香港互聯網文化香港互聯網使用者產生出嚟嘅一種獨有文化。由於語言同地域界限,香港嘅網絡文化中國互聯網台灣網絡文化,以至全球嘅網絡文化都有差異,好似獨特嘅網絡語言;但亦因互聯網缺乏實體界線,兩者有時亦有相似嘅地方,好似盜版問題同埋二次創作等。

互聯網係香港文化嘅重要一環,有唔少影響力,其中巴士阿叔同埋名人陳冠希鹹相案等引起巨大迴響。網絡文化同傳統媒體以及網絡媒體(網媒)經常相互影響,例如蘋果日報同埋100毛高登/連登網民意見更不時成為後者嘅取材內容。

另外,香港嘅互聯網基礎建設獨立於中國大陸,故此流出流入香港嘅網絡數據唔受中國大陸嘅防火長城限制。99%香港境內嘅網絡傳輸途經香港互聯網交換中心。香港嘅地區頂級域係.hk