簡炳墀

簡炳墀英文Brian Kan1937年11月24號—),人稱「食力簡」、「簡sir」,係香港賽馬會著名華人練馬師,曾經五度成為香港冠軍練馬師。此外,簡炳墀曾經係香港輔警,冧把係A455。1978年至2003年,喺香港從練25年之後退休,就轉去澳門繼續做練馬師(直到2011/12年澳門馬季為止)。

生平

簡炳墀喺香港上水松柏塱村出世,係新界原居民,1988至2003年(第19至22屆)間做咗上水鄉事委員會主席,而家係新界鄉議局永遠顧問,又曾經組織同新界鄉議局對立嘅新界原居民議會,亦曾經參選過立法會議員,但落選,後嚟曾經表態要求前行政長官董建華落台同支持梁國雄參選立法會等。2011年,佢因為賄選而判坐花廳[1],2014年4月出冊。

練馬師生涯

簡炳墀喺1978年開始喺香港擔任練馬師,從練期間曾經贏過五屆冠軍練馬師,喺香港累積贏咗800幾場頭馬,由佢訓練嘅佳駟包括金中金、你知幾時飛躍舞士、威利高、金威、真威、生圖、實業家、實業先鋒等等。

榮譽

  • 五屆香港冠軍練馬師(由1986/1987馬季直至1989/1990馬季,連續四屆勝出,喺2000/2001馬季獲得第五次香港冠軍練馬師)
  • 香港練馬師協會主席(曾經擔任)

參考

連出去