朱執信粵拼zyu1 zap1 seon31885年10月12號1920年9月21號),名太符taai3 fu4),字執信zap1 seon3),廣東番禺(而家係廣州)人,鄉下喺浙江省杭州市蕭山區,係近代中國資產階級革命家同理論家。1920年,佢喺東莞虎門孫中山剷走桂軍嗰陣,俾桂軍亂槍射死咗。佢死咗之後留低咗《朱執信集》響度。

朱執信
出世1885年10月12號
中國 中國廣東廣州
1920年9月21號
中國 中國廣東東莞
國籍中國 中國
職業中國資產階級革命家同理論家
出名原因幫孫中山搞反革命鬥爭

生平 編輯

  • 1902年:佢入咗廣州教忠學堂入面學嘢,重喺學校入面搞群智社
  • 1904年:佢去咗日本留學,跟住嗰年籌劃咗同盟會,重幫手出《民報》同改良派一齊傾點打仗。
  • 1906年:朱執信返到中國之後就嚟咗廣東省廣州市,喺軍隊入面靜鷄鷄噉搞活動。
  • 1908年,同趙聲、鄒魯等人一齊負責搞廣州新軍起義嗰陣因為單嘢穿咗煲,所以最後肥佬咗。
  • 1910年:再同趙聲、鄒魯等人一齊負責搞廣州新軍起義,但都係肥佬咗。
  • 1911年4月:佢參加咗由黃興搞嘅廣州起義(黃花崗之役)嚟做「敢死隊」,去打督署,點知肥佬咗,就走咗去香港避難。
  • 1911年嘅辛亥革命爆發咗之後,由於佢摟埋黨入面啲人同軍隊一齊搞廣東光復,最後朱執信做咗國民軍政府嘅參議院長、審計院院長等呢啲職位。
  • 1913年之後,朱執信積極參加孫中山領導嘅反鬥爭,重加入埋中華革命黨。
  • 喺1917年嘅護法運動入面,佢負責幫孫中山嘅大元帥府,嚟搞軍事聯絡工作。之後嗰年跟埋孫中山去咗上海度做《民國日報》同《建設》雜誌嘅編輯,嚟搞五四運動新文化運動

編輯

受到孫文嘅指令,朱執信喺1920年6月份就派到福建省漳州市入面趕嗮啲桂系軍閥走。返到廣州之後就準備出兵躝嗮啲桂系軍走。但係1920年9月21號,佢喺東莞虎門為咗定住桂軍同東莞民軍嘅衝突期間,俾人亂槍打死咗,終年35歲。

身後 編輯

由於朱執信突然死咗,搞到孫文喺軍事入面,又冇咗個緊要嘅架撐,搞到學軍事嘅蔣中正,就喺孫中山面前猛咁提高咗佢嘅地位。而孫文畀蔣中正嘅電文入面話:「執信突然死咗,搞到冇咗左右手噉,我嘅黨入面又冇乜人既識軍又可以有心噉睇人嘅。唯一就要靠嗮你喇(因為你識軍事嗰行)。」而蔣中正就喺《祭總理文》入面話:「孫中山,麻煩將執信嘅任務交畀我喇。」

以「執信」命名嘅嘢 編輯

廣州嘅執信南路
朱執信先生墓道
執信中學嘅正門
上海嘅執信西齋

馬路 編輯

內文:執信南路執信路 (東莞)

喺廣州街頭,有一條馬路係叫「執信南路」。佢係廣州市入面比較少見用人名嚟做路名嘅馬路。而喺東莞亦有一條叫「執信路」嘅馬路。

執信中學 編輯

內文:執信中學

孫中山喺朱執信死咗之後,為記念佢幫手搞民主革命嘅功勞,就用咗佢嘅名,喺廣州市辦咗間執信中學。喺學校啱啱開辦無耐,重有衣冠塚擺喺學校入面。喺每年嘅4月4號—4月5號,都有好多老師、學生同校友嚟拜佢。

朱執信墓 編輯

內文:朱執信墓

喺朱執信死咗之後,佢嘅主墳就葬咗喺先烈東路嘅沙河頂(而家6號綫沙河頂站B出入口東北邊冇幾遠嗰度),而家係廣州市文物保護單位。但係主墳因為成日俾白蟻搞搞震先至搬咗去執信中學入面,而之前執信中學入面嘅衣冠塚就喺家吓嘅沙河頂。

執信西齋 編輯

上海交通大學嘅徐匯校區入面,重見到有間執信西齋響度。

故居 編輯

汪氏隨山館,原本喺豪賢路倉邊路交界位,被清拆起成市房管局大樓。

參考 編輯

出面網頁 編輯