徐展堂

經歷

徐展堂喺1950年跟屋企人去香港，1954年阿爸肺病過身，佢同阿媽、細佬妹相依為命。少年時代做過銀行信差、餐館雜工等。1957年創業，經營食肆、油漆、廣告招牌製作、裝修等。1970年代初，香港經濟蕭條，徐展堂冒險大手買入股票、房地產而致富。1980年代初，中英關於九七問題談判，香港地產低潮，徐展堂又再出擊，兩次成功，奠定佢經濟基礎。之後收購香港老字號中華製漆廠、香港城巴集團同埋英國倫敦首都城巴、北海集團，成為跨越香港、星加坡、中國大陸等國度嘅企業家集團。徐展堂嘅投資興趣重包括埋能源、基建同汽車等等。

徐展堂喺1993年起任全國政協常委，係最資深嘅港區全國政協常委，同時又被中方委任為港事顧問、預委會委員、特區籌委會委員、推選委員會委員等。2001年獲香港特區政府頒授金紫荊星章。

徐展堂亦有「古董大亨」嘅美譽。喺過去20年斥巨資從蘇富比、佳士得等拍賣會買返嘅珍貴文物多達5000多件，包括陶瓷、青銅器、玉器、家具、牙角器等，保守估計總值10幾億港元，藏量媲美國家級博物館。

2010年 3月5號兩會期間，喺北京寓所爆血管暈倒，送院之後被證實腦死亡^[1]。

2010年 4月2號朝早11點喺北京協和醫院逝世，終年69歲^[2]。

↑ 〈存档副本〉。原著喺2018年8月23號歸檔。喺2010年4月9號搵到。
↑ "Philanthropist TT Tsui dies in Beijing". 原著喺2011年6月5號歸檔. 喺2010年4月9號搵到.
↑ 〈徐展堂 - 檔案 - 名譽博士學位畢業生 - 香港大學名譽博士學位畢業生〉 (繁體中文)。香港大學。原著喺2020年3月27號歸檔。喺2020年3月15號搵到。
↑ 〈二〇〇一年授勳名單〉 (新聞稿) (繁體中文)。香港政府新聞公報。2001年7月1號。