開主選單

馬鞍山市

中國安徽省嘅地級市

座標: 31°40′0″N 118°30′0″E / 31.66667°N 118.50000°E / 31.66667; 118.50000

中華人民共和國 > 安徽省 > 馬鞍山市
馬鞍山
马鞍山市
花雨廣場路口街景
花雨廣場路口街景

簡稱:馬
花名:詩城、鋼城
標語:聚山納川 一馬當先[1]
馬鞍山位置圖
馬鞍山位置圖
中華人民共和國 中華人民共和國
安徽
地級政區 地級市
轄下一級政區 3區、3縣
設市時間 1956年10月12號
市長 左俊
市委書記 魏堯
政府駐地 雨山區太白大道2008號
地理
總面積 4049[2] km²
市區面積 704[2] km²
城市化率(2016) 66.49[3]%
人口
總人口(2016) 227.6萬人[3]
戶籍人口(2016) 229.35萬人[3]
市區(2016) 106.87萬人[3]
人口密度 562.11人/km²
民族 漢族
官方語言 普通話
本地語言 吳語淮語
人口密度用總人口計總面積得出。
經濟
GDP(2016) 1493.76億元人民幣[3]
人均GDP 30437[3]
市區人均GDP 38142[3]
時間
時區 中國時區(UTC+8
識別信息
電話區號 +86 (0)555
郵政編碼 243000
車牌 皖E
象徵
市樹 香樟[1]
市花 桂花[1]
友好城市
咸美頓、伊勢崎、昌原、阿間達·地·利、高嘉華、吉獅堡、特拉尼攀特拉、薩帕拉[4]
網站 馬鞍山市府

馬鞍山粵拼maa5 on1 saan1普通話拼音Mǎ'ānshān)係安徽東部嘅地級市,叫馬鞍山市,係長江南岸嘅工業都市。西北面係滁州合肥,西南面係蕪湖,東面係南京

1956年設市,總面積4049平方公里,2012年總人口230萬,市府駐雨山區。馬鞍山係中國十大鋼鐵基地之一。

馬鞍山地方離南京好近,六朝時係畿輔,係京都要地,稱爲「金陵屏障、建康鎖鑰」,所以南北朝到唐宋都有好多名公巨卿、賢達雅士來過呢度。比如李白嘅《望天門山》、劉禹錫嘅《陋室銘》、王安石嘅《遊褒禪山記》都喺呢度寫成。今日馬鞍山西南邊嘅採石磯係稱爲「長江三大磯之首」嘅有名斷崖,上面起嘅太白樓係長江四大樓閣之一,相傳李白船上醉酒,想去撈水中月結果浸死喺呢處,因此有好多人來呢度追思李白,呢度打過採石之戰,係金朝海陵王遠征南宋時打嘅。

到咗近代,馬鞍山地方係長江南岸歷史幾耐下嘅煤炭、鐵礦產地,從長江口向上行船240公里左右就到。1930年代呢度通鐵路,開發出淮南煤田以及鐵礦,之後日本侵華,佢哋想搶馬鞍山嘅礦產。不過喺二戰當中產業設備都破壞曬,直到1953年馬鞍山先恢復返,之後喺中共嘅五年計劃之下急速發展。馬鞍山亦都產硫磺同石灰,因此除咗鋼廠,亦有水泥廠。1954年馬鞍山升爲縣級政區,1956年10月12號設馬鞍山市。

名嘅傳說

相傳楚漢相爭到最後,西楚霸王項羽劉邦韞咗喺垓下,四面楚歌,霸王別姬之後,敗退和縣烏江(馬鞍山境內),請船伕渡佢匹座騎烏騅馬去江東,之後佢話無面見父老,自刎烏江。佢匹愛馬見主人死咗,於是跳落江陪佢去,啲人搵返匹馬嘅馬鞍,將馬鞍葬喺附近嘅山來紀念,是爲「馬鞍山」。又有一種講法,係箇馬鞍化成山,所以呢帶啲山箇樣似馬鞍。

設市之前

春秋戰國時,呢度畀吳國越國楚國統治過。秦朝時屬丹陽郡。東晉咸和四年(329年),因為衣冠南渡,喺南陵僑置當塗縣(舊當塗縣喺安徽懷遠),永和元年(345年)喺牛渚(而家採石)僑置豫州。南梁天監元年(502年)喺採石置南丹陽郡。

開皇九年(589年)當塗縣治搬去姑孰,之後無逳過。北宋太平興國二年(977年)喺姑孰設太平州,轄地有當塗、蕪湖、繁昌。元朝改名太平路,明朝至正十五年(1355年)太平路改名太平府,一直延續到民國,民國廢除府,當塗直屬安徽。

設市之後

1954年2月17號喺金泉鄉嘅基礎上設馬鞍山鎮,屬當塗,係縣級政區,呢個係第一個以「馬鞍山」做名嘅政區。1955年8月設馬鞍山礦區,屬蕪湖專區。1956年10月12號從當塗分出做省轄市。

轄下變動年表

  • 1956年10月12號,安徽省蕪湖專區當塗縣分出部分(馬鞍山礦區、採石鎮)成立馬鞍山市(1市)
    • 11月18號,當塗再畀多忽(1市)
      • 26號,設郊區(1區)
  • 1958年5月21號,馬鞍山降級,併入蕪湖專區。
    • 10月22號,馬鞍山恢復地級,兼且拼入蕪湖專區嘅當塗縣和縣含山縣(1市3縣)
      • 28號,設馬鞍山區向山區採石區郊區(4區3縣)
    • 11月,當塗畀噉啲去蕪湖專區蕪湖市(4區3縣)
  • 1959年3月22號,和縣同含山合併爲和含縣(4區2縣)
      • 23號,當塗、和含畀咗蕪湖專區(4區)
  • 1961年6月21號,馬鞍山區、採石區併入郊區(2區)
      • 27號,向山併入郊區(1區)
    • 7月3號,蕪湖專區和含縣畀咗部分去郊區(1區)
    • 12月15號,蕪湖專區當塗縣畀咗部分去郊區(1區)
  • 1962年9月,郊區分割爲金家莊區、採石區、向山區(3區)
  • 1963年6月,金家莊、採石、向山各出部分做郊區(4區)
  • 1964年4月,郊區畀咗部分去去蕪湖專區當塗縣(4區)
    • 10月17號,金家莊、採石、向山再次合併到郊區(1區)
  • 1969年4月16號,郊區分出部分做馬鞍山區、採石區(3區)
  • 1972年3月27號,蕪湖地區當塗縣畀咗部分去郊區(3區)
  • 1975年9月9號,馬鞍山區分割成四新區花山區,採石區分割做雨山區、向山區(5區)
  • 1978年7月1號,郊區畀咗部分(船山石灰礦山)去江蘇省鎮江地區鎮江市(5區)
  • 1979年10月8號,郊區併入向山(4區)
    • 12月14號,四新區改名爲金家莊區(4區)
  • 1983年9月6號,向山重新分出郊區(5區)
    • 10月8號,宣城地區嘅當塗縣畀返來,當塗畀咗部分去蕪湖市郊區(5區1縣)
  • 1984年10月29號,郊區併入向山(4區1縣)
  • 2001年7月1號,向山分入去金家莊、花山、雨山(3區1縣)
  • 2004年5月29號,當塗畀咗部分入雨山(3區1縣)
  • 2011年7月14號,巢湖市含山、和縣返咗來,和縣畀咗部分去蕪湖市鳩江區(3區3縣)
  • 2012年9月5號,金家莊合併入花山,當塗畀咗部分成立博望區(3區3縣)

地理

「馬鞍山」嘅意思係「似馬鞍噉嘅山」,馬鞍山地方畀啲矮細嘅山仔圍住。因為當地政府嘅目標係令馬鞍山入圍中國十大潔淨城市,所以比較落力治理環境,相比中國其他鋼鐵業城市,馬鞍山嘅環境污染無咁犀利。氣候上同其他長三角城市類似,夏天時濕度低,冬天時唔會好凍。7、8月時係雨季。

經濟

主要產業係鋼鐵業,馬鞍山人力豐富,好多工仔同馬鞍山鋼鐵(馬鋼)有關。

2005年時因鋼廠設備擴張,產量大增。馬鞍山發展緊嘅製造業以及快速交通建設,令佢嘅主要產業吸引咗大量投資。

而家馬鞍山年均製造業投資量排安徽第一,GDP排第四,排喺合肥安慶蕪湖之後。馬鞍山嘅人口喺省內排第十六,而人均GDP去到兩萬近三萬,排安徽第一,水平接近長三角。

交通發展令馬鞍山嘅經濟、產業水平提升到國家平均水準之上。馬鞍山有深水河港兼稅關,連通咗華東沿海同長江流域嘅內陸城市,令物流快而平。馬鞍山離南京祿口機場40公里,可以直接飛去中國各地同歐洲。喺公路上馬鞍山有高速路去南京上海杭州寧波、合肥、蕪湖。

政區

姊妹城市

  1. 1.0 1.1 1.2 "城市標誌". 中國馬鞍山. (原先內容喺2015年4月2號歸檔). 喺2017年5月25號搵到. 
  2. 2.0 2.1 "馬鞍山簡介". 中國馬鞍山. (原先內容喺2017年10月31號歸檔). 喺2017年5月25號搵到. 
  3. 3.0 3.1 3.2 3.3 3.4 3.5 3.6 馬鞍山統計局 (2017年3月1號). "2016年馬鞍山市國民經濟和社會發展情況統計公報". 馬鞍山統計信息網. 喺2017年5月25號搵到. 
  4. "對外交往". 中國馬鞍山. (原先內容喺2015年4月2號歸檔). 喺2017年5月25號搵到.