陳友仁
呢篇文講中華民國政治人。想搵其他同名嘅人嘅話，請睇陳友仁 (搞清楚)。陳友仁（英文：Eugene Chen，1878年7月2號—1944年5月20號），原籍廣東順德，太平天國後裔，係一位左派鐵腕人物。佢一生最著名嘅事蹟係喺1927年擔任武漢國民政府嘅外交部長嗰陣時，依靠強硬嘅外交手段，幾經交涉，收復咗漢口英租界同九江英租界，創造咗弱國取得外交勝利嘅神話。
| 陳友仁 | |
|---|---|
 | |
| 個人資料 | |
| 性別 | 男 |
| 出世 | 1878年7月2號 英屬千里達聖費爾南多 |
| 死 | 1944年5月20號（65歲） Template:ROC-1940上海特別市 |
| 籍貫 | 廣東順德 |
| 國籍 | .svg){kind=small} 大清（1878年－1911年）.svg){kind=small} 中華民國（1912年－1928年） 中華民國（1928年－1933年、1934年－1944年） 中華共和國（1933年－1934年） |
| 政黨 |  中國國民黨 |
| 其他政黨 | 中國國民黨臨時行動委員會 |
生平 編輯
陳友仁，原籍廣東順德，父母係客家人[1]:3。1878年生於加勒比海嘅英國殖民地千里達多巴哥（時華僑通稱為千里達）聖費爾南多。
阿爸參加過太平軍，太平天國失敗後被迫離開中國，從香港一路逃到萬里之外嘅特立尼達，喺當地經營零售店，小有積蓄。
幼年與求學時期 編輯
陳友仁自細接受英國教育，日常喺屋企只講英文[1]:3。並唔識中文。1898年，畢業於西班牙港嘅聖瑪麗學院。
畢業後工作 編輯
畢業後，佢成為特立尼達第一位華人律師，開設自己嘅律師事務所，冇耐喺當地華人同印第安人客戶中贏得咗聲譽，取得可觀收入同社會地位，成為當地頗為成功嘅著名律師。
陳友仁對於商業經營亦好有眼光，佢投資咗幾個可可種植園，仲買咗油田。不過，陳友仁並唔滿足於特立尼達狹小天地，佢習慣每年到英國倫敦度假一次。喺倫敦，陳友仁結識咗好多中國留學生朋友。
中國效力 編輯
1911年秋天，正當中國辛亥革命嘅成功消息傳到咗倫敦，正喺度度假嘅陳友仁同佢嘅兩位華人朋友——伍連德同菲利普·陶聽到呢個消息後極度興奮，決定立即去中國效力。
陳友仁原本準備先返去喺美洲千裏達嘅屋企安頓好先再到中國，後來擔心一旦返到企，必為情所困而去唔成，於是只發一封電報返企，就匆忙取道西伯利亞鐵路去到中國。
辭職辦英文報紙《京報》同坐監 編輯
1914年，佢毅然辭職離開交通部，但繼續留喺北京，自己創辦一份英文報紙——《京報》（Peking Gazette）擔任總編輯，鼓吹革命，言論激進，一度畀袁世凱通緝[1]:3。經常發表同政府不和嘅意見。
1917年5月19號，英文《京報》喺1917年5月18號刊載段祺瑞同日本接洽一億蚊借債（二千萬由日人代行整理兵工廠，八千萬請日本軍官練兵），指日本參謀次長田中義一去中國係同呢件事有關，主筆陳友仁因發表批評段祺瑞文章「出賣中國」，以妨礙公務罪被捕入獄四個月，報紙亦被查封。呢單案最後導致總統黎元洪罷免段祺瑞嘅國務總理職務[2]。
南下廣州 編輯
出獄後立即南下廣州，任孫中山英文秘書及外交顧問。呢個係佢一生作出嘅一項重大決定。當時孫中山只喺其出生所在省份(廣東省)勉強得到一啲支持。陳友仁立刻取得孫中山賞識，孫中山曾經評價說，中國淨係得三個精通英文者：一個係辜鴻銘，一個係伍朝樞，另一個就係陳友仁。
1919年，陳友仁曾代表廣東軍政府參加巴黎和會。當陳友仁從巴黎回國嗰時，孫被排擠出廣州，匿埋喺上海法租界莫裏哀路寓所埋頭寫《建國方略》。雖然孫受到嚴重挫折，陳友仁仲係決心繼續支持孫。
上海辦報 編輯
陳友仁亦喺上海辦咗一份報紙Shanghai Gazette，並變賣咗喺特立尼達嘅全部產業來資助孫中山嘅事業。
呢個時候，蘇俄開始與孫中山接觸。1922年，陳友仁作為孫嘅外交顧問，參與咗與蘇俄特使越飛喺上海嘅會談。1923年初，孫返到廣州，重組政府，自任大元帥。1924年，陳友仁到廣州擔任孫嘅英文秘書，好受孫器重，即刻被任命為擔任大元帥府航空局長，並同孫嘅蘇聯顧問鮑羅廷建立非同尋常嘅私人關系。
1924年11月，馮玉祥控製北京後，邀請孫北上，陳友仁亦隨和前往。
1925年孫喺北京逝世前，陳友仁代為起草《致蘇聯遺書》。
再留北京、又辦英文報紙《民報》同坐監 編輯
孫死後，佢留喺北京，創辦英文《民報》。呢個一次辦報，佢又因為抨擊張作霖而被捕四個月[1]:3。
國民政府外交部長 編輯
出獄以後，陳友仁返到廣州。1926年3月，陳友仁接替胡漢民出任國民政府外交部長。佢一上臺，就大力支持當時省港大罷工，迫使港英當局妥協。
1926年12月10日，第一批廣州國民政府官員（以國民黨左派為主），包括四位部長：徐謙（司法部長）、陳友仁（外交部長）、宋子文（財政部長）、孫科（交通部長）同埋鮑羅廷同宋慶齡一同經江西抵達武昌，組成臨時聯席會議。
1926年12月31日，另一批國民政府官員（以右派為主），包括國民政府代主席譚延闿、中央執行委員會常務委員會代主席張靜江，以及另外幾位部長，到達蔣中正司令部所在地江西南昌，留喺嗰度成立臨時中央會議。1927年1月1日，左派聯席會議宣布國民政府遷都武漢三鎮，政府設喺漢口南洋大樓。兩派之間裂痕日益擴大。
喺武漢左派，陳友仁更被認為係一名堅定親蘇親共極左人物。佢啱到武漢，就與英國駐華公使藍普森進行第一次外交談判。務實嘅英國人考慮到國民政府喺長江流域嘅實力增加，準備承認呢個革命政府，條件係喺新條約簽訂之前，必須接受過去中英兩國之間簽訂嘅條約。陳友仁拒絕接受呢個條件，談判於1926年12月17號破裂。但陳友仁認識到外交承認重要性，要求藍普森同佢合作，詐諦會談只係臨時中斷。
冇耐，局勢超常規發展將陳友仁推到佢一生事業巔峰。早喺1926年11月國民革命軍占領武漢三鎮冇耐，當地工人運動高漲起來，持續不斷嘅罷工風潮席卷各個行業。蘇聯顧問鮑羅廷頻繁演講，積極推動反帝，尤其係反英運動。1927年1月3日，喺漢口英租界邊界處嘅江漢關大樓前，發生咗中國示威群眾與英國海軍陸戰隊之間流血衝突。陳友仁立刻向英國提出抗議，要求英國撤走海軍陸戰隊同義勇隊。1月4日，數萬群眾衝入漢口英租界包圍巡捕房。1月5日，漢口英國僑民全部撤退到軍艦上，英租界由中國軍警進駐。1月6日，較小嘅九江英租界也同樣受到衝擊。陳友仁一邊主持「漢口英租界臨時管理管理委員會」，恢復界內秩序；一邊同英方先後進行16次談判。英國方面起初要求恢復呢個兩個租界原狀，陳友仁指出，只能以新嘅形勢為談判依據，否則必將引起「較現在更險惡之局勢」。1月27日，英國政府送交備忘錄，表示如果國民政府以談判方式解決喺華租界問題，英方將承認國民政府大部分外交要求。最後雙方終於喺2月19日同2月20日，分別簽訂「收回漢口英租界之協定」同「收回九江英租界之協定」[1]:3。由於其成功嘅鐵腕外交、以及精通西方法典，陳友仁獲得巨大聲譽。當時中國最大報紙——上海《申報》幾乎每天都可以睇到革命外交家陳友仁嘅名，有人甚至稱武漢政府為「陳友仁時代」。
陳友仁係一名堅定嘅左派分子，性情耿直，愛國摯深[1]:3。1927年4月，蔣中正喺度南京成立政府，宣布清共，陳友仁與宋慶齡聯名發表《討蔣通電》。武漢左派政府受到蔣嘅海上封鎖，又要應付大罷工帶來嘅財政困難，自身生存也出現問題。於係喺7月，汪精衛喺武漢也宣布分共，陳友仁係會上唯一嘅反對派。（宋慶齡未參加，已經上咗廬山.）
1927年7月27號晏晝，考慮到蘇聯顧問鮑羅廷處境已經相當危險，陳友仁派自己嘅兩個仔（陳丕士同陳依範）護送鮑羅廷逃亡返去蘇聯，佢哋選擇一條極其艱苦但相對嚟講比較安全嘅線路：從陸路經鄭州、洛陽、平涼、寧夏城，然後穿過戈壁沙漠，到達庫倫，10月6號安全抵達莫斯科。
莫斯科 編輯
由於蔣中正懸賞要佢嘅人頭，陳友仁化妝成日本商人[3]，1927年8月同宋慶齡一起從上海秘密乘船去蘇聯。佢哋喺莫斯科發表批評蔣中正、汪精衛嘅聯合宣言。不過，由於未能得到斯大林嘅實際幫助，冇耐陳友仁失望噉離開蘇聯，前往法國。
1927年10月21日，上海嘅主要報紙刊載評論，猜測宋慶齡日前出國到蘇聯，係同陳友仁「私奔」，兩個人準備結婚。（兩個人嘅配偶都過世冇耐）當然呢個係一個未經證實嘅謠言，不過對於宋慶齡嘅政治生命卻具有極大嘅殺傷力，使得佢消沈咗好耐。
流亡嘅日子 編輯
1930年，陳友仁喺流亡巴黎期間，同女畫家張荔英結婚。嗰時佢嘅原配妻子經已患癌過世四年。張荔英係國民黨元老張靜江嘅四女，比陳友仁後生三十一歲，出生喺法國。呢個年齡懸殊嘅婚事，加上陳喺政治上嘅觀點同新娘嘅老竇南轅北轍：女婿親蘇親共，係個流亡海外嘅反蔣左派人士；嶽父卻係蔣中正嘅兄弟，立場堅定嘅反共右派人士，自然要引起一場轟動。
1931年，汪精衛、孫科喺廣州另組政府，於係陳友仁返國，出任廣州政府嘅外交部長。冇耐寧粵合作，蔣中正落野，6月1日陳友仁繼續出任中央政府外交部長。但冇耐就因九一八事變處理問題辭職赴上海。
1933年，十九路軍發動反蔣嘅福建事變，成立「中華共和國人民革命政府」，陳友仁又出任福州政府嘅外交部長。事敗後，佢受到通緝，再度流亡法國巴黎。
1938年，陳友仁前往香港居留。1941年12月，太平洋戰爭爆發，香港淪陷，陳友仁為日軍拘捕，轉押上海軟禁。1944年5月病逝於上海。1949年以後，陳友仁嘅遺骸被移葬到北京八寶山革命烈士公墓。
家族同後代 編輯
- 父：陳桂新
- 母：梁氏，廣東寶安人。
- 第一任太太（原配）：愛芳茜·愛葛莎·甘東（即愛茜，或梁瑪麗，其父為法國人，其母為法非混血兒）(約1878年？-1926年)。1899年與陳友仁結婚。1911年攜大仔陳丕士前往倫敦留學，1926年患癌過世。
- 大仔：陳丕士（Percy），1922年畢業於倫敦中殿律師學院，考取律師資格，先喺千裏達當律師，後隨父親參與中國二次革命。後成為香港著名大律師。
- 二仔：陳依範（Jack），畫家。
- 二新婦：陳元珍，華裔美籍作家，著有《民國外交強人陳友仁：一個家族嘅傳奇》[4]。
- 孫陳一文，中國地球物理學會天災預測專業委員會顧問。
- 另喺蘇聯留有一孫，名葉甫蓋尼·伯納德維奇·陳（Евгений Бернардович Чен）（1934—），蘇聯跳遠運動員。
- 孫嘅女伊奧蘭達·耶夫蓋尼耶夫娜·陳（Иоланда Евгеньевна Чен）（1961—）也係跳遠運動員，1995年世界室內田徑錦標賽三級跳遠冠軍，退役後成為俄羅斯著名嘅體育記者。
- 大女：陳錫蘭（Sylvia Si-Lan Chen Leyda），喺俄國研究跳舞，於歐洲舞臺活躍，為世界著名舞蹈家。與導演與電影史家傑伊·萊達（中文名陳立）結婚。
- 細女：陳幼蘭（Чен Ю-Лан），英文名約蓮達（Yolanda），俄文名伊奧蘭達·葉甫蓋尼耶夫娜·陳（Иоланда Евгеньевна Чен）（1913—2006），蘇聯著名電影攝影師。
- 喺聖弗南多一法非混血兒情婦曾為陳友仁（尤金）生咗孿生女。
- 其餘不詳。
參見 編輯
參攷 編輯
- ↑ 1.0 1.1 1.2 1.3 1.4 1.5 〈〈陳友仁〉〉. 《《歷史大觀園》總第68期，1991年2月1日第2期》. 廣州: 歷史大觀園雜誌社.
{{cite journal}}: Unknown parameter|editors=ignored (|editor=suggested) (help) - ↑ 郭廷以《中華民國史事日誌》
- ↑ Si-lan Chen Leyda (1984年). Footnote to History. Dance Horizons. p. 87. ISBN 978-0-87127-134-1.
- ↑ 《《民國外交強人陳友仁：一個家族嘅傳奇》》 (繁體中文). 香港: 三聯. 2009-06-01. ISBN 9789620428258. 原著喺2017-07-15歸檔. 喺2020-11-06搵到 –透過博客來.
- 費正清：劍橋中華民國史
- 費成康：中國租界史
出面網頁 編輯
| 政府職務 | ||
|---|---|---|
| 前任： 胡漢民 |
中華民國外交部部長 1926年5月－1927年5月 1931年12月－1932年1月 |
繼任： 高承元 |
| 前任： 施肇基 |
繼任： 羅文幹 | |
| 政府職務 | ||
| 新頭銜 | 中華共和國人民革命政府外交部部長 1933年11月－1934年1月 |
機構撤銷 |
| 前任： 伍海德 |
英文京報社總編輯 1914－1917年11月 |
機構解散 原因：被查封 |