椒鹽鮮魷係一味炸魷魚嘅小菜，香港大牌檔最耍家，澳門、廣東地方酒樓亦有得賣。常見整法係先將魷魚用鹽、糖、胡椒粉撈勻，再撲層薄生粉，之後落鑊炸到金黃色，跟住爆香蒜頭同紅椒粒，將魷魚同椒鹽落鑊兜勻，就可以上碟。
椒鹽鮮魷香脆可口，所以最啱送酒。另外，鮮魷可以用其他食材取代，好似九肚魚、賴尿蝦、大蝦、排骨同豆腐。
