開主選單
阿剌伯半島

阿剌伯半島粵拼aa3 laa1 baak3 bun3 dou2係亞洲西南邊嘅一個陸地板塊,亦係世界最大嘅半島[1],喺亞洲非洲之間,由中東向東南面插落印度洋,面積約300萬平方公里[2][3]。有啲人叫佢做阿剌伯次大陸aa3 laa1 baak3 ci3 daai6 luk6[4]。呢處喺中東扮演好關鍵嘅地緣政治角色,因為呢處有好多嘅石油同埋天然氣埋喺下邊。

地理

 
非洲, 阿剌伯次大陸同埋亞歐大陸

阿剌伯半島順時針依次畀響東北部嘅波斯灣霍爾姆茲海峽,響東部嘅阿曼灣,響東南同南部嘅阿剌伯海,響南部嘅亞丁灣,響西南部嘅Bab-el-Mandeb海峽,同埋響西部同埋西南嘅紅海包圍[5]

喺半島嘅北邊係敘利亞沙漠,呢處冇一條明確嘅邊界線,雖然阿剌伯半島嘅北部邊界線通常畀人認為係沙特同埋科威特嘅北部邊界[5]

半島最大嘅特徵係有大片嘅沙漠,之不過,喺西南邊個度有好多山,因此呢邊嘅降雨會比半島其它地方多。Harrat ash Shaam係一個好大嘅火山地帶嚟,佢從半島嘅西北邊一直延伸到約旦同埋敘利亞南邊。

地緣政治

 
阿剌伯半島(深色係政治定義,而加埋淺色就係地理定義)

半島嘅國家由北到南順時針依次係科威特巴林卡塔爾同埋東面嘅阿聯酋,東南嘅阿曼,南邊嘅也門同埋中間嘅沙特[5]。島國巴林喺半島東岸對出。

除咗也門之外,上邊嘅另外嗰六個國家組成海灣合作理事會(GCC),通常亦叫波斯灣阿剌伯國家

沙特王國係半島入邊最大嘅國家。半島入邊嘅人口大部分集中喺沙特同埋也門。半島有全世界最多嘅石油蘊藏量。沙特同埋阿聯酋係呢個地區最有錢嘅國家。卡塔爾係大半島入邊嘅細半島,呢度係世界聞名嘅阿剌伯文同英文半島電視台嘅總部。而同伊拉克接壤嘅科威特就喺2003年聯軍推翻薩達姆暴政嘅伊拉克自由行動入邊起到前沿陣地嘅作用。

人口

到2008年為止,阿剌伯半島嘅人口有77,983,936[6]。喺呢啲波斯灣國家,好多居民都唔係土生嘅。比如沙特,唔係土生嘅居民就佔咗兩成,而喺阿聯酋就更加高達八成九。

景致

 
Ras Aljinz,響阿剌伯半島東南(阿曼境內),亦叫「海龜灘」

喺地理學嚟講,呢個地區叫做「阿剌伯次大陸」就啱晒喇,因為佢就係自成一個板塊,叫阿剌伯半島板塊。呢個板塊從非洲嘅東北邊慢慢移開,形成咗紅海,而佢嘅北邊就黐埋去亞歐板塊個度,突起一嚿形成扎格羅斯山脈。半島嘅岩石好系統噉分佈,最古老嘅岩石暴露響阿拉伯 - 努比亞盾附近嘅紅海,而稍為新啲嘅岩石就喺波斯灣個度。呢處可能有全世界保存最好嘅蛇綠岩,叫Semail蛇綠岩,主要分佈喺阿聯酋阿曼北邊嘅山區。

 
非洲板塊同阿剌伯板塊。阿剌伯板塊以每年一毫米嘅速率離開非洲

喺亞洲位置

參攷

  1. What is the world's largest peninsula? 互聯網檔案館歸檔,歸檔日期2015年7月25號,. thelongestlistofthelongeststuffatthelongestdomainnameatlonglast.com
  2. see page 61 of Merriam-Webster's Geographical Dictionary, 3rd Edition, entry for Arabian Peninsula
  3. "存档副本". (原先內容喺2011年7月7號歸檔). 喺2011年7月3號搵到. 
  4. Quaternary Deserts and Climatic Change, A. S. Alsharhan, IGCP Project 349, page 279
  5. 5.0 5.1 5.2 "Arabia". Britannica Online Encyclopedia. 喺2011-05-21搵到. 
  6. "[[The World Fact book]]". Central Intelligence Agency. 2007-08-07. 喺2008-08-12搵到.  喺網址標題道寫咗內部連結 (詳情)

出面網頁