臺灣海峽係喺臺灣同中國大陸之間嘅海域。舊時從中國大陸嚟臺灣嘅人叫佢做黑水溝，西人就叫佢做福爾摩沙海峽。由北面計以臺灣臺北縣富貴角同福建平潭島連線同東海接壤；南面以福建東山島同臺灣鵝鑾鼻連線同南中國海、巴士海峽為界，主要以大陸棚為主。
臺灣海峽水域深度喺200公尺以內。海域上面嘅島嶼，除咗近住中國嘅沿海島嶼外，重有澎湖列島同屏東嘅小琉球。
