青年廣場
青年廣場（英文：Youth Square）[1]，前稱香港青年發展中心（英文：Hong Kong Centre for Youth Development），俗稱Y-Square、YS、柴灣青年發展中心及柴灣青年廣場，係一座位於香港東區柴灣道238號嘅建築，為香港特別行政區民政事務局所擁有，現時由2010年開始新世界集團轄下嘅新世界設施管理有限公司以非牟利形式負責管理及營運。[2]
| ||||
|---|---|---|---|---|
 | ||||
| 起好 | 2008年  | |||
| 國家 | 中華人民共和國 | |||
| 位處政區 | 東區、香港 | |||
| 持有人 | 民政事務局 | |||
| 拎 | http://www.youthsquare.hk/ | |||
青年廣場嘅位置  | ||||
[改維基數據] | ||||
青年廣場於2001年6月興建，到2003年12月至2005年7月期間暫停工程，最終於2008年11月落成。建設費總額約7.5億港元，政府撥款5億5,090萬港元興建，其餘2億港元由華人永遠墳場管理委員會贊助。廣場於2009年4月開始為部份設施陸續進行試業，直至2010年3月6號正式啟用。[3][4][5]設施包括商場（主要由補習社及教育中心租用）、設有643個座位嘅Y綜藝館、Y劇場、多用途場地及設有148間客房嘅Y旅舍等。
歷史
編輯青年廣場前身為柴灣社區中心、環翠里休憩處及柴灣道迴旋處行人天橋嘅柴灣道（樓梯）同環翠道（緩陂樓梯）出口之所在地。
1998年，前任行政長官董建華於施政報告提出對青少年服務加強重視，宣布耗資9億元將柴灣社區中心重建為青年發展中心。原計劃樓高24層，總面積為35,000平方米。中心設青少年發展活動使用嘅場地、由青年實業家以及有意推動青年發展嘅商業機構經營嘅咖啡室同商店、以至150間旅舍房間。
不過該建議公佈後，引起各界嘩然。單係建築費預計要花8億5,630萬元。另加顧問費5,200萬元。唔少議員皆批評呢啲計劃太過昂貴，係浪費資源。此外，當時市政總署（今康樂及文化事務署）轄下嘅好多場地租用率欠佳，並無增加嘅必要。[6]
2000年6月，民政事務局同香港建築師學會舉辦青年廣場嘅建築設計比賽，比賽分兩階段進行[7]，喺同年11月結束。
2000年12月，建築設計比賽優勝者嘅作品首度被公開。民政事務局為其舉辦一連九日嘅公開展覽，喺19號舉行開幕儀式[8]；同期政府開始進行柴灣社區中心清拆工程，於2001年5月完成。
到咗2001年，政府向立法會申請5.5億元，喺柴灣興建青年發展中心，預期喺2005年底落成。並以自負盈虧模式運作，政府透過貸款或資助形式，設立一項營運基金作開辦費，無需倚靠政府嘅經常資助，政府將成立有限公司專責管理並委任董事會成員。同年6月，開始進行地基暨興建主座大樓地庫工程，至2003年12月完成。
不過，香港當時經濟環境欠佳，喺2003年政府發現中心首10年營運，將有9,000萬嘅赤字。同年年底，青年發展中心嘅地基同地庫工程完工，由於未能確定中心嘅營運模式，當局將中心嘅上蓋建築工程延至2005年中才興建。工程延誤18個月，每個月仲要畀20萬，合共360萬嘅保養地盤費用。直到2005年7月，主座同旅舍兩座大樓建築工程正式開始恢復。
樓層設施
編輯主座大樓
編輯- 地庫及地下，表演廰（稱為「Y 綜藝館」）
- 1樓，展覽平台（稱為「Y 展覽平台」）
- 2樓，多用途禮堂（稱為「Y 劇場」）
- 2M樓，香港藝術學院 - 繪畫及攝影工作室
- 3樓，零售商店（稱為「Y 生活館」）
- 4樓，餐廳
- 5樓-6樓，多用途場地 - 興趣小組室，鋼琴室，展覽區，創意工作室
- 6樓，舞蹈室
- 7樓，公民教育資源中心
- 8樓中庭，香港藝術學院 - 行政辦公室
- 8樓-9樓，多功能場地／辦公室
- 9樓玻璃房，香港藝術學院 - 圖書館
- 12樓玻璃房，香港藝術學院 - 多用途課室
- 12樓-14樓，Y旅舍
旅舍大樓
編輯- 1樓-12樓，青年旅舍，96間客房
參考
編輯- ↑ 〈青年廣場 官方網址〉。原著喺2010年7月17號歸檔。喺2024年1月29號搵到。
- ↑ 〈明報：柴灣青年廣場連年蝕新世界加價續管理〉。原著喺2017年3月5號歸檔。喺2024年1月29號搵到。
- ↑ 〈香港政府公告: 香港青年發展中心管理諮詢委員會〉。原著喺2019年11月13號歸檔。喺2024年1月29號搵到。
- ↑ 香港青年發展中心管理諮詢委員會成立 互聯網檔案館嘅歸檔，歸檔日期2009年1月3號，. 星島日報
- ↑ 〈民政事務局: 柴灣青年發展中心簡介〉。原著喺2019年10月21號歸檔。喺2024年1月29號搵到。
- ↑ 新報：九億元建柴灣青年中心 議員驚呼昂貴 官稱自負盈虧（1999年6月17號）
- ↑ 〈香港特區政府新聞處：青年發展中心建築設計比賽〉。原著喺2021年4月20號歸檔。喺2024年1月29號搵到。
- ↑ 〈青年發展中心建築設計比賽參選作品公開展覽〉。原著喺2021年4月18號歸檔。喺2024年1月29號搵到。
出面網頁
編輯