嬴政
(由趙政跳轉過嚟)
秦始皇（嬴政）（粵拼：jing4 zing3；前259年—前210年），嬴姓，趙氏，名政，有時稱為趙政（或稱為趙正），歷史書多寫作秦王政或始皇帝。佢係中國秦朝首個皇帝，生於趙國首都邯鄲，阿爸係嬴子楚、阿媽係趙姬，又係中國史上第一個皇帝。
| 嬴政 | |
|---|---|
 | |
| 姓名原文 | 嬴政 |
| 出生日 | 前259年正月 |
| 出生地 | 邯鄲  |
| 死亡日 | 前210年六月或七月 |
| 死亡地 | 沙丘 |
| 國籍 | 秦朝、秦 |
| 識嘅語言 | 上古漢語 |
| 職業 | 政治家、政治人、皇帝、ruler、君主 |
| 仔女 | Prince Jianglü、Prince Gao、子嬰、胡亥、扶蘇 |
| 家族 | 秦朝 |
| 阿爸 | 秦莊襄王 |
| 阿媽 | 趙姬 |
| 兄弟姊妹 | 子嬰、Chengjiao |
[改維基數據] | |
公元前247年（戰國時代），佢承繼秦莊襄王嬴子楚做秦王。佢統治之下開始滅其他六國嘅大計。最後公元前221年完成呢個計劃，同臣下相討新尊號時，決定始皇帝。坊間謂「功蓋三皇，德超五帝」而合稱皇帝，實情同史記始皇帝本紀唔同。皇字取自泰皇之皇，帝係古時帝號。
之後佢繼續南征百越，北征匈奴。公元前210年，佢因為喺出巡期間病死沙丘，個仔胡亥繼位，史稱「秦二世」。有啲後世人叫佢秦始皇，或者秦始皇帝。
喺中國歷史上，秦始皇第一個採用君主專制制度同埋推行中央集權，亦係第一個用「皇帝」稱號（唔計追尊皇帝）。統一天下之後推行多項政策。書同文，車同軌，統一度量衡等政策對後世影響深遠。而佢建立嘅法制就奠定咗中國兩千幾年政治制度嘅基本格局。亦因為咁，大明思想家李贄就喺《藏書·世紀列傳總目》裏面，稱讚佢係「千古一帝」。
不過，秦始皇在位期間搞咗多項大型工程，比如修築萬里長城、阿房宮、驪山陵等，兼夾搞暴政（包括焚書坑儒），令百姓苦不堪言，令到秦朝喺佢死後三年就滅亡。