蔡素玉

蔡素玉，BBS，JP（CHOY So-yuk；1950年10月10號—）係香港立法會前議員，東區區議會前議員（錦屏選區），福建晉江出世。曾就讀福建小學、英華女學校。香港大學哲學碩士、理科學士。未婚。

蔡素玉
出生日	1950年10月10號  （72歲）
出生地	晉江
國籍	中華人民共和國
母校	香港大學
職業	政治人、生意人
政黨	民主建港協進聯盟、香港協進聯盟
[改維基數據]

政途

蔡素玉本來係親北京商界政黨港進聯嘅成員，1995年首度參選立法局直選，挑戰當時港島東嘅現任議員李柱銘落敗。1996年，蔡素玉加入臨時立法會。2000年立法會選舉，蔡素玉為咗加入民建聯名單以便贏取立法會議席而參加民建聯，重夥拍程介南合組名單參選港島區，雖然選舉期間受程負面新聞影響，但仍成功當選。蔡素玉一度持有民建聯港進聯雙重會藉，而且同時係兩個政黨嘅常委，直到民建聯同港進聯合併。2005年，蔡素玉獲政府委任做太平紳士。

2004年香港立法會選舉，雖然事前唔被睇好，但係泛民主派配票失算，令佢最終可以些微票數壓倒何秀蘭奪得港島區最後一個議席。

2019年第6屆香港區議會選舉，蔡素玉唔再响錦屏選區尋求冧莊，交棒畀徒弟洪志傑，但係，洪志傑嘅選情受制於反修例運動，結果洪志傑輸畀李予信。

佢亦支持香港基本法第23條立法，喺2020年5月，佢曾經參與一份由「23同盟」、「香港政研會」同「民眾聯席」等多個激進親中派團體發起嘅聯署，要求就基本法23條立法，聯署內容又以黑暴攬炒形容香港反送中運動示威者嘅行為。

喺2021年9月，佢成為香港特别行政區選舉委員會委員(港區全國人大代表)。

出面網頁

• 〈香港特別行政區立法會 - 議員資料庫〉 (繁體中文). 香港特別行政區立法會.
• 人大、政協 | NPC & CPPCC，民建聯