效用

效用（粵讀：haau6 jung4；英文：utility），粵文又有叫效益jik1，係經濟學上嘅一個概念，指一件空想嘅數，表示一件物品或者一個選項喺做緊決策嗰個個體心目中幾有價值。

例如係房地產市場電腦模擬噉：房地產市場可以當做一個由好多決策者同住戶組成嘅系統，一個住戶會有若干位決策者，每位決策者都有各種嘅特徵，包括性別、年齡同埋喺娛樂上嘅偏好呀噉，同時每個住戶都有啲特徵，例如係「手上有幾多錢」噉^{[註 1]}；然後個程式會同每位決策者計個數，得知佢住邊會得到最大嘅效益—例如一個鍾意睇戲嘅人正路會想住喺戲院附近。進階啲嘅模型，仲會考慮埋參數會點樣隨時間而變化，或者考慮每位決策者會唔會遇到情況令佢啲特徵突變^[1]。