庫頁島粵拼fu3 jip6 dou2俄文Сахали́н,譯:薩哈林島saat3 haa1 lam4 dou2日文樺太からふと(Karafuto))係俄羅斯最大嘅島。喺咸豐十年中俄北京條約割畀沙俄之前,原係大清最大嘅島。庫頁島喺北太平洋,日本北面。地形南北狹長,外形似一條魚,有超過6000條河同1600個湖,主要河流有特米河同波羅奈河。冬季寒冷,夏季短但係涼同多霧,喺地震帶

地理 編輯

庫頁島喺黑龍江海口東部、東面同北面有鄂霍次克海、西隔韃靼海峽同大陸望住、南面係拉彼魯茲海峽日本北海道對住。南北長984公里,東西闊6-160公里,面積7.64萬平方公里。北部地勢低,中南部多山,最高海拔1609米。島上有森林石油天然氣等嘅資源,漁產豐富。但係由於喺地震帶而成日地震。

編輯

庫頁島舊時係中國領土,1858年同1860年大清簽《璦琿條約》同《中俄北京條約》將成個島割畀沙俄,1905年沙俄响日俄戰爭入面戰敗,簽署《樸茨茅斯條約》將個島南面割畀日本,到1945年蘇聯收返成個島。

喺亞洲位置 編輯