游蕙禎

香港政治家

游蕙禎英文Regine Yau Wai-ching1991年5月6號—),係香港立法會議員本土派政黨青年新政創始人,做立法會議員之前喺九龍城區黃埔東做社區主任,同前黨友鄺葆賢有「黃埔孖寶」之稱。皆因佢靚女,所以被網民封做「女神」,重畀咗唔少花名,譬如「游主任」、「蕙禎BB」、「游BB」[3]

游蕙禎
Regine Yau Wai-ching
游蕙禎喺2016年9月做立法會選舉宣傳
香港立法會議員
任期
2016年10月1號-2016年11月15號[1]
選區九龍西
多數票2016年:20,643(7.4%)
個人資料
性別
別名游蕙禎
Regine Yau Wai-ching
出世 (1991-05-06) 1991年5月6號(32歲)
 英屬香港馬頭圍聖德肋撒醫院
國籍 英國國民(海外)
 中國香港
政黨 青年新政(2015年-2019年)
居住地香港旺角鴻都大廈(2016年)[2]
學歷學士
母校伊利沙伯中學
嶺南大學
職業立法會議員
專業文學攝影
簽名
網站青年新政 - 游蕙禎
花名女神、游主任、蕙禎BB、游BB
游蕙禎

簡歷 編輯

游蕙禎籍貫惠州省惠陽市,佢喺香港土生土長,讀過伊利沙伯中學,之後喺嶺南大學中文系畢業,大學二年級時被學校派到親中報章大公報實習兩個禮拜[4]。畢業後佢本嚟做寫字樓工,不過因為爆發雨遮革命,令佢毅然揀咗去從政,做咗青年新政嘅創始成員。

游蕙禎參選2015年香港區議會選舉,喺黃埔東選區挑戰雙料議員梁美芬,最終攞到2,041票,差約莫三百票輸咗[5],不過佢黨友鄺葆賢就贏咗,當選黃埔西區議員。2016年佢參選立法會選舉九龍西選區,挑戰梁美芬同其他各界對手,結果以20,643票攞到嗰區最後一席,成為咗香港史上最後生嘅立法會女議員。

2016年10月12號,游蕙禎宣誓就任立法會議員嗰陣,莊嚴承諾效忠香港民族,並竭盡所能捍衛香港嘅價值,同時將「People's Republic of China」讀做「People's Refucking of 支那」,佢同黨友梁頌恆喺宣誓後畀立法會秘書長陳維安裁定宣誓無效。事後佢話,用支那嚟稱呼「當今中國執政當局」,而非全球華人。

2016年10月18號,律政司以司法覆核挑戰立法會主席畀議員重新宣誓嘅權,打緊官司期間,全國人大常委會釋法基本法第104條。2016年11月15號,高等法院法官區慶祥裁定游蕙禎同梁頌恆拒絕宣誓,剝奪佢哋嘅議員資格。

有關事件 編輯

  • 𡃁模陶枳樽2015年區議會選舉期間,就游蕙禎外型喺Facebook同埋Instagram發表意見,話人哋「係嚟選美既」,但係就以「本人意見不代表本人立場」(我嘅意見唔代表我嘅立場)作結,結果畀網民炮轟[6]
  • 坊間流傳游蕙禎輸選舉嘅原因係好多女性選民妒忌佢嘅靚樣,所以專登投對家梁美芬。專欄作家葉一知用呢個傳聞做基礎,寫咗個男人瞞住老婆投游蕙禎票嘅故仔,引起社會迴響,梁美芬就回應話篇文係對佢人身攻擊,又強調美色唔可以收買選民。
  • 香港本土派其中一位出名人物梁天琦被踢爆喺中國大陸出世,有香港本土力量成員要求游蕙禎交代身世,游蕙禎大方將出世紙擺上網,透露佢係1991年5月6號喺香港私家醫院聖德肋撒醫院出世,阿爸係幫政府打工嘅技術員。
  • 游蕙禎喺香港電視娛樂ViuTV電視劇《三一如三》第13集特別客串劇中候選人嘅角色(劉惠睛),而呢集安排喺立法會選舉投票日翌日播出。
  • 游蕙禎嘅左手手臂內側,有一個神秘梵文紋身圖案,目的係提醒自己「性格上好啲」[7]
  • 游蕙禎就任立法會議員無耐,出席一個香港理工大學搞嘅議政論壇,畀臺下觀眾問到單程證審批權問題嗰陣,佢答答下話「就算我哋而家想去扑嘢,都搵唔到房扑呀」,引起臺下一啲觀眾嘩然,重吸引到包括《時代雜誌》在內嘅媒體廣泛報道。亦因為咁,游蕙禎就多咗一個花名,叫做「扑嘢精」[8]
  • 游蕙禎曾經喺instagram貼咗一張自己嘅純白三點式水著圖,問網民有無去泳池嘅習慣,不過有人就留言話游蕙禎唔搞政治搞睇肉,游蕙禎回應話自己只不過係影啲每個人都有既嘢然後放上網,網民自己都有,可以睇自己,再有另一網民又留言話咁游蕙禎全裸都得,游蕙禎又回應話自己鍾意放邊類相就放邊類相,呢個係自己社交平台,就係唔鍾意全裸[9]
  • 游蕙禎曾經畀人誤會過大肚,跟住游蕙禎喺instagram貼咗一張自己嘅性感比堅尼泳衣相嚟闢謠,證明自己無大肚[10]

參考 編輯

  1. 誓風波 港法院宣判2本土派議員資格被取消. 蘋果日報. 蘋果日報. 2016-11-15. 原先內容歸檔喺2017-01-14. 喺2016-11-15搵到.
  2. 郭偉勳 (2016-08-05). 舉管理委員會 (選舉程序) (立法會) 規例(第541章,附屬法例D) (第21條)--有效提名的公告--立法會換屆選舉九龍西地方選區 (PDF). . 香港特別行政區政府. 20 (22). 原著 (PDF)喺2016-08-22歸檔. 喺2016-08-05搵到.
  3. 捧女神BB 游蕙禎:女性從政睇樣好正常. 原著喺2016年2月10號歸檔. 喺2015年11月28號搵到.
  4. . 原著喺2016年3月4號歸檔. 喺2015年11月28號搵到.
  5. . 原著喺2015年11月26號歸檔. 喺2015年11月28號搵到.
  6. 週刊:fb狠批游蕙禎 嫩模終極頭盔笑死網民. 原著喺2016年11月11號歸檔. 喺2018年12月16號搵到.
  7. 環出更:游蕙禎手臂紋梵文 提自己.
  8.   .
  9. 蕙禎出純白水著圖 留言:個係我ig,就係唔鍾意全裸。. 2019-03-30.
  10. [圖集]游蕙禎post比堅尼相 力證自己無大肚. 2019-12-18.

出面網頁 編輯