金牌大風
金牌大風娛樂有限公司（英文：Gold Typhoon Entertainment Limited），簡稱金牌大風，係大中華地區主要嘅演藝娛樂公司之一。
| 類型 | 唱片公司 經理人公司 演唱會製作公司 電影公司 |
|---|---|
| 開檔 | 2008年9月5日 |
| 總部地址 |  香港分公司：  臺灣、 中國大陸 |
| 緊要人物 | 龐維仁（主席） 黃偉翔（副主席） 陳輝虹（香港行政總裁） 黃偉菁（台灣及中國大陸董事總經理） 雷頌德（音樂部總監） 鄧建明（香港音樂部副總監） Andy Lai（General Manager） 田啟文（金牌大風電影負責人） |
| 產業 | 唱片製作、唱片發行、音樂版權、藝人管理、電影製作、電影發行、演唱會 |
| 產品 | 音樂唱片、電影、演唱會 |
| 母公司 | 太平洋資本投資亞洲有限公司 |
| 子公司 | 金牌大風電影有限公司 金牌大風音樂文化股份有限公司 金牌大風文化傳播有限公司 風風火火文化傳播有限公司 |
前身改
金牌娛樂改
金牌娛樂，全名「金牌娛樂事業有限公司」，係香港一間主要嘅唱片公司，世界四大唱片公司之一嘅EMI喺香港嘅子公司。由黃柏高喺2003年創辦，而鄭東漢就同時參與金牌娛樂嘅創辦。EMI喺2006年9月公布嘅年度中期報告中，提到金牌娛樂喺香港嘅市場佔有率大概係30%，係香港最大嘅唱片公司之一。
步升大風改
步升大風，全名「步升大風音樂文化傳播有限公司」，係中國大陸一間主要嘅唱片公司，世界四大唱片公司之一嘅EMI喺中國大陸地區嘅子公司。由鄭東漢喺2002年創辦。
科藝百代改
科藝百代，全名「科藝百代股份有限公司」，係台灣一間主要嘅唱片公司，世界四大唱片公司之一嘅EMI喺台灣嘅子公司。科藝百代旗下有Capitol唱片、維京音樂及伊世代娛樂三個品牌。
歷史及動態改
金牌經理人／正東唱片時期改
- 金牌大風嘅前身，最早出現喺1998年，由當時仍然任職正東唱片嘅黃柏高創辦嘅「金牌經理人有限公司」。該公司主要為正東唱片同佢嘅聯營公司旗下藝人提供經理人服務。當時，由黃柏高為正東簽下嘅藝人包括吳奇隆、許志安、鄭中基、方力申、李彩華、鄧健泓、蘇永康、楊千嬅都同時簽約金牌經理人。
金牌娛樂時期改
- 2002年10月，黃柏高決定唔再同環球唱片 (香港)（即正東嘅母公司）續約，自立門戶，創立「金牌娛樂事業有限公司」，並聯同EMI緊密合作。
- 2006年底，楊千嬅決定唔再同金牌經理人續約。
- 2007年12月20號，金牌娛樂發聲明表示公司以及佢直屬藝人將唔會出席2007年嘅新城電台勁爆頒獎典禮。之前無任何唱片公司有呢個舉動，事件引起外界唔少揣測同爭議。不過，蔡依林、羅志祥由於並無將經理人合約交畀金牌，所以唔係直屬藝人，其後都有出席。
- 2008年4月，有指EMI有意退出亞洲區業務。
- 2008年6月，市場傳出黃柏高、鄭東漢有意賣晒手上金牌娛樂股份嘅消息，其中有指大國文化同埋東亞娛樂有意收購，又傳出將同部分藝人解約。黃柏高喺佢個人專欄反駁，反指金牌另一股東鄭東漢正代表金牌收購佢合作伙伴EMI喺大中華地區嘅業務。另外，金牌先後為蘇永康、古巨基同胡彥斌發行國語唱片。不過喺台灣，金牌將古巨基嘅專輯交畀科藝百代代理，而蘇永康嘅專輯交畀擎天娛樂做宣傳同發行。有報導指因蘇永康喺科藝百代嘅經理人喺陳澤杉離開期間都一併離開。
- 2008年8月，金牌娛樂宣佈以9位數字收購科藝百代同埋步升大風（即EMI喺台灣同埋中國大陸嘅業務），改組成金牌大風。
金牌大風時期改
- 2008年8月，時任金牌娛樂董事總經理黃柏高同埋EMI大中華地區主席鄭東漢宣佈，同EMI總公司達成協議，以過億元成功收購EMI大中華區業務，並正式改名為金牌大風。合併之後，金牌大風將會集中發展音樂、電影、藝人經理人、演唱會製作、「華研國際音樂」中國唱片代理發行以及EMI國際音樂唱片發行事業。
- 2008年9月，金牌大風為旗下藝人歌手繼續舉辦演唱會，香港區方面，側田會喺10月初舉行個人第二次售票演唱會。而鄭中基同時喺台北開佢個人第一次台灣售票演唱會，預售時已賣出超過5-%門票。蘇永康、方力申等都有喺香港舉行佢個人售票演唱會。
- 2008年12月，金牌大風為兩位台灣藝人喺香港主辦演唱會，分別係經理人以及唱片公司都屬華納唱片嘅F.I.R.飛兒樂團以及本身係金牌大風嘅張惠妹。
- 2009年1月19號，I Love U Boyz由Silly Thing轉投金牌大風。
- 2009年1月21號，同金牌合作咗8年嘅方力申舉行記者會，宣佈同金牌大風續約3年。
- 2009年5月8號，現職董事總經理黃柏高先生將擢升為「金牌大風香港區主席」，全力拓展公司電影發展業務。現職新媒體董事陳輝虹先生將出任「金牌大風香港區行政總裁」，主理音樂製作以及經理人事務。不過，就引發早喺2月約滿嘅古巨基以呢件事為名，宣佈唔再續約金牌大風。
- 2009年5月31號，古巨基喺北京進行簽約儀式，正式加盟英皇娛樂，正式同合作6年賓主關係嘅金牌大風畫上句號。
- 2009年8月25號，楊愛瑾同金牌大風合約結束，正式簽約加盟種星堂。
- 2009年10月1號，傅穎公開宣佈向金牌大風發出律師信解除合約，金牌大風亦願意無條件釋放傅穎。
- 2009年10月10號，傅穎公開宣佈正式簽約加盟星皓娛樂，離開金牌大風。
- 2009年10月12號，金牌以及Talent Bang Limited發出聯合聲明指傅穎違約。
- 2009年11月26號，李德馳公開宣佈正式簽約加盟環球唱片 (香港)，離開金牌大風。
- 2010年2月，同太平洋資本投資亞洲有限公司主席龐維仁達成合作，注資十億畀金牌大風，並加入成為金牌大風策略性股東。
- 2010年2月，唐素琪同金牌大風合約結束。
- 2010年4月，盧靖珊（Celina Jade）同金牌大風合約結束。
- 2010年9月，森美同金牌大風合約結束。
- 2010年9月，蘇永康由金牌大風轉投東亞唱片 (集團)同埋大岳娛樂。
- 2010年10月，唱作男歌手張繼聰正式由維高文化轉投金牌大風，並推出全新歌曲。
- 2010年11月，同金牌合作咗8年嘅梁漢文舉行記者會，宣佈同金牌成功續約，成為金牌大風一哥。
- 2010年11月，吳雨霏同金牌大風合約將於2011年6月屆滿，金牌近日已落足嘴頭以及開出演唱會條件挽留，以表誠意喺2011年1月30號踏上紅館舞台。
- 2010年12月，側田宣布將暫別香港，轉往北京發展，同金牌大風中國區暨台灣區總裁黃偉菁舉行簽約儀式。側田更忍唔住感觸落淚，表示會定居北京，希望完成演唱會後，喺2011年3月離開香港。
- 2010年12月31號，主席鄭東漢宣佈退休，並將公司賣畀龐維仁嘅太平洋資本投資亞洲有限公司。
- 2011年5月，有報導傳出香港女歌手吳雨霏轉投環球唱片，結束9年合作關係，如果落實，原Cookies成員將只剩低鄧麗欣一位。
- 2011年6月，吳雨霏同金牌大風合約結束。
- 2011年7月，朱紫嬈同金牌大風合約結束。
- 2011年7月，繼吳雨霏落實加盟環球唱片後，又有報導傳出金牌大風CEO陳輝虹已經遞咗辭職信，而金牌大風部份當紅歌手同組合，好似方力申、鄧麗欣、側田、RubberBand等被挖角。
- 2011年7月，金牌大風發出人事公告，確認金牌大風集團香港區行政總裁暨新媒體董事陳輝虹先生，因個人業務發展原因已向集團請辭，並獲批准，並同時宣佈，即時委任金牌大風集團中國區首席營運長（Chief Operating Officer）李文偉先生兼任為香港區行政總裁（Chief Executive Officer），全面負責金牌大風集團香港區業務。
- 2011年8月，組合RubberBand宣佈繼續留守金牌大風，否認轉會。
- 2011年8月，鄭中基、鄧麗欣同金牌大風合約結束。
旗下歌影視藝人改
香港改
| 女歌手 | ||
|---|---|---|
| 李悅君 | 王若琪 | 梁佑嘉 |
| 廖夢樂 | ||
| 男歌手 | ||
| 梁漢文 | 林海峰 | 張繼聰 |
| 鄒文正 | 胡清藍 | |
| 組合歌手 | ||
| Black Box | Big Four | I Love You Boyz |
| 軟硬天師 | ||
台灣改
中國大陸改
旗下古典音樂藝人改
旗下創作人改
香港改
台灣改
合併前已約滿／解約藝人改
金牌經理人改
金牌娛樂改
- SE7EN
- 黃品源
- 任賢齊
- 楊千嬅
- 張智堯
- 林嘉欣
- 李彩華
- 鄧健泓
- 區文詩（前Cookies成員。已成為香港電台主持，加盟環星唱片）
- 何綺玲（前Cookies成員）
- 陳素瑩（前Cookies成員）
- 馬思恆（前Cookies成員）
- 蒲茜兒（前Cookies成員）
百代唱片 (香港)改
科藝百代改
已約滿／解約藝人改
香港改
台灣改
中國大陸改
金牌大風電影有限公司改
金牌首齣電影係《行運超人》，初期以金牌娛樂名義發行，2007年1月金牌電影正式成立，自2008年9月起，電影改以金牌大風電影有限公司名義發行。
- 行運超人（2003，由楊千嬅、梁朝偉、鄭中基、杜汶澤、杜麗莎等主演）
- 龍咁威2003（2003，由鄭中基、鄧麗欣、李燦森、張達明、曾志偉等主演）
- 花好月圓（2004，由楊千嬅、任賢齊、林雪、葛民輝等主演）
- 我要做Model（2004，由鄭中基、林嘉欣、森美、李燦森、陳子聰、鍾鎮濤、李彩華等主演）
- 甜絲絲（2004，由森美、鄧麗欣、樂基兒、官恩娜、吳雨霏、董敏莉、田蕊妮、黃伊汶等主演）
- 龍咁威2（2005，由鄭中基、楊愛瑾、李燦森、張達明等主演）
- 殺破狼（2005，由甄子丹、洪金寶、任達華、吳京、洪天明等主演）
- 獨家試愛（2006，由方力申、鄧麗欣、吳佩慈、唐寧等主演）
- 至尊無賴（2006，由鄭中基、傅穎、官恩娜、楊愛瑾、吳佩慈等主演）
- 戀愛初歌（2006，由吳雨霏、方力申、側田、恬妞、劉以達、林雪等主演）
- 黑拳（2006，由鄭中基、傅穎、吳京、楊愛瑾、張兆輝等主演）
- 三分鐘先生（2006，由鄭中基、傅穎、應采兒、毛舜筠等主演）
- 心想事成（2007，由鄭中基、梁家輝、張達明、谷德昭、方力申、蘇玉華、Amanda S.、閻青、楊愛瑾等主演）
- 十分愛（2007，由方力申、鄧麗欣、鍾嘉欣、森美、楊愛瑾、胡清藍、張敬軒等主演）
- 我的最愛（2008，由方力申、鄧麗欣、曾愷玹、楊愛瑾、胡清藍、唐寧等主演）
- 親愛的（2008，由曾愷玹、楊愛瑾、安志傑、關楚耀、小肥、HotCha等主演）
- 絕代雙嬌（2008，由吳雨霏、鄧麗欣、HotCha、小肥、唐素琪等主演）
- 狼牙（2008，由吳京、Celina Jade、方力申、森美等主演）
- 保持愛你（2009，由鄧麗欣、側田、謝安琪、梁祖堯、唐素琪、胡清藍、森美、楊愛瑾、I Love You Boyz等主演）
參考改
- ↑ 香港公司註冊編號：0817018，於2008年9月5日由「金牌娛樂事業有限公司」轉名為「金牌大風娛樂有限公司」