紅歌
呢篇文章可以喺英文維基百科嘅對應文章來擴寫。 |
紅色經典歌曲，有時簡稱紅歌，係當今中國即指同中國共產黨同中華人民共和國有關嘅，係歌頌中國共產黨、歌頌其阿頭（尤其是毛澤東）、歌頌讚美其軍隊（中國工農紅軍、八路軍、新四軍、中國人民解放軍、中國人民志願軍等）、歌頌偉大祖國（中華人民共和國）、歌頌社會主義、民族主義及毛澤東個人主義歌頌改革開放同促進民族團結嘅歌。
此外，喺北韓、越南、蘇聯同東歐社會主義國嘅一啲類似歌曲亦被稱為紅色經典歌曲。而蘇聯解體同東歐劇變後，由於共產黨時代完咗，紅色歌曲亦隨之衰落，除俄羅斯之外嘅國已經好少聽到紅色歌曲嘅公開演唱同發行；而俄國紅色歌曲嘅演唱場合多半紀念衛國戰爭（第二次世界大戰）勝利，俄國亞歷山德羅夫紅旗歌舞團會演唱幾首紀念第二次世界大戰嘅蘇聯軍歌；但係俄國嘅部分紅色歌曲亦隨住蘇聯解體而改變填詞，淡化咗歌頌共產黨嘅色彩，好似《牢不可破的聯盟》。
名稱由來
編輯影響
編輯這些紅歌在文革期間充分洗腦了大部份中國人，導致出現了各種極端個人崇拜，還延伸出各種紅歌，例如《東方紅》、《天上太陽紅紅彤彤》、《沒有共產黨就沒有新中國》、《社會主義好》等歌曲，給予當時的中國人很大的影響，隨著1976年毛澤東去世，這種造神運動才結束。
好多中國人從小對紅歌耳濡目染，尤其係改革開放以前，其他形式嘅歌曲之類嘅藝術作品比較匱乏，被用於「抵制資本主義嘅糜爛風潮」，紅歌廣為傳唱。
但係改革開放以來，隨住港澳臺文化同西方文化嘅進入，大量流行歌曲湧入中國大陸，對紅色歌曲造成咗一定嘅衝擊。不過直至而家，官方舉辦嘅大型文藝活動，紅色歌曲仍然係必不可少嘅節目。
薄熙來主政重慶後，喺當地大力提倡唱紅歌運動[1]，2008年7月7號，重慶當局公佈咗推薦嘅紅歌曲目，包括「27首革命歷史經典歌曲、18首現代經典歌曲」[2]，重慶官方媒體亦對唱紅歌運動大事渲染，甚至出現咗靠紅歌挺過化療嘅報導[3]。2010年，重慶想主辦「中國紅歌會」，引起江西電視臺抗議，稱其嚴重侵權[4]。自從2012年薄熙來事件爆發後，薄被撤職並被雙規處分，改由張德江主政，重慶嘅唱紅風潮亦隨之衰退。
喺2007年至2012年期間，前重慶市委書記同中央就「發蛋糕定係分蛋糕」等話題進行爭辯，並同烏有之鄉等質疑改革，懷念階級鬥爭嘅群體來往甚密，有違和諧社會嘅大方向。而佢嘅大搞形式主義，全市大唱「紅歌」嘅做法，亦經常被同佢嘅政績聯想喺一齊，以致喺佢落馬以後，好多省市同地區政府叫停咗「紅歌」一名，或轉以「愛國歌曲」或較為低調嘅詞語來稱愛國勵志嘅歌曲。
雄歌
編輯雄歌係“紅歌”嘅另一個名稱，意為“壯志歌曲”。好多重視愛國主義同社會道德紀律建設嘅國家，通常都會大力推廣愛國歌曲，勵志歌曲，革命歌曲，軍歌，青少年歌曲，改革開放歌曲等。中國嘅紅歌，其功能同呢啲壯志嘅歌曲係相同嘅，而且各地喺推廣宣揚紅歌嗰陣，選曲亦甚廣，經常將經典蘇聯歌曲，抒情愛國歌曲，宣揚愛家鄉愛人民嘅歌曲，對越自衛反擊戰時嘅小草等歌曲，優秀嘅勵志流行歌曲，宣揚法制觀念嘅歌曲等，納入紅歌演唱之列，亦達到咗鼓舞士氣，宣揚愛國嘅目的。但雖然選曲甚廣，但“紅歌”一名顯然比事實上嘅曲目要狹窄。而且“紅歌”一名會畀人以局限於抗戰同建國初革命歌曲嘅錯覺，甚至聯想到文革時期過分歌頌個人崇拜嘅“造反歌曲”或“忠字舞”，“語錄歌”等，同時代明顯脫節。因而，“雄歌”或“壯志歌曲”等名，較能涵蓋“愛國歌曲”，“經典蘇聯歌曲”，“各國嘅節拍昂揚嘅歌曲同優秀民族歌曲”，“革命歌曲”，“軍歌”，“青少年團隊歌曲”，“青少年勵志歌曲”，“進步歌曲”等多種體裁不同，目的相同嘅歌曲類型。
著名嘅紅歌手
編輯其中宋祖英、李雙江同彭麗媛由於有解放軍文工團嘅背景，深受黨政軍高層賞識，並被拔擢為相當於解放軍少將或大校嘅文職級別。
著名嘅紅色歌曲
編輯軼聞
編輯重慶因市委書記薄熙來推動大興唱紅歌嘅活動引起咗極大爭論，被網友冠以「西紅市」（普通話同「西紅柿」同音，即係番茄）嘅稱號[5]。
攷
編輯- ↑ 〈唱紅歌讀經典：永褒重慶精氣神嘅「青春維生素」〉。華龍網。2009年3月10號。原著喺2010年1月14號歸檔。喺2010年5月25號搵到。
- ↑ 〈「紅歌」點燃重慶激情 奏響時代嘅最強音〉。重慶日報網。2008年7月11號。原著喺2009年4月28號歸檔。喺2010年5月25號搵到。
- ↑ 〈重慶癌症晚期患者靠唱紅歌挺過化療(圖)〉。新浪新聞，轉自重慶日報。2011年6月22號。喺2011年8月4號搵到。
- ↑ 〈江西電視臺發表嚴正聲明：重慶辦「中國紅歌會」嚴重侵權〉。中國江西網。2010年4月15號。喺2010年5月25號搵到。
- ↑ 〈一周 热词_中国网〉。原著喺2012年7月17號歸檔。喺2012年11月9號搵到。