澳門賭業

澳門賭業喺1847年響葡萄牙嘅管治之下開始合法化，自此以後，澳門以「東方蒙地卡羅」之名被世界所知，賭業更成為澳門經濟嘅重要一部份。第一個賭牌喺1930年發咗畀豪興公司，但嗰間公司嘅經營太保守，未能完全發揮賭業嘅經濟潛能。當時嗰間公司只提供中式嘅博彩項目。及後，由傅老榕及高可寧嘅泰興公司喺1937年投得澳門賭牌。到咗1962年，政府將所有形式嘅賭牌改發畀澳門旅遊娛樂有限公司（簡稱澳娛，英文簡稱STDM）。牌照响1986年續期十五年，响2001年尾屆滿。

2002年，澳門特別行政區政府唔再發出賭權，改為向三間公司發出賭權牌照，分別係澳門博彩股份有限公司（簡稱澳博）、永利渡假村(澳門)股份有限公司（簡稱永利）同埋銀河賭場股份有限公司（已被收購，而家屬於銀河娛樂集團有限公司名下）。

對經濟嘅影響

號稱「東方蒙地卡羅」嘅澳門，經濟好大程度上依賴賭業。現時賭業收益佔澳門國內生產總值超過四成。由1960年代初起，澳葡政府稅收半數來自賭業。呢個比率直到1990年代尾仍保持穩定。1998年，政府收入嘅44.5%直接來自博彩稅。1999年呢個比率跌咗9.1%。澳門回歸後，特區政府藉向其他公司發出賭業牌照，打破澳門旅遊娛樂有限公司喺呢個行業嘅壟斷局面。2002年，政府向兩家公司發出賭牌，分別係永利度假村（澳門）股份有限公司同銀河娛樂場股份有限公司。呢個方法開啟賭業競爭局面，並大大提升政府稅收。呢個方法亦吸引更多旅客嚟澳門。

據博彩監察協調局統計資料顯示：賭場嘅「幸運博彩」於2005年嘅毛收入有四百四十七億二千五百萬蚊，較2004年增長11.29%。而現時澳門持牌已營運嘅三間賭業集團中，美資威尼斯人公司嘅金沙賭場喺2005年呈最大增長，相對於2004年增幅達一點四五倍，而銀河公司亦有約三成增幅，澳博就冇明顯增長。

但澳門嘅賭業亦係澳門經濟嘅一個唔穩定因素，因為賭業唔能夠促進城市技術發展或生產力增長。澳門賭業嘅發展仍依賴亞洲周邊經濟體嘅繁榮，特別係香港同中國大陸。

賭嘅政策同形式

賭嘅政策

澳門政府實施咗詳盡嘅法律，以確保「賭場幸運博彩之適當經營及操作」。《賭場幸運博彩經營法律制度》有詳細嘅表列內容。

澳門政府內設立博彩監察協調局，以確保博彩服務嘅質素，以及對公眾的投訴迅速作出回應。博彩監察協調局係對各種博彩活動嘅主要監管機構。喺幸運博彩經營法律制度下，經營彩票銷售、幸運抽獎或類似嘅活動，需要取得博彩監察協調局嘅允許，並且需要在申請舉辦此等活動之前至少十天向相關的政府部門發出通知。

另外，從1931年開始，據《政府公報》724號訓令所示：任何文、武職員唔畀入去賭博場地，但執行公務或按照習俗進入就唔受限制。澳門公務員而家除咗農曆新年三日（農曆年初一至年初三）假期外，平日亦唔畀踏足賭場。

賭場

澳門現有28間賭場，大部分集中喺澳門新口岸，即喺港澳碼頭─友誼大馬路─葡京酒店沿線一帶，小部份响氹仔嘅大酒店入面；當中以金沙賭場規模最大、海島賭場規模最細。佢哋全部喺政府嘅特許，以及共同嘅規章下經營。

賭响澳門已經合法存在一段長時間。由1851年到1863年，澳葡政府曾對賭場實行發牌制度。到1937年高可寧、傅老榕組成泰興娛樂總公司投得賭權，並喺新馬路嘅中央酒店（現新中央酒店）六樓開設賭場。到港資背景為主嘅霍英東、何鴻燊、葉漢、合組嘅財團（即澳門旅遊娛樂有限公司，而家嘅澳門博彩股份有限公司為澳娛子公司）於1961年10月投得賭權並由此壟斷控制大約四十年。首間賭場係新花園賭場。

澳門回歸後特區政府打破賭業壟斷局面，2000年7月澳門特區政府成立博彩委員會，完成《訂定娛樂場幸運博彩經營法律制度》，俗稱博彩法，規定只發出最多三個賭牌，訂定由方式、經營處、競投方式到溢價金、稅務制度等。七人組成博彩小組於2002年1月底批出三間加權評分最高嘅公司：除「澳博」外，包括來自美國嘅拉斯維加斯金沙（艾德森）、永利渡假村（史提芬·永利），年期分別到2020年4月同2022年6月。

2004年 5月18日，首間非澳博旗下嘅賭場，位於新口岸漁人碼頭旁邊嘅金沙賭場開始營業。

統計資料顯示，澳門賭場喺2006年首季共有1,648張賭檯，三個月內增加三成；「老虎機」一共有4,223部，較舊年尾大幅增加五成。

喺賭場開設嘅賭項

澳門准許開設中西式幸運賭項共廿八項，包括：三公百家樂*、百家樂（細分：貴賓百家樂、百家樂、迷你百家樂）*、“鐵路”百家樂、廿一點*、廿五門、花旗骰、骰寶*、十二號碼、番攤*、十一支/十二張牌博彩、娛樂場之戰、十三張撲克、麻雀、麻雀百家樂、麻雀牌九*、小牌九、彈子機、牌九*、魚蝦蟹骰寶*、富貴三公*、五張牌撲克、足球紙牌、Q撲克*、幸運輪*、輪盤*、g撲克（加勒比海撲克）*、九家樂、臺灣牌九、擲牛同老虎機等（有*者係成日開辦項目）。最受歡迎嘅當然係百家樂。貴賓廳嘅百家樂於2005年嘅毛收入佔該年博彩總收入達百分之六十一點一八。

以下係2005年統計賭場主要收入博彩項目：

「貴賓百家樂」（毛收入二百八十億二千三百萬元）
「百家樂」（毛收入九十六億四千八百萬元）
「迷你百家樂」（毛收入五億四百萬元）
「三公」（毛收入二億五千萬元）
「廿一點」（毛收入十四億一千八百萬元）
「骰寶」（毛收入十四億八千四百萬元）
「老虎機」（毛收入十五億一千四百萬元）
「魚蝦蟹」（毛收入十億二千六百萬元）
「輪盤」（毛收入一億八千一百萬元）

澳門賭場一覽（部分賭場分拆為唔同主題賭場）

呢個係澳門嘅賭場一覽。一覽包含現時營運緊嘅賭場、就起好或者規劃緊嘅賭場、以及歷史上曾經存在過嘅賭場。

豪興公司獲得博彩專營權前嘅零散細賭場唔列入一覽之中。
一覽以獲得澳門博彩專營權嘅公司劃分。

經營緊同規劃起緊嘅賭場

澳門博彩股份有限公司（簡稱：澳博、SJM）主賭牌持有人

名	地址	中場	貴賓廳	老虎機場	狀況
葡京賭場（Lisboa）、葡京水晶宮賭場（Crystal Palace）、葡京蒙羅麗莎賭場（Mona Lisa Palace）、葡京名門天下賭場聚寶庫老虎機賭場 (Treasure Cavern）	葡京酒店	＊	＊	＊	將重建
新葡京賭場（Grand Lisboa）	新葡京酒店（工人球場舊址）	＊	＊	＊	經營緊
新回力賭場（New Jai Alai）聚寶軒老虎機賭場	舊回力球場	＊	＊	＊	經營緊
皇宮賭場（Macau Palace，俗稱賊船）	漁人碼頭旁	＊	＊	＊	執笠
東方賭場（Oriental Casino）	文華東方酒店	＊	＊	＊	經營緊
金域賭場（Kingsway Casino）#	金域酒店	＊	＊	＊	執笠
假日鑽石賭場（Holiday Inn Diamond Casino）#	假日酒店	＊	＊	－	經營緊
金碧阿拉伯之夜賭場（Kam Pek Arabian's Night Casino）、羅浮宮賭場（Casino de Louvre）#	新建業商業中心	＊	＊	－	經營緊
勵駿會賭場（The Legend Club）#、法老王宮殿娛樂場（Pharaoh's Palace）# 奧秘角子機賭場（Orbit）#	置地廣場酒店	＊	＊	＊	經營緊
遊艇會賭場（Casino Marina Infante）# （又稱：皇庭海景賭場）	皇庭海景酒店	＊	＊	＊	經營緊
希臘神話賭場（Greek Mythology）# （前稱：新世紀賭場）	新世紀酒店	＊	＊	＊	經營緊
君怡賭場（Grandview Casino）# （前稱：澳門賽馬會娛樂場）	君怡酒店	＊	＊	－	經營緊
皇家金堡賭場（Casa Real Casino）#	皇家金堡酒店	＊	＊	＊	經營緊
金龍賭場（Golden Dragon Casino）#	金龍酒店	＊	＊	＊	經營緊
財神賭場（Casino Fortuna）、財神娛樂坊#	財神酒店	＊	＊	－	經營緊
英皇宮殿賭場（Casino Emperor Palace）#	英皇娛樂酒店	＊	＊	＊	經營緊
巴比倫賭場（Babylon Casino）# 邁阿米火鳥老虎機賭場（Miami Flamingo Slot Club）#	漁人碼頭	＊	＊	＊
舊海島賭場項目（Casino Taipa，又稱：凱悅賭場）	麗景灣酒店（2006年7月1號之前叫凱悅酒店）	＊	＊	＊	規劃重建緊
十六浦賭場（Casino de Porte 16）	十六浦	＊	＊	＊	經營緊
凱旋門賭場（Casino de Arc de Triomphe）#	凱旋門酒店	＊	＊	＊	經營緊
海洋之神項目（Oceanus）	舊回力球場、新八百伴、澳門皇宮賭場等原址	＊	＊	＊	規劃緊
濠景花園項目#	濠景花園五期	＊	＊	＊	規劃緊
未命名項目#	信德集團路氹城發展項目	＊	＊	＊	規劃緊
未命名項目#	信德集團南灣湖發展項目	＊	＊	＊	規劃緊
聚寶殿老虎機賭場（Treasure Hunts）	逸園跑狗場	－	－	＊	經營緊
聚寶廊老虎機賭場（Treasure Express）	金皇冠中國大酒店	－	－	＊	經營緊
皇虎老虎機娛樂中心（Tiger）	澳門旅遊塔	－	－	＊	經營緊
聚寶皇庭老虎機賭場	誠豐商業中心	－	－	＊	經營緊

美高梅金殿超濠股份有限公司（簡稱：MGM）副賭牌持有人，由澳門博彩股份有限公司轉批畀

名	地址	中場	貴賓廳	老虎機場	狀況
美高梅金殿賭場（MGM Grand Macau）	美高梅金殿度假村	＊	＊	＊	經營緊

永利渡假村 (澳門) 股份有限公司（簡稱：永利、Wynn）主賭牌持有人

名	地址	中場	貴賓廳	角子機場	狀況
永利澳門賭場（Wynn Macau）	永利澳門渡假村	＊	＊	＊	擴建緊
永利皇宮	路氹城	＊	＊	＊	經營緊

新濠博亞博彩 (澳門) 股份有限公司 *（簡稱：Melco PBL、新濠博亞）副賭牌持有人，由永利渡假村 (澳門) 股份有限公司轉批畀

名	地址	中場	貴賓廳	角子機場	狀況
摩卡(皇都)角子機賭場（Royal, Mocha）	皇都酒店	－	－	＊	經營緊
摩卡（金域）角子機賭場（Kingsway, Mocha）	金域商業中心	－	－	＊	經營緊
摩卡（駿景）老虎機賭場（Taipa Square, Mocha）	駿景酒店	－	－	＊	經營緊
摩卡（新麗華）角子機賭場（Sintra, Mocha）	新麗華酒店	－	－	＊	經營緊
摩卡（格蘭）老虎機賭場（Taipa, Mocha）	格蘭酒店	－	－	＊	經營緊
摩卡（海冠）老虎機賭場（Marina, Mocha）	海冠中心	－	－	＊	規劃緊
澳門皇冠賭場（Crown Macau）	皇冠酒店	＊	＊	－	經營緊
摩卡（皇冠）老虎機（Crown, Mocha）	皇冠酒店	－	－	＊	經營緊
夢幻之城賭場（City of Dreams）	夢幻之城度假村	＊	＊	－	起緊
摩卡（夢幻之城）老虎機（City of Dreams, Mocha）	夢幻之城度假村	－	－	＊	起緊
星麗門娛樂場項目	路氹城新濠影匯（Macau Studio City）	＊	＊	＊	經營緊
新口岸外港新填海區項目	新口岸外港新填海區	＊	＊	＊	規劃緊

備註： "%"　摩卡老虎機賭場原由澳門博彩股份有限公司同新濠國際發展有限公司合作投資興建，及後新濠國際發展有限公司同澳洲 PBL集團合組新濠博亞娛樂有限公司，2006年3月，新濠博亞賭場有限公司表示將承投永利旗下副賭牌，並由兩個合作財團共同成立百寶來娛樂 (澳門) 股份有限公司作為承投賭牌嘅公司，交易並喺2006年9月11日經澳門特區政府批准。2006年10月，百寶來娛樂（澳門）股份有限公司改名叫新濠博亞博彩(澳門)股份有限公司。

銀河賭場股份有限公司 *（簡稱：銀河、Galaxy）主賭牌持有人

名	地址	中場	貴賓廳	角子機場	狀況
銀河華都賭場（Waldo Casino）#	華都酒店	＊	＊	＊	經營緊
銀河利澳賭場（Casino Rio）#	利澳酒店	＊	＊	＊	經營緊
銀河總統賭場（Casino de Presidente）#	總統酒店	＊	＊	-	經營緊
銀河金都賭場（Grand Waldo Casino）#	金都酒店	＊	＊	＊	經營緊
銀河星際賭場（Galaxy StarWorld）	星際酒店	＊	＊	＊	經營緊
路氹城銀河大型娛樂場第一期（Galaxy Mega Resort, Phase 1）	路氹金光大道	＊	＊	＊	起緊
路氹城銀河大型娛樂場第二期（Galaxy Mega Resort, Phase 2）	路氹金光大道	＊	＊	＊	規劃緊

備註： "#"　同第三方公司合作投資或賭場「中場」、貴賓廳同角子機場外判畀第三方公司

威尼斯人 (澳門) 股份有限公司（簡稱：威尼斯人、VML）副賭牌持有，由銀河娛樂集團有限公司轉批畀

名	地址	中場	貴賓廳	角子機場	狀況
金沙賭場（Sands）、明珠坊賭場（Pearl Room）、如意坊賭場（Level of Fortune）、百樂坊賭場（Treasure Level）	新口岸外港	＊	＊	＊	擴建緊
威尼斯人賭場（Venetian)	威尼斯人渡假村	＊	＊	＊	擴建緊
遠東發展集團項目	路氹金光大道	＊	＊	＊	規劃緊
香格里拉酒店項目	路氹金光大道	＊	＊	＊	規劃緊
四季賭場（Four Season）	路氹金光大道四季酒店	＊	＊	＊	經營緊
希爾頓酒店項目	路氹金光大道	＊	＊	＊	規劃緊
仕達屋酒店項目	路氹金光大道	＊	＊	＊	規劃緊
Fairmont及Raffles酒店項目	路氹金光大道	＊	＊	＊	規劃緊

備註：

"*" 銀河賭場股份有限公司已被銀河娛樂集團有限公司收購，成為旗下嘅附屬機構。而新濠國際發展有限公司同澳洲PBL集團喺完成收購永利轉批嘅副賭牌程序後亦已將獲得賭牌嘅百寶來賭場 (澳門) 股份有限公司注入聯營公司新濠博亞博彩 (澳門) 股份有限公司旗下。