高增站
高增站（粵拼：gou1 zang1 zaam6；英文：Gaozeng Station），規劃時期嗌過矮崗站（ngai5 gong1 zaam6；Aigang Station），係廣州地鐵3號綫同9號綫嘅轉車站，2017年12月28號開放，位置喺白雲區人和鎮高增村沙崗地社西南角近機場高速位。
| 高增 GAOZENG | |
| |
| 高增站嘅站名（3號綫同9號綫都係呢樣） | |
| 概覽 | |
|---|---|
| 冧巴 | 328 911 |
| 位置 | 白雲區人和鎮高增村沙崗地社 |
| 座標 | 23°21′17.80″N 113°17′43.25″E / 23.3549444°N 113.2953472°E |
| 車站色 | 牆面+ 焗漆柱 |
| 經過路線 | 3 9 |
| 啟站 | 2017年12月28號 |
| 月台數 | 2 |
| 站口數 | 4 |
| 營運資訊 | |
| 車站服務時間 | 05:59～23:38 |
| 列車服務時間 | 06:04～23:33 |
| 廣州地鐵3號綫 體育西路 ◄人和 （2.4km） （3.6km）機場南► 機場北 | |
| 廣州地鐵9號綫 飛鵝嶺 ◄清塘 （4.2km） | |
呢個站曾經喺2009年9月26號起咗月台架構之後一直到2017年12月27號為止，一直係3號綫一未成綫嘅車站，期間啲列車凈喺呢個站入面減速通過兼唔停站。
另外，佢既係9號綫東邊嘅尾站兼唯一唔喺花都入面嘅站，又係3號綫其一唔用書法站名嘅車站。
結構 編輯
外觀 編輯
車站個樣從出面睇，似帶蓋嘅盒噉。兩邊牆面都係打橫嚟兼黑白相間（黑幼白粗）相平行嘅綫色調。近天花板頂四圍牆邊有堆玻璃組響度。喺車站嘅A出入口頭頂嘅左邊都有整到中英文站名出嚟。
樓層 編輯
呢個站一共有2層樓嘅地下區域，其中地面係站廳，有票務設施同客務中心；地下1樓係緩衝平臺；地下2樓係3號綫同9號綫嘅月台。雖然車站冇休息室，但廁所同母嬰室喺站廳免費區近B出入口位。
打掂 編輯
| 地面 | 站廳 | 售票機、客服中心、出入口 安檢設施、公共廁所、母嬰室 |
| 地下 一樓 |
緩衝平臺 | 往返站廳，9號綫同3號綫嘅月台通道 |
| 地下 二樓 |
2月台 | ← 3號綫列車去機場南站（行機場北嗰邊） |
| 1月台 | 3號綫列車去人和站（行體育西路嗰邊） → | |
| 4月台 | ← 9號綫列車去清塘站（行飛鵝嶺嗰邊） | |
| 3月台 | 9號綫落車月台 | |
打橫 編輯
 |
 |
 |
 |
 |
 |
站廳 編輯
月台 編輯
呢個站一共有兩個島式月台，都喺嗮高增村沙崗地社（近機場高速東邊隔籬）。其中9號綫喺西邊，3號綫喺東邊。
另外，喺呢個站嘅3號綫北邊有條存車綫響度。若果3號綫喺機場入面啲站點出咗冬瓜豆腐嘅話，去機場北站嘅列車就喺呢個站做總站，跟住入去存車綫返轉頭。屆時去機場嗰邊搭飛機啲乘客要轉搭其它交通工具先至到。喺9號綫南邊都有條交叉渡綫響度，專門畀啲9號綫列車到呢個站攆嗮客走之後，跟住入交叉渡綫返轉頭。
喺3號綫範圍，軌道區間預留咗3條同9號綫相通嘅波口位響度，專門畀列車調度用。
商舖同自助服務 編輯
出入口 編輯
| 高增站冚唪唥嘅出入口 | ||||||||
|---|---|---|---|---|---|---|---|---|
|
呢個站一共有4個出入口，分別係A、B同埋C，D。
| 冧巴 | 標記 | 方位 | 去到邊度 |
|---|---|---|---|
出入口A   |
方華公路 | 方華公路 | |
| 出入口B |
方華公路 | 方華公路、地鐵高增巴士站 | |
| 出入口C |
方華公路 | 方華公路 | |
| 出入口D |
方華公路 | 方華公路 | |
註： 有盲人引導徑 |  有斜道 | 出入口都喺同一層樓
| |||
頭尾板車信息同配線圖 編輯
| 配線圖 | |||||||||
|---|---|---|---|---|---|---|---|---|---|
|
▲ 3機場南站
| |||||||||
|
|||||||||
| ◀ 9清塘站 |
|
||||||||
|
|||||||||
|
|||||||||
|
|||||||||
|
|||||||||
|
|||||||||
|
|||||||||
|
|||||||||
|
|||||||||
|
|||||||||
|
|||||||||
|
|||||||||
|
|||||||||
|
|||||||||
|
3／9聯絡綫 | ||||||||
|
|||||||||
|
|||||||||
|
|||||||||
|
|||||||||
|
▼ 3人和站
| |||||||||
.svg){kind=small}
.svg){kind=small}
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 3號綫 | |||||||
| 體育西路站 | 06:04 | 23:19 | |||||
| 機場北站 | 06:12 | 23:33 | |||||
| 9號綫 | |||||||
| 飛鵝嶺站 | 06:06 | 23:15 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
車站歷史 編輯
規劃 編輯
3號綫 編輯
呢個站最先喺1997年份廣州地鐵規劃入面出現，嗰時嘅2號綫北段主綫去到新國際機場站（而家嘅機場南站），半佬出現嗌矮崗站嘅車站。不過喺2000年份規劃時摱到機場快綫一部分，一年後劃入到3號綫一部分。雖然車站位冇變到，但站名變成高增站，不過嗰時要等舊白雲機場搬走先至起得。
9號綫 編輯
2003年嗰份規劃方案入面出現咗嗌「新華綫」，但嗰時從花都汽車城開始，一直去到街口站[註 1]為止，半佬亦經過呢個站。但係2005年修改咗份方案，話呢條綫演變成9號綫一部分，路線亦改成從飛鵝嶺站開始一直到呢個站為止，以東嘅路段取消咗[註 2]。隨後份規劃等到2010年俾國家發改委通過為止。
施工 編輯
3號綫 編輯
2007年5月14號，3號綫北延段正式開始逳手起。原先話喺出咗嘉禾望崗站以北地方冚唪唥係高架站，但因為要拆好多間屋同改嗮啲高壓線路，地鐵公司亦唔想喺高架線路附近搞出災難性影響（例如大面積停電），加上有人喺開始逳手起之前被猛咁整蠱工地而冚唪唥改嗮地下站[1]，結果原本起好嘅時間拖咗9個月咁耐。雖然2010年7月份先至起好月台部份兼裝埋月台幕門同必要設備，但地鐵方考慮到車站上邊係田同埋轉車客流為主，所以亦繼續等到起9號綫時順手一齊起埋站廳。嗰時列車到呢個站附近時減速通過，睇到嘅月台部份係黑墨墨直到2017年9月30號為止。
9號綫 編輯
2009年9月26號，9號綫正式喺呢個站同清㘵站一齊逳手起，嗰時揀咗喺3號綫月台西邊隔籬起返同一嘥士月台。期間亦將3號綫喺呢個站北邊到機場南站嗰橛南行存車綫改造過，但係月台因為考慮到3號綫部份就快起好嗮而冇直接起成跨月台轉車站。隨後工程一直到2012年8月底先至起好。
月台、站廳個樣卒之出現 編輯
2017年10月1號，由於9號綫已經搞到最後一步——營運前調試，所以月台先至開始着燈[2]。期間已經望到月台個樣，但由於嗰時車站所在位嘅地面重係屬工地範圍，加上逃生通道唔對外開放，所以車站入面個月台樣重用緊2000年代建築最㷫用嘅焗漆結構、幕門上邊個站名重用緊2005年12月26號開通無耐嘅橙底黑藍字版。
2017年11月底，車站外觀已經正式出現。同年12月底，原先3號綫月台嘅吊板啲嘢都換成2016年版（白底帶路線色，入面有月台冧、幕門冧嗰啲）。
開通 編輯
利用狀況 編輯
呢個站喺2010年7月起好咗3號綫月台部份之後，由於地面係農田地方，所以一直冇起到站廳，凈整咗隻簡陋嘅逃生出口，嗰時喺站外既冇任何同高增站嘅明顯出入口痕跡，又冇明確嘅導向樁指明附近係「高增站」嘅地鐵標識。期間凈得着黃衫黑褲啲值班人士睇實個月台，為防以城市冒險做目的嘅組織或個人出入呢個站搞搞震冇幫襯。嗰時除咗地鐵員工之外，其他人基本上冇辦法入到呢個站。期間3號綫月台部份都係黑墨墨，連9號綫月台部分都唔例外。
喺9號綫月台未起之前，嗰時咪話外地人，連當地啲村民都唔知高增站喺邊度，令車站一度變成秘境車站。直到2017年3月先至見到高增站個出入口隻樣。而3號綫月台部分直到2017年10月1號嘅9號綫營運前調試期間先至開始着燈[2]。
2017年12月28號，由於地鐵站正式對外開放，期間原先喺人和站落車轉搭巴士啲乘客亦一窩蜂噉轉到呢個站入面再轉9號綫去到花都各地。令呢個站嘅客流大增兼分流咗一大堆原先喺人和站出入站啲乘客。後嚟地鐵方考慮到呢度係偏僻車站而將條843路巴士引入到呢個站東邊隔籬嚟畀多啲街坊知道呢個站嘅詳細位置。
附近嘅建築同景區 編輯
註同攷 編輯
- 註
- 攷
- ↑ 增投10亿 广州地铁三号线高架改地下 CRNTT.com
- ↑ 2.0 2.1 ［2017.10］广州地铁3号线 人和-机场南 高增站飞站 优酷
上一站·下一站 編輯
| 上一站⇚⇚ 廣州地鐵 ⇛⇛下一站 | ||
| 人和站 體育西路站← |
高增站 3號綫 |
機場南站 →機場北站 |
| 清塘站 飛鵝嶺站← |
高增站 9號綫 |
終點 |