詩歌
(由詩體跳轉過嚟)
想搵宗教音樂嘅話，請睇聖詩。詩歌（粵拼：si1 go1）係一種語文藝術，源自歌，係有韻嘅文。詩通常都有格律，要押韻，音樂感強、易記，甚至可以畀人唱出嚟，不過通常都可以唱出嚟，好似中國有史以嚟最早嘅詩歌集—詩經咁，都可以一一咁唱出嚟，當時嘅人為咗要表達自己嘅感情，表現出自己嘅生活面貌，有音樂嘅就叫做詩歌，冇音樂嘅就叫做詩。中國嘅詩有好多功能，詩多數係用嚟舒發情感，用字簡短，幾句唔埋，就可以將好深層嘅嘢寫出嚟，多花飾，往往意思含蓄，有多層意境。詩好多時會用到比喻，構成唔同畫面。詩又有打油詩，即係冇咩感情同詩意嘅東東嚟，呢種詩注重音調同字數，求求其其左右芼之就可以寫出嚟，冇咁多鬧覺嘅規矩，冇格律可言。
寫得出好詩嘅人叫做詩人。
起源
編輯詩係最古老亦係最具有文學特質嘅文學樣式。起源於上古人類嘅原始宗教、神話同埋口傳文學、勞動號子以及民歌。詩歌係詩同歌嘅總稱；逐漸開始，詩同歌夾埋，詩同音樂、舞蹈結合埋一齊，統稱做詩歌。中國詩歌有悠久嘅歷史同豐富嘅遺產，例如：《詩經》、《楚辭》、《漢樂府》以及無數詩人嘅作品；西歐嘅詩歌，由古希臘嘅荷馬、薩福、平達同古羅馬嘅卡圖魯斯、維爾吉、賀拉斯等詩人開啟咗創作之源。
特點
編輯詩歌高度集中咁概括、反映社會生活，飽含住作者豐富嘅思想同感情，富於想像，語言凝結而形象性強，具有節奏韻律，一般分行排列。
古典詩歌形式採用逐句分行同押韻，現代詩歌嘅形式同內容已經極大豐富，伸縮性極強。