植物園站 (廣州)
植物園站（粵拼：zik6 mat6 jyun4 zaam6；英文：Botanical Garden Station）係廣州地鐵6號綫嘅車站，2017年6月28號開放，位置喺天河區龍眼洞南邊嘅天源路近89中門口同寶翠園附近，324國道嘅K972+500標記位。
| 植物園 Botanical Garden | |
| |
| 植物園站嘅中英文站名 | |
| 概覽 | |
|---|---|
| 冧巴 | 623 |
| 位置 | 天河區天源路近89中門口（324國道嘅K972+500標記位） |
| 座標 | 23°11′25.50″N 113°21′56.94″E / 23.1904167°N 113.3658167°E |
| 車站色 | |
| 經過路線 | 6 |
| 啟站 | 2017年6月28號 |
| 月台數 | 2 |
| 站口數 | 6 |
| 營運資訊 | |
| 車站服務時間 | 05:55—23:40 |
| 列車服務時間 | 06:00—23:35 |
| 廣州地鐵6號綫 潯峰崗 ◄長湴 （2.2km） （1.5km）龍洞► 香雪 | |
結構
編輯樓層
編輯呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係6號綫月台。雖然車站冇休息室，但廁所喺月台西南邊。
打掂
編輯| 地下 一樓 |
站廳 | 商舖、售票機、客服中心、安檢設施 |
| 地下 ２樓 |
事先留低咗畀23號綫 | |
| 圍墻 | ||
| 2月台 | ←6號綫列車去長湴站（行潯峰崗嗰邊） | |
| 1月台 | 6號綫列車去龍洞站（行香雪嗰邊）→ | |
| 圍墻 | ||
| 事先留低咗畀23號綫 | ||
打橫
編輯 |
 |
 |
站廳
編輯植物園站嘅站廳收費區喺車站中間，四圍都俾免費區嘅過街通道圍住嗮。收費區有好多部扶手電梯同樓梯、專用𨋢往返月台都得。
月台
編輯呢個站有兩個島式月台，喺天源路嘅地底。
雖然兩個月台喺搭客仔嚟講，表面睇似側式月台噉，但實際凈開咗月台兩邊嘅埋邊部分。開邊嗰兩條路軌同月台都留咗畀之後起23號綫用。而家喺兩邊月台暫時用緊玻璃板假牆擋住咗。雖然兩個月台嘅整體風格同嘉禾望崗站差唔多樣，但由於將來嘅23號綫用6節車廂，所以發現月台將來會係一長一短。
拆解預留方面，喺車站北邊留咗兩條單渡綫，分別同6、23呢兩條綫嘅上下行軌連埋一齊，而家暫時畀咗6號綫嘅正綫營運用途，而23號綫區間嘅下穿6號綫隧道都起好咗。將來一旦起23號綫時，月台原先封閉咗嘅開邊部分都會拆走同鋪軌、安裝設備。
另外，呢個站嘅6號綫西南邊都有條單渡綫，若果喺呢個站東邊條路線出咗冬瓜豆腐，行香雪啲車都會喺呢度做總站，跟住喺呢啲存車線返轉頭。個時去龍洞到香雪啲乘客要轉其它交通工具直達。
商舖同自助服務
編輯而家植物園站入面有唔同類嘅鋪頭畀乘客買嘢同埋食嘢，分別有便利檔同麵包檔。但入面有好多自助服務設施畀乘客用，包括咗自動販賣機；重有睇地鐵嘅安全指引同畀乘客登記做廣州地鐵薈嘅會員嚟查獎分、換獎品嘅服務。
|
|
出入口
編輯| 植物園站冚唪唥嘅出入口 | ||||||||||||
|---|---|---|---|---|---|---|---|---|---|---|---|---|
|
呢個站有6個出入口，分别係A、B、C同D、F、G。
| 冧巴 | 標記 | 方位 | 去到邊度 |
|---|---|---|---|
出入口A   |
天源路 | 天源路、中國科學院華南植物園 | |
| 出入口B | 天源路 | 天源路、世紀綠洲 | |
| 出入口C | 天源路 | 天源路 | |
| 出入口D | 天源路 | 天源路 | |
| 出入口F |
天源路 | 天源路、廣州市第89中學、廣東工業大學（龍洞校區） | |
| 出入口G | 天源路 | 天源路、寶翠園 | |
註： 有盲人引導徑 |  有輪椅升降臺 |  有斜道 | 有𨋢
| |||
頭尾班車信息同配線圖
編輯| 配線圖 | |||||||
|---|---|---|---|---|---|---|---|
|
█ 6號綫 | |||||||
|
|||||||
|
|||||||
|
|||||||
|
|||||||
|
|||||||
|
|||||||
|
|||||||
|
|||||||
|
|||||||
|
▼長湴站 | |||||||
.svg){kind=small}
.svg){kind=small}
.svg){kind=small}
.svg){kind=small}
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 6號綫 | |||||||
| 潯峰崗站 | 06:12 | 23:12 | |||||
| 香雪站 | 06:00 | 23:35 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
車站歷史
編輯規劃
編輯呢個站喺1997年嘅《廣州市城市快速軌道交通線網規劃研究（最終報告）》未出現過，嗰時凈得個嗌「龍洞」嘅車站，位置喺稍微偏東北嘅龍眼洞牌坊附近。直到2003年轉成而家嘅6號綫車站重拆開兩半，位置亦移到龍眼洞西南邊近華南植物園西北角重摱入6號綫二期工程入面。
站名方面，地鐵方考慮到附近有間華南植物園而改成噉嘅名。
施工
編輯
2011年6月17號，6號綫二期工程正式喐手起，雖然站廳同月台起得好順利，但有3個出入口同2組風亭都係由於世紀綠洲樓盤嘅征地問題[註 1]而一直冇辦法起好，令好多業主同居民好頭赤[1]，直到2016年3月底世紀綠洲屬下嘅業主委員會正式成立後第一時間出面處理呢單大頭佛，重喺同年4月6～7號同地鐵方傾咗兩日先至同意喺同年4月底將地交畀地鐵方施工[2]。
2016年12月28號嘅6號綫二期開通後，雖然車站嘅站廳同月台主體都起好嗮，出入口凈起咗天源路西北邊嗰三個[註 2]，但受到冇起到兩個風亭嘅影響，令列車一度飛站通過[3]。直到2017年6月22號先至起嗮天源路東南邊嗰三個出入口同兩個風亭[註 1]嘅工程。
開通
編輯從2017年6月28號朝早頭一班車開出之後，呢個站亦正式開通，之後啲列車都唔會再喺呢個站飛站通過[4]。
「寶翠園站」侵權畫案
編輯2014年1月初，喺地鐵站西南角工地（而家嘅G出入口附近）嘅寶翠園大門，居然飆出個「寶翠園站」嘅地鐵站。由於張畫太過似地鐵版3D畫，俾好多市民同業主猛咁鬧[註 3]。廣州地鐵方相關人士亦出面解決呢單嘢，話6號綫會整出包括呢個站同龍洞兩個站，但從嚟未搞過「寶翠園站」。後嚟單嘢俾媒體曝光之後，地鐵方話寶翠園自己整「地鐵出入口」嘅畫涉嫌侵權，重喺2014年2月初撤走咗[5]。
出入口
編輯呢個站喺啱開通無耐，開咗A、B、C、D、F，G呢六個出入口，而C同D出入口附近因為搞地下商業街，喺2018年1月6號開始封閉咗[6]。
利用狀況
編輯植物園站附近嘅客流主要畀附近啲住宅同小區、學生上落堂同去公園玩啲遊客用。喺6號綫未開通之前，啲人成日揀巴士喺呢個站附近啲巴士站（例如植物園站或世紀綠洲站）上落。自從2013年12月28號開通6號綫一期後，好多乘客都揀地鐵到長湴站上落跟住步行到呢個站或轉巴士到龍眼洞周邊地區。2016年12月28號開通6號綫二期後，部分客流又分流到龍洞站直達。加上嗰時往返地鐵站馬路對面啲人，成日要兜400m以外嘅斑馬線過馬路先至得。
2017年6月28號，由於呢個站正式開放，好多原先到長湴或龍洞呢兩個站落車直達華南植物園同龍眼洞附近地區啲乘客，都直接揀呢個站上落；加上亦解決咗往返馬路兩邊之間人車爭路嘅交通唔方便問題。加上附近亦有學校同住宅小區，所以全日客流都好多下。尤其喺節假日，好多遊客都會揀呢個站落車跟住行去A出入口到植物園大門。
從2017年11月30號開始，由於廣州地鐵實行咗嚴格嘅安檢制度，屆時唔理係過馬路對面定入站搭車啲乘客，都要接受「人過安檢門，物過X光機，液體過檢測儀」嘅制度。
附近嘅建築同景區
編輯
學校
編輯- 廣州市第89中學
- 廣州市藝術學校
- 廣東司法警官職業學院（龍洞校區）
- 廣東工業大學（龍洞校區）
樓盤
編輯- 世紀綠洲
- 寶翠園
- 育龍居
公園
編輯商場
編輯- 龍洞又一城
- 龍眼洞步行街
註同攷
編輯
- 註
- 攷
- ↑ 〈地铁六号线二期将"飞两站"〉。《信息时报》。鳳凰網。2016-04-06。
{{cite news}}: CS1 maint: url-status (link) - ↑ 〈确定了！植物园站、柯木塱站明年6月底前开通〉。《搜狐》。2016-04-08。
- ↑ 〈实地探访新线第二波！地铁6号线二期仍有两站不能如期开通〉。《广州乐居》。2016-12-28。
{{cite news}}: CS1 maint: url-status (link) - ↑ 〈植物园站、柯木塱站6月28日开通〉。《广州地铁》。2017-06-22。原著喺2017-06-29歸檔。喺2017-06-29搵到。
- ↑ 〈一帮到底〉。《南方都市報》。南都。2014-04-11。原著喺2020-07-19歸檔。喺2017-06-29搵到。
- ↑ 〈六号线植物园站C、D口1月6日起封闭〉。《广州地铁》。2018-01-04。原著喺2018-01-06歸檔。喺2018-03-19搵到。
上一站·下一站
編輯| 上一站⇚⇚ 廣州地鐵 ⇛⇛下一站 | ||
| 長湴站 潯峰崗站← |
植物園站 6號綫 |
龍洞站 →香雪站 |