浸會學院傳理系畢業，曾經擔任香港電台唱片騎師（DJ），亦曾經為無綫電視主持多個音樂節目。

佢先後就讀香港九龍總商會中文小學^[1]、清水灣寄宿學校香港三育書院同已被殺校嘅格致書院。佢中三開始加入業餘民歌界，並初嘗民謠木結他，擅長演唱流行民歌，少年時代曾經代表學校出外比賽、參加業餘民歌音樂會，亦曾經喺餐廳唱英文歌同懷舊歌。

1977年獲邀加入寶麗金唱片公司，又被邀加入電視台同電台做主持，期間亦參與電視劇同電影嘅演出；至今灌錄粵、英同國語唱片過百張。

1979年推出唱片《陌上歸人》，銷量超過20萬張，成為當年全港歌星唱片銷量第一名。

近年發展

區瑞強亦喺1988年創辦「音樂農莊」（香港註冊慈善機構之一，喺新界錦田）同音樂農莊教室，曾經參與活動嘅香港人超過二百萬人次，係香港第一代推動環保意識嘅組織。

區瑞強依家為香港電台第二台主持《2000靚歌再重聚》（由1999年開始至依家嘅現場歌唱節目）同《Albert Au‧區瑞強》（DJ音樂節目），佢係香港劃時代而又資深中文節目主持。現場節目同香港同海外頂級歌手合唱，包括譚詠麟、李克勤、林子祥、徐小鳳、葉麗儀、陳潔靈、羅大佑、巫啟賢、關淑怡、呂方、黃凱芹、黎瑞恩、張偉文、鍾鎮濤、羅文、Joe Junior、Uncle Ray等，節目以懷舊歌為主，邀請唔同風格嘉賓合唱，共享黃金年代懷舊中、英文金曲；又會以結他、鋼琴伴奏，邊講邊唱。節目亦作網上全球直播同重溫（一年），所以有大量海外聽眾群，影響廣遠。佢亦有主持電視節目，例如《區瑞強擁抱大自然》（8集）同《香港十大勝景》（10集），將音樂融入大自然，推動環保訊息。

區瑞強大約喺1999年開始，基本上每年都會舉辦個人演唱會，並已經分別喺2007年舉辦入行30週年演唱會同2017年舉辦入行40週年演唱會。

區瑞強喺1980年代成名後攞過無數獎項；佢嘅音樂路線崇尚簡樸、清雅，歌唱技巧細膩精煉，係香港發燒Hi Fi唱片界男歌手頭號代表人，幾十年嚟致力推動香港民謠發展，不遺餘力。

現時擁有「銀星唱片製作」公司，推出無數唱片（包括監製同灌錄）以及演出、製作多場演唱會，都以民歌同抒情歌做主要重點。區瑞強被喻為香港民謠界代表及民歌一代宗師，有「民歌王子」美稱。

經典名曲

陌上歸人（香港電台同名廣播劇主題曲，1979年度香港電台十大中文金曲）
漁火閃閃（1979年）
愛在陽光空氣中（1979年）
水霞（1980年度香港電台十大中文金曲）
雲外千峰（1980年香港電台同名廣播劇主題曲）
相識在童年（1980年維他奶廣告歌）
那天再重聚（1982年TVB電視劇愛情安歌主題曲）
訴心曲（1984年）
世間情（1984年TVB電視劇生銹橋王主題曲）
再莫愚弄我(1984年TVB十大勁歌金曲第二季季選十大金曲)
蚌的啟示（同關正傑、盧冠廷合唱，1986年公民教育委員會廣告主題曲）
昨夜的渡輪上（翻唱，原唱李炳文）
囍帖街（翻唱，原唱謝安琪）
小河淌水（「音樂永續」作品，翻唱奚秀蘭歌曲）
月光光（「音樂永續」作品，翻唱奚秀蘭歌曲）

英文歌

The Sound of Silence
I'll Have To Say I Love You *In a Song
Longer
Vincent
If
You've Got a Friend
Windflowers
Bridge Over Trouble Water
Danny's Song
Dust In the Wind
Diary
Perhaps Love
The End of the World
Visions
Love Me Tender
Both Sides Now
Rhinestone Cowboy

政治立場

區瑞強嘅政治立場係親香港建制派。區瑞強、袁詠儀、張智霖同「肥媽」Maria Cordero喺2018年11月香港立法會九龍西地方選區補選為獲民建聯、經民聯等支持建制派候選人陳凱欣站台^[2]。

參考

↑ 〈區氏一家合照，右二者為正就讀九龍總商會中文小學的區瑞強，攝於1960年代九龍總商會中文小學操場〉。Alvin Au 區瑞明。喺2020-08-26搵到。
↑ 〈【九西補選】張智霖袁詠儀都撐陳凱欣網民：罷買FANCL〉 (香港中文)。蘋果日報。2018-11-26。原先內容歸檔喺2020-04-26。喺2018-11-28搵到。

出面網頁

[1] 〈區氏一家合照，右二者為正就讀九龍總商會中文小學的區瑞強，攝於1960年代九龍總商會中文小學操場〉。Alvin Au 區瑞明。喺2020-08-26搵到。

[2] 〈【九西補選】張智霖袁詠儀都撐陳凱欣網民：罷買FANCL〉 (香港中文)。蘋果日報。2018-11-26。原先內容歸檔喺2020-04-26。喺2018-11-28搵到。

[1]

[2]