歲首節

(由羅什哈桑納跳轉過嚟)

呢篇文係
猶太文明
系列一部分

Star of David.svg   Menorah7a.png
宗教/語言
猶太教經典制度一神論
希伯來文亞拉米文
重要典籍與文獻
塔納赫(妥拉先知書聖錄)、
塔木德米德拉什拉比文獻
其他文獻613條誡律
派系(古代)
撒都該人法利賽人奮銳黨人
艾賽尼人特拉普提派卡拉派
派系(現代)
正統派保守派改革派
重建派世俗猶太人
猶太教思想
猶太教神秘主義默卡巴神秘主義
喀巴拉
歷史
歷史年表古代拉比時期
中世紀現代
先祖
亞伯拉罕以撒雅各約瑟
十二支派摩西大衛所羅門
曆法/節日
猶太曆逾越節除酵節
歲首節贖罪日住棚節
妥拉節修殿節摩西誕辰日
普珥節舍巴特節安息日
大屠殺記念日奧默爾節
耶路撒冷節七七節
悲哀日新月節
猶太聖地
耶路撒冷馬薩達
重要事件
馬卡比起義猶太人大屠殺
以色列國成立反猶主義
現代宗教運動
錫安主義
      

歲首節希伯來文ראש השנה‎,rosh ha-shānāh[註 1]英文Rosh Ha­shanah[註 2];國文音譯羅什哈桑納)即係猶太曆嘅新年。Rosh 意思係 「頭」,shanah 係 「年」[註 3],換言之,Rosh Hashanah 就係指「歲首」,係一個猶太人慶祝新年嘅節日,呢個節日係僅次於贖罪日一個最重要嘅聖日。

Rosh Hashana.jpeg

日子

猶太人嘅曆法入面,有兩個新年,一個係民曆新年,另一個係教曆新年。教曆新年以尼散月(Nisan / Nissan)做第一個月,呢個月係記念猶太人嘅祖先逃離埃及人嘅奴役展開新生活,所以成為第一個月,即所謂嘅教曆新年,根據出埃及記 12:2 而定出嚟。

而第7個月係提斯利月(Tishrei),Tishrei 有 「開始」 嘅意思,即係話神係喺呢個月創造世界,因為咁呢個月就成為人類同動物嘅新年,即所謂嘅民曆新年。而提斯利月嘅第一同第二日,就係歲首節嘅日子,係根據利未記(Leviticus)23:24 定出嚟,同時喺民數記(Numbers)第二十九章亦有講到呢個節日。

亦有一種講法指呢個月份啱啱就係以色列地區嘅雨季,所以古猶太人先會定呢個月做「歲首」。

提斯利月多數喺公曆大約九月到十月之間。

最近三年嘅歲首節日子
猶太新年 開始(以前一日日落計) 結束(以當日日落計)
5781年 2020年9月19號 2021年9月6號
5782年 2021年9月7號 2022年9月25號
5783年 2022年9月26號 2023年9月15號

傳統習俗

歲首節第一日叫吹角節,猶太人會去猶太會堂進行三次祈禱,而最後一次要吹號角(shofar),總共吹三聲。第一聲係提醒啲人上帝先係世界嘅主宰;第二聲係重申上帝係世界嘅判官;第三聲係警告啲人要敬畏上帝同埋要相信上帝。

不過吹號角喺古代猶太人嚟計,其實係一種戰爭嘅警報,所以吹號角對猶太人嚟講其實重有另一重意義,就係唔好忘記猶太人過往經歷過所有戰爭嘅歷史。

喺午禱之後,佢哋會去到一啲海邊、河邊,總之有水嘅地方舉行贖罪儀式(Tashlikh),係呢個儀式入面,會誦讀《彌迦書》(Micah)7章19節:『將我們的一切罪投於深海』,然後搖一搖自己件衫個邊三次,表示已經拋棄咗罪惡,有啲人重會將過去做過嘅錯事,寫喺一張紙度,然後掉落水,表示已經洗淨咗自己嘅罪孽。

然後由呢一日開始準備迎接贖罪日,佢哋要由呢日開始,懺悔十日,回顧同反省自己過去一年嘅言行,而呢十日叫做「敬畏嘅日子」(the days of awe)。

傳統上猶太人喺歲首節嘅日子見面時都會講呢啲咁樣嘅祝福語:佢哋會講 ketiva ve-chatima tovah(祝你未來一年會寫得好同封得好),乜嘢係「寫得好同封得好」?因為猶太人相信,喺歲首節嘅日子裏面,神會對每個人進行審判,無論男人、女人定細路仔,所有審判結果都會記錄在案,然後喺贖罪日封印,一封咗印就成定局,所以佢哋會喺呢日講類似 Shana Tova(祝你有美好嘅一年)、Shana Tova Umetukah(祝你有美好甜美嘅一年)呢類咁嘅祝福語。

就係因為想令自己紀錄良好,所以猶太人會喺呢十日「敬畏嘅日子」入面懺悔。猶太人認為,喺得到上帝寬恕之前,先要得到同伴寬恕,所以喺呢十日懺悔裏面,猶太人會四周圍去搵一啲自己得罪過嘅人,或不知不覺中得罪過嘅人,然後向呢啲人要求寬恕自己。

猶太人喺呢個新年入面,會一家人坐埋一齊食飯,佢哋會食一啲蘋果蜜餞或者沾有蜂蜜嘅蘋果、麵包,象徵之後一年嘅日子會甜蜜同幸福,亦會食代表吉利嘅魚同梯形嘅嘢食例如石榴。亦有啲唔吉利嘅唔會食,例如花生或者合桃之類嘅果核,因為個發音唔好意頭所以唔會喺新年食。重有一啲酸或者苦呢啲剌激性嘅嘢都唔會食,原因係要保住把聲用嚟喺之後十日祈禱。

影響

雖然歲首節喺而家個世界好似只有對猶太人先有關,全世界都幾乎用晒格勒哥里曆(西曆)都係喺第一個月慶祝新年,但查實好多學校開學嘅日子,都選擇喺歲首節所在嘅9月作為新學年嘅開始,都咪話唔關事。

  1. 希伯來文實際上冇統一嘅羅馬拼音
  2. 希伯來文嘅英文拼音並唔統一,呢個係一個常見嘅寫法,但係唔係唯一嘅寫法
  3. ha 係指定冠詞,但係喺呢度係表示 construct case,係 「嘅」 嘅意思

參考

出面網頁