屋宇建設委員會
(由香港屋宇建設委員會跳轉過嚟)
屋宇建設委員會（Hong Kong Housing Authority，英文名同宜家房委會個名一樣，下文簡稱屋建會），由香港政府喺1954年4月設立，為當時嘅「白領階級中嘅低薪者」，好似教師、記者、公務員同埋文員等等嘅人，興建一啲水準較高而租金較低廉嘅單位。直到1973年該會被解散為止，一共起咗十個廉租屋邨。
屋建會係當時的香港市政局嘅一個機構，負責屋邨興建問題嘅決策工作，所有市政局議員都是屋建會嘅當然成員；而執行工作，則由市政事務處屋宇建設處負責。
入住資格
編輯該會屋邨嘅入住資格，除了要自行申請外，申請人嘅入息也有上限同下限。初時規定申請人嘅入息須為四百元至九百元；及後放寬至四百元至一千二百五十元。
樓宇設計
編輯屋建會嘅廉租屋邨，一概由呢個會內部嘅樓宇設計部或者聘請私人公司負責，咁係因為個陣嘅香港政府工務司署忙於應付徙置大廈嘅建設工作，而唔得閒同屋建會設計樓宇。該會起嘅十個屋邨，得北角邨係有梗房間格，及後因北角邨造價偏高搞到租金貴，違反咗「廉租」嘅原則，故此自第二個屋邨：西環邨開始，所有興建的屋邨單位都冇咗梗房間隔。
基本上，初時該會之各個屋邨係唔同設計嘅，咁同嗰陣差唔多一樣嘅徙置大廈和政府廉租屋相比，的確係好有特色。不過由馬頭圍邨開始，好易發現屋建會屋邨大廈嘅設計已走向一致嘅風格。
屋建會起嘅廉租屋邨
編輯屋建會起嘅廉租屋邨加埋有十個，分別係：
| 屋邨名稱 | 邊區 | 座數 | 單位數目 | 幾時起好 |
|---|---|---|---|---|
| 北角邨 | 北角 | 7 | 1956 | 1958年1月 |
| 西環邨 | 西環 | 5 | 638 | 1959年3月 |
| 蘇屋邨 | 長沙灣 | 16 | 5314 | 1963年4月 |
| 彩虹邨 | 牛池灣 | 11 | 7455 | 1964年10月 |
| 馬頭圍邨 | 土瓜灣 | 5 | 2075 | 1965年1月 |
| 和樂邨 | 觀塘 | 11 | 1940 | 1966年7月 |
| 福來邨 | 荃灣 | 9 | 3128 | 1967年1月 |
| 華富邨 | 薄扶林 | 18 | 4793 | 1971年3月 |
| 坪石邨 | 牛池灣 | 7 | 4575 | 1971年3月 |
| 愛民邨 | 何文田 | 12 | 6288 | 1975年9月 |
解散
編輯1972年，個陣嘅香港總督麥理浩爵士宣佈十年建屋計劃，下令將個陣政府三個房屋計劃，即徙置大廈、政府廉租屋邨計劃及屋宇建設委員會廉租屋邨合併：屋建會於翌年四月一日改組為香港房屋委員會、徙置事務處同埋市政事務處屋宇建設科合併為房屋署，而所有新區、政府廉租屋邨及屋建會廉租屋邨合稱為公共屋邨。
出名嘅人物
編輯- 李福樹，李作元（李冠春）嘅大仔，喺1954年獲政府邀請加入屋建會