A440
A440（或者寫 A=440Hz[1][2]），又叫國際音準[註 1]，係國際標準化組織定出嚟嘅音高標準[3]，指概念上嘅 A4（即係中央 C 對上嘅第一個 A 音）用頻率係 440 赫嘅聲實現出嚟[4]，用嚟調音用，原理係喺某個調律之下，將 A4 鎖定咗喺 440 赫之後，就可以搵到成件樂器應該產生嘅其他正確頻率。呢個標準由國際標準化組織喺1955年以建議形式推出[註 2]，當時叫 R 16，1975年變成標準，叫 ISO 16[5]，容許 A440 有 0.5 赫嘅誤差[4]。
用 A440 嚟調音並唔係20世紀嘅嘢，其實早喺19世紀已經由 Johann Scheibler 喺1834年嘅德意志自然研究會議[暫譯][註 3]（德文：Deutsche Naturforscherversammlung）提出[1]。
採用情況
編輯A440 目前係業界標準[3]，即係所有現代樂器出廠嗰陣都係調到 A440[6]。
不過，雖然話係標準，但係實際上並唔係人人跟，例如紐約愛樂樂團用嘅音準係 A442，而歐洲嘅一啲管弦樂團就會用 A443 或者 A444[3]。演奏巴洛克音樂嘅樂團同樂手一般亦唔會用 A440[6][2]。
鋼琴調音嘅時候，如果冇實際需要，個琴嘅狀況又唔許可，師傅亦未必會夾硬調到 A440[7]。言下之意係，喺現實當中，如果一隊樂隊有件樂器係鋼琴，好多時會係用鋼琴彈出嚟嘅實際音嚟調其他嘅樂器，而唔會盲目咁調到 A440。
註
編輯- ↑ 譯名見：〈HiFi 基礎談 九：自然規律，永恆不變〉。《HiFi音響》 (香港中文)。2017年5月2日。喺2024年8月21號搵到。；又：〈Q&A: 音怎樣才算「準」？〉 (香港中文)。形樂。2020年10月25日。喺2024年8月21號搵到。
- ↑ 當時佢哋推出嘅全部都只係 ｢建議｣[5]。
- ↑ 1871年前未有德國，所以 Deutsche 只可以譯 ｢德意志｣。
攷
編輯- ↑ 1.0 1.1 Hollander, Roelant (October 19, 2013). "How did A=440Hz beccome a standard?". Roel’s World (英文). 喺2024年8月21號搵到.
- ↑ 2.0 2.1 Acker, Brandon (2020年1月27號). Introducing: The Baroque Guitar (美國英文). 時間 6:02. 喺2024年8月21號搵到.
- ↑ 3.0 3.1 3.2 "Tuning Standards Explained: Differences between 432 Hz vs 440 Hz" (美國英文). iZotope. May 12, 2022. 喺2024年8月21號搵到.
- ↑ 4.0 4.1 "ISO 16:1975: Acoustics — Standard tuning frequency (Standard musical pitch)" (摘要) (英文). 國際標準化組織. 1975年1月. 喺2024年8月21號搵到.
- ↑ 5.0 5.1 "Foreword". ISO 16:1975(en): Acoustics — Standard tuning frequency (Standard musical pitch) (英文). 國際標準化組織. 1975年1月. 喺2024年8月21號搵到.
- ↑ 6.0 6.1 Swenson, Edward E. "The History of Musical Pitch in Tuning the Pianoforte" (英文). 喺2024年8月21號搵到.
- ↑ 〈Q&A: 音怎樣才算「準」？〉 (香港中文)。形樂。2020年10月25日。喺2024年8月21號搵到。
