維基百科

澳門4號巴士

澳門4號巴士係一條由澳門新福利公共汽車有限公司做緊，由筷子基總站來回新馬路嘅循環巴士線，以環狀順時針嚟行。

管理資訊
監管者 交通事務局
經營者 File:新福利.png新福利
所屬車廠 青洲車廠
路線用車 蘇州金龍KLQ6960GQE5
路線資訊
路線圖
一覽
路線性質 循環
服務資訊
服務時間 06:45-00:10
班次間隔 六至廿分鐘
全程收費 六蚊葡幣
主要競爭交通 3X

背景

編輯

1950年代，呢條線由福利公司成立，當時重未有冧巴嚟叫巴士線，但係由於當時呢條線響澳門中區以環狀順時針嚟行，所以被人叫做小環市線。

1986年，澳葡政府更改新橋區入面多條路嘅行車方向，所以改行三盞燈，但係改行第一日，就因為違泊私家車影響，搞到巴士響轉彎位塞住過唔到。

1990年8月15號，因應筷子基區發展需要，延長到筷子基，同埋全線改用冷氣巴嚟服務。

2016年1月16號，調整服務時間響朝早六點到凌晨十二點十分，六至十二分一班車[1]。

2016年4月23號，去筷子基總站方向，停完「水上街市」站之後，改行林茂海邊大馬路，唔停「沙梨頭海邊街」、「提督／紅街市」、「蓮峰游泳池」、「第二警司處」同「白朗古／跑狗場」站，改停新設嘅「林茂／澳門遊艇會」站之後直接開去筷子基總站[2]。當時有人問點解遊艇會同總站隔噉遠但係唔響中間再加多個站，交通事務局回應造避免減少林茂塘區少量嘅街邊車位。

2016年4月27號，去筷子基方向，停完「林茂／澳門遊艇會」站之後，交通事務局終於順應民意加停新設嘅「運順新邨」臨時巴士站[3]。

2016年5月7號，交通事務局宣佈「運順新邨」臨時巴士站正式設站，改名做「林茂／運順新邨」站。

2017年6月1號，調整禮拜六、日同強制性假期嘅班次，由八到十二分一班，改做繁忙時間十二到十五分一班、普通時間十五到廿分鐘一班[4]。

2017年9月9號，呢條線係新福利唯一一條用中巴服務嘅巴士線。

2018年4月16號，交通事務局召開記者會，公佈巴士加價同回應4月15號嘅氹仔嘉樂庇總督馬路巴士奪命交通意外，會上交通事務局局長林衍新局先公佈會響4月21號澳門所有公共巴士統一收六蚊葡幣，用澳門通拍卡畀錢就分普通線同快線收費，普通線收三蚊葡幣而快線就收四蚊，餘額由政府補貼，學生卡就響澳門通嘅價錢上再半價，老人同殘疾人士免費，將原本傾好嘅分澳門居民澳門通同普通澳門通收費（普通澳門通重有補助不過補少啲）、學生寒暑假期間取消優惠、老人同殘疾人士卡朝早同晏晝繁忙時間取消優惠（唔想老人同殘疾人士同返工啲人逼車）嘅全部內容唔實行，又將六十分鐘入面補差價由澳門線轉氹仔線嘅轉乘安排取消，澳門線轉氹仔線受澳門線轉澳門線轉乘時間一樣四十五分鐘，轉路環線就保留六十分鐘轉乘時間，林衍新話加價係基於澳門巴士好多年都冇加價（同樣理由已經響早排交通事務局服務費、鎖轆費、分階段調整咪錶收費用過），同埋佢嘅局預算冇加，但係補貼巴士公司嘅錢就不停噉加，所以點都要加，重話加幅比2008年巴士加價幅度細，調整幅度相對溫和，被人批評交通事務局冇經過大多數民意支持就霸王硬上弓話加就加夾硬嚟，2008年巴士雖然加價，但係當年第一任交通事務局局長汪雲為咗吸引多啲人搭巴士支持綠色出行，第一次推出澳門通拍卡有補貼，變相減咗價，但係由於冇區分澳門居民同遊客，所以交通事務局補貼費用年年上升，惹嚟澳門市民反感，要求區分收費，但今次方案諮詢嗰陣有提到，但冇實行[5][6]。

2018年4月21號，澳門巴士票價調整，呢條線嘅收費亦跟住調整：全程收費係六蚊葡幣，唔再分區收費。

2019年4月6日，因市政署開展「內港北雨水泵站箱涵渠建造工程」，去筷子基方向臨時唔停靠「十六浦」站。直到同年8月31日。


用車

編輯

福利時期

編輯

主要用從英國買嚟嘅二手Bristol L5G（1939-1950年出廠）同Bristol LS5G（1950年代出廠）嚟行。1989年，前面講到嘅兩款車都退役，先改用亞比安同ISUZU JCR460，兩款熱狗巴士嚟行。

新福利時期

編輯

1990年開始，全線改用冷氣巴服務，因為當時新福利FUSO大巴已經全部用嗮嚟行3號同5號，而冇冷氣嘅ISUZU就開始加裝冷氣工程，呢條線改用小巴嚟行就會用三菱Rosa同日產Civilian小巴嚟行，當中三菱佔多數。隨著客流增長，先陸續派啲長身少少嘅車嚟行呢條線，最初間唔中會派三菱FUSO大巴、平治O814同猛獅13.230巴士嚟行，後來大量引入蘇州金龍KLQ6930G（9.3米）型中巴，呢條線嘅用車就變咗以呢款車為主，1989年三菱FUSO大巴響退役前曾經派過嚟行呢條線。

響新巴士服務開始之後，因應5號改用丹尼士飛鏢SLF 11米大巴做主車，呢條線開始以丹尼士飛鏢SLF 10米中巴為主。

蘇州金龍KLQ6930G中巴（K71-K85）響2012年開始逐漸改做包車用途而退出呢條線，由蘇州金龍KLQ6101GE3復出取代。

4號同17號就係交通事務局定咗試驗視障助乘發聲器裝置方便視障人仕上車嘅巴士線，所以響15部丹尼士飛鏢安咗視障助乘發聲器裝置，呢條線開始全線用呢款巴士服務，而原本行開呢條線嘅蘇州金龍KLQ6101GE3就改行25X為主，當丹尼士飛鏢車唔夠嗰陣會優先抽調9A嘅丹尼士飛鏢嚟行，不過呢條線間唔中都會有蘇州金龍10.5米大巴嚟行。

現時用車包括：

  • 蘇州金龍KLQ6960GQE5
  • 蘇州金龍KLQ6108GQ30、KLQ6108GQ28、KLQ6108GQ28E4 10.5米大巴（間中出現）

走線

編輯

車費

編輯
  • 全程車費：澳門幣六蚊。
  • 用澳門通全民卡，只係扣三蚊，其餘由政府畀。
  • 用澳門通學生卡，只係扣一個半，其餘由政府畀。
  • 用澳門通長者卡免費，其餘由政府畀。
  • 用澳門通殘疾卡免費，其餘由政府畀。


服務

編輯
服務時間 禮拜一到五 禮拜六、日同公眾假期
筷子基總站 06:00-00:10
班次 繁忙時間6-8分鐘，普通時間10-12分鐘 繁忙時間12-15分鐘，普通時間15-20分鐘

停站

編輯
 
4號走線圖
去筷子基總站方向
  1. 筷子基總站
  2. 台山街市
  3. 提督馬路／雅廉訪
  4. 幸運閣
  5. 雅廉花園
  6. 得勝花園
  7. 塔石廣場
  8. 水坑尾／方圓廣場
  9. 約翰四世大馬路
  10. 新馬路／永亨
  11. 十六浦
  12. 沙梨頭街市
  13. 林茂／澳門遊艇會
  14. 林茂／運順新邨
  15. 筷子基總站

客量

編輯

呢條線初期冇噉多線同佢爭嗰陣客流都有一定數量，但後來越來越多線投入服務同呢條線部分路段重疊客流就開始下降，大部分路段要同8A去爭客，「雅廉花園」站開始就要同19號爭，「得勝花園」站開始就要同18號、18A、18B去爭；新馬路打後就要同3號、3X、26號、26A、33號去爭。呢條線比起上面講到嘅巴士線比，班次唔算密，所以好容易就搶嗮呢條線嘅客，雖然新時代嘅8A、18通常嘅班次都比較疏，但係19號嘅班次比呢條線重要密，而33號嘅班次比呢條線重要密超多。呢條線只有筷子基總站一帶來回中區先有獨市位，加埋筷子基、林茂塘係澳門第二大嘅住宅密度高嘅地方，對新馬路區有好大嘅交通需求，而呢條線比8A、19號同33號停站都少啲，有時會吸引一啲想快嘅乘客去搭。所以繁忙時間客流量高，但係普通時間就麻麻。

攷

編輯
  1. ↑ 〈多條巴士路線增班延服務配合市民出行〉。交通事務局。2016年1月12日。原著喺2016年1月29日歸檔。喺2017年11月16日搵到。
  2. ↑ 〈3X及4路線巴士周六調整行程〉。交通事務局。2016年4月21日。原著喺2016年5月6日歸檔。喺2017年11月16日搵到。
  3. ↑ 〈4路線新增停靠運順新邨臨時巴士站〉。交通事務局。2016年4月26日。原著喺2016年5月9日歸檔。喺2017年11月16日搵到。
  4. ↑ 〈73路線引入天然氣巴士行駛〉。交通事務局。2017-05-29。
  5. ↑ （繁體中文）拍卡3元 現金6元 巴士收費週六起加價，論盡傳媒，響2018年4月16號搵到。
  6. ↑ （繁體中文）有意見指巴士加價漠視民意，澳廣視，響2018年4月21號搵到。

睇埋

編輯

拎

編輯


由「https://zh-yue.wikipedia.org/w/index.php?title=澳門4號巴士&oldid=1904486」收