澳門5號巴士
澳門5號巴士係一條由澳門新福利公共汽車有限公司做緊，由澳門旅遊塔來回華大新村嘅循環巴士線。
澳門5號巴士
| |||||||||||
|---|---|---|---|---|---|---|---|---|---|---|---|
| |||||||||||
| 管理資訊 | |||||||||||
| 監管者 |  交通事務局
| ||||||||||
| 經營者 | File:新福利.png新福利 | ||||||||||
| 所屬車廠 | 青洲車廠 | ||||||||||
| 路線用車 | 蘇州金龍（海格）KLQ6115GQ 宇通ZK6128HG | ||||||||||
| 路線資訊 | |||||||||||
| 路線圖 | |||||||||||
| 服務資訊 | |||||||||||
| 服務時間 | 媽閣總站：05:40-01:00 | ||||||||||
| 班次間隔 | 六到十五分鐘 | ||||||||||
| 全程收費 | 六蚊葡幣 | ||||||||||
| 主要競爭交通 | 1、9、9A、10、25、25X | ||||||||||
背景
編輯1949年1月1號，成立5號巴士線，呢條線係澳門其中一條有好耐歷史嘅巴士線。1988年7月18號之前一直由福利嚟做。
1950年代中期，福利重組1、2、3、4號合併入小環市線同5號，重響日頭嘅總站由台山延長到關閘，晏晝五點半之後就變返台山做總站。
1962年8月19號同1963年9月10號，由於5號巴士太多人，福利先後復開1號、2號，嚟疏流客量。
1964年，去關閘方向改返直路經蓮峰球場到台山。
1972年1月，去關閘方向又兜返白朗古將軍大馬路、台山街市，之後又好多次改言直路經蓮峰球場到台山。
1977年5月，福利本來希望派雙層巴士嚟行呢條線，重一度響6月9號向市政廳申請成立6號（同5號行法一樣，兩邊總站係海傍總站同蓮峰廟）嚟輔助5號，計劃響7月1號成立，但係市政廳提出如果5號用雙層巴士，噉過橋巴士就唔可以行新馬路，所以先算數唔搞。
1980年8月，關閘馬路由雙向行車改做單行線去關閘，5號由關閘開出之後，要改經馬場東大馬路、黑沙環第六街。
1980年代，為咗配合關閘延長通關時間，5號所有班次總站都延長到關閘。
1986年3月，5號由關閘開出到黑沙環第六街之後，改行黑沙環第五街、慕拉士大馬路、望廈體育館、黑沙環馬路、蓮峰廟之後按返原線嚟行。
1989年4月，由於關閘馬路質量唔好，要大規模整路，去關閘方向，要改行拱形馬路、黑沙環馬路、慕拉士、黑沙環第五街、黑沙環第六街、高利亞海軍上將大馬路、馬場東大馬路到關閘；去媽閣方向就改行巴波沙大馬路。而同樣因為路面工程關係要改路嘅2號單頭線重一度延伸到關閘，響1988到1989年期間同5號幾乎完全一樣。直到1990年，關閘附近馬路工程全部搞掂，5號由關閘來回蓮峰廟嘅路程先改返，去關閘經巴波沙大馬路，去媽閣就經馬場大馬路、騎士馬路、看台街、關閘馬路。
1980年代尾，新福利開特班車，由青洲聖若瑟中學開單頭到媽閣，只係響返學日子嘅晏晝時段提供服務，主要接載青洲聖若瑟中學嘅學生放學，由青洲開到蓮峰廟之後，再按返5號原線去媽閣，之後響1991年由新線28B取代。
1992年，因為水坑尾進行重整下水道同起好多座行人天橋，所以有關馬路進行封閉，新福利將5號去媽閣方向改行松山隧道同新口岸填海區，之後就由臨時變咗永久調整，六十幾年來，呢條巴士線都冇做大規模修改。同時亦一直由同一間公司（福利／新福利）做到而家。
2003年11月22號，為咗配合推出轉乘服務而成立5號短線，由南灣／羅保博士街開單頭去媽閣，之後因為冇咩人搭而取消。
2009年之前，曾經間唔中成立過5號短線，由關閘開到教育暨青年局之後，經水坑尾街繼續按5號原線返翻關閘。
2009年4月26號，交通事務局實施第二階段巴士線調整，
增設服務時間為星期一至星期六07:30至08:30，由關閘總站前往亞馬喇前地的5X單程路線[1]。
2010年8月21號，交通事務局檢討實施咗三個月嘅新馬路公交專道之後，為咗避免所有巴士集中嗮響永亨銀行出面嘅巴士站上落搞到大塞車，同時藉住增加新馬路西邊嘅人流，改善做生意嘅環境，所以去司打口、媽閣方向嘅巴士都取消停靠永亨銀行出面嘅巴士站，改咗停靠「金碧文娛中心」站[2]。
2010年12月8號，配合高士德下水道重整工程，去媽閣方向工期間臨時唔經高士德、松山隧道，改行美副將大馬路、水塘馬路，之後工程搞掂都冇改返，變成永久調整。
2011年8月28號，配合巴士站分流，唔停「約翰四世大馬路」站。
2016年1月16號，調整服務時間同班次，去媽閣方向服務時間係朝早六點到凌晨一點十五分，五到八分一班；去關閘方向，服務時間係凌晨五點四十到凌晨零時五十分，五到八分一班。
2016年4月23號，去關閘方向，由「媽閣總站」開出之後，唔停「媽閣廟前地」站、「河邊新街/媽閣」站，改停「河邊新街/凱泉灣」站[3]。
2016年11月18號，因應路面實際情況同客流，安排部分班次，以跳站形式嚟行，如果關閘周邊馬路塞車嚴重嗰時，由關閘總站開出之後改行其他唔塞馬路，跳到「市政狗房」站之後續返原線嚟行，維持返之後嘅班次穩定[4]。
2017年4月9號，改返經高士德大馬路去媽閣，按原線行到「三角花園」站後，唔停「市政狗房」站、「望廈炮台」站、「愉景花園」站同埋「羅理基／馬六甲街」站，改停「提督馬路／雅廉訪」站、「高士德／連勝」站、「高士德／賈伯樂」站，到「東方拱門」站之後按原線嚟行[5]。
2017年9月23號，因為新開5AX，所以朝早班次由五到八分一班改做六到八分一班[6]。
2017年12月15號，配合輕軌媽閣站前期建造工程，西灣湖景大馬路近「媽閣總站」實施有限度通車。由頭班車開始臨時停靠「澳門旅遊塔」站畀乘客落車，而臨時巴士總站就設係「旅遊塔/行車隧道」站附近供巴士停泊同埋乘客上車，由臨時總站開出後先至駛經「媽閣總站」上落客。
2018年6月16號，增加停靠新設的「華大新村」站，唔停「關閘馬路」站。循環點同時改為華大新村。
2019年4月6號，因市政署開展「內港北雨水泵站箱涵渠建造工程」，呢條線臨時唔停靠「金碧文娛中心」站到8月31日。
2019年9月28號煙花匯演，政府批准巴士公司增設點對點特班車，呢條線加開特班車由「旅遊塔/行車隧道」站中途唔停站直達「關閘總站」，係兩場煙花後增開以疏導乘客。係繼2017年天鴿風災後呢條線再一次進入關閘總站。
2020年1月20號起，因配合內港客運碼頭重啟及周邊配套優化，「火船頭街」臨時站改名為「內港客運碼頭」站，而「火船頭街」站就永久取消。
2020年10月1號月滿琴澳煙花表演舉行，交通事務局再次批准新福利增設點對點特班車，呢條線加開特班車並獲得巴士路線編號為5T，由「旅遊塔/行車隧道」站中途唔停站直達「關閘總站」，喺煙花表演完結後增開以疏導乘客。原本係21:25至22:25服務，但乘客需求量少最終改行5號巴士。
用車
編輯福利時期
編輯主要用從英國買嚟嘅二手Bristol L5G（1939-1950年出廠）同Bristol LS5G（1950年代出廠）嚟行，響1980年代亦有新啲嘅亞比安巴士嚟行。
新福利時期
編輯1989年，三菱FUSO大巴投入服務之後冇耐就派到呢條線到（呢款巴士亦同時行駛同樣有好大客量嘅3號)。1997年到1999年曾經轉用Dennis Dart，1997年就曾經轉用平治O814型中巴嚟行，重響1999到2005年期間成為主力車。隨著呢條線客量增加，平治O814型中巴唔足以應付龐大人流，之後新福利就將派返大型巴士（包括1989年投入服務嘅三菱大巴）)嚟行呢條線。
2011年7月31號之前，呢條線成日見到嘅車款：
- 2004年Dennis Dart SLF10米大巴
- 2006年蘇州金龍KLQ6101G 10米大巴
- 2007年蘇州金龍KLQ6930G 9.2米中巴
- 1995年丹尼士飛鏢9.8米中巴——間唔中派出嚟
特見車：
- 五十鈴JCR460ZZ
- ROSA小巴（單門／雙門）
- Dennis Dart SLF11米大巴
- 猛獅13.230 HOCL/R
- 廈門金龍XMQ6103G
- 黃海DD6109S01
- 蘇州金龍（海格）KLQ6101GE3
- 蘇州金龍（海格）KLQ6930GE3
2011年7月31號之後，呢條線成日見到嘅車款：
- 2005年Dennis Dart SLF11米大巴——主力車
- 2011年蘇州金龍（海格）KLQ6108GQ28 （K217-220）——固定替代車
- 2011年蘇州金龍（海格）KLQ6108GQ30——額外替代車
- 2013年蘇州金龍（海格）KLQ6108GQ28E4——額外替代車
- 2009年蘇州金龍（海格）KLQ6126G——額外替代車，只係響2011年12月10號百萬行嗰日派出好多部呢款巴士嚟行
- 2014年蘇州金龍（海格）KLQ6129GQE4——額外替代車，成日派響晏晝三點，響關閘開單頭到媽閣，之後改行25F（現家改咗冧巴做51號）
2016年9月6號之後，呢條線成日見到嘅車款：
- 2016年蘇州金龍（海格）KLQ6115GQ — 2016年9月1號投入服務，響9月6號開始成爲主力車
- 2005年Dennis Dart SLF 11米大巴——間唔中派出嚟
- 2011年蘇州金龍（海格）KLQ6108GQ30——間唔中派出嚟
- 2016年蘇州金龍（海格）KLQ6108GQ28E4——額外替代車
- 2014年蘇州金龍（海格）KLQ6129GQE4——額外替代車
- 2017、2018年蘇州金龍（海格）KLQ6108GQE5 — 額外補充（包括2+1座位版本）
- 2018年蘇州金龍（海格） KLQ6109GQHEV5 — 2部新車投入初期，行過兩個禮拜。
走線
編輯車費
編輯- 全程車費：澳門幣六蚊。
- 用澳門通全民卡，只係扣三蚊，其餘由政府畀。
- 用澳門通學生卡，只係扣一個半，其餘由政府畀。
- 用澳門通長者卡免費，其餘由政府畀。
- 用澳門通殘疾卡免費，其餘由政府畀。
- 澳門通IC卡月票適用。
服務
編輯| 服務時間 | 禮拜一到五 | 禮拜六、日同公眾假期 |
|---|---|---|
| 筷子基總站 | 05:40-01:00 | |
| 班次 | 繁忙時間6-8分鐘，普通時間9-15分鐘 | 繁忙時間7-9分鐘，普通時間10-15分鐘 |
停站
編輯
| 去旅遊塔方向 |
|---|
|
客量
編輯呢條線響四十到八十年代以來，係澳門所有巴士線入面，客量最多嘅一條線。
隨著賭權開放，呢條線客量亦不停噉升，但係由於有好多條線都同5號重疊，加埋水坑尾到高士德一段響繁忙時間成日塞車，所以對客量形成威脅。
相簿
編輯
|
攷
編輯- ↑ 〈交通事務局，第2階段巴士路線調整26日實施，2009年4月12日18:21:00〉。原著喺2016年3月4日歸檔。喺2017年11月18日搵到。
- ↑ 〈交通事務局，新馬路節假日公交專道續試行半年 增完善措施評估成效再定後續安排，2010年8月12日17:30:00〉。原著喺2019年11月4日歸檔。喺2017年11月18日搵到。
- ↑ 〈兩巴士站分流周六實施〉。交通事務局。2016年4月20日。原著喺2016年5月5日歸檔。喺2017年11月18日搵到。
- ↑ 〈11條巴士路線明（18日）起視情況以跳站形式運行〉。交通事務局。2016-11-17。
- ↑ 〈7及7A路線下月上旬合併延伸服務至皇朝區〉。澳門特區政府交通事務局。2017-03-29。
- ↑ 〈快速巴士路線5AX周六起運作〉。澳門特區政府交通事務局。2017-09-21。
睇埋
編輯拎
編輯- （繁體中文）澳門新福利公共汽車有限公司官方網站