細菌

細菌（粵拼：sai3 kwan2，Bacteria）係一種生物細胞。佢構成咗大範圍嘅原核微生物。通常細菌長幾微米，但有啲品種，可以長到去幾厘米。細菌乜形都有，例如係球形、棍形、螺旋形。細菌係地球上最早出現嘅生命形式之一，而且存在喺地球大部分嘅棲息地。細菌棲息喺泥土、水、酸性溫泉，放射性廢物同地殼深層生物圈度。細菌重同植物同動物有住共生同寄生嘅啦掕。研究細菌嘅學科嗌做細菌學，係微生物學嘅一個分支。

How to read a taxobox 細菌 化石年代：太古宙或早啲 - 而家
用電子顯微鏡睇大腸桿菌，係棍形
物種分類
域(Domain): 細菌域 Bacteria
門
革蘭氏陽性菌／冇外膜 放線菌門 Actinobacteria（高G+C） 厚壁菌門 Firmicutes（低G+C） 無壁菌門 （冇細胞壁） 革蘭氏陰性菌／有外膜 產水菌門 Aquificae 異常球菌-棲熱菌門 Deinococcus-Thermus 纖維桿菌門-綠菌門/擬桿菌門 Fibrobacteres–Chlorobi/Bacteroidetes （FCB群） 梭桿菌門 Fusobacteria 芽單胞菌門 Gemmatimonadetes Nitrospirae 浮黴菌門－疣微菌門/衣原體門 Planctomycetes–Verrucomicrobia/Chlamydiae（PVC群） 變形菌門 Proteobacteria 螺旋體門 Spirochaetes Synergistetes 未知／未分群 酸桿菌門 Acidobacteria 綠彎菌門 Chloroflexi 產金菌門 Chrysiogenetes 藍藻門 Cyanobacteria 脫鐵桿菌門 Deferribacteres 網團菌門 Dictyoglomi 熱脫硫桿菌門 Thermodesulfobacteria 熱袍菌門 Thermotogae

生物分類學
分類階級
域 | 界 | 門 | 綱 目 | 科 | 屬 | 種
二名法
三域系統
非細胞生物 病毒
細胞生物 古菌域 細菌域 真核域 真菌界 原生生物界 植物界 動物界

喺人類同大多數動物，腸入面嘅細菌數量最多，而皮膚上嘅細菌都好多。免疫系統嘅保護作用令到體內絕大多數嘅細菌都係冇害，甚至一啲腸道菌對人係有益嘅。但係，幾種細菌都係令人病性，而且有傳染性，包括霍亂、梅毒、炭疽、麻風同鼠疫。最常見嘅致命細菌性疾病係呼吸道感染。齋係結核病每年就搞到約莫200萬人死，其中大部分都係喺撒哈拉以南嘅非洲地區。抗生素畀人用嚟醫細菌感染，重用喺農業生產度，令到抗生素抗藥性成為一個日益嚴重嘅問題。喺工業上，細菌喺污水處理同漏油嘅分解、通過發酵生產芝士同酸奶、採礦業嘅金、鈀、銅同第啲金屬嘅回收、同埋抗生素同第啲化學品嘅製造度起到緊要嘅作用。

個名點嚟

「細菌」嘅英文「Bacteria」呢個詞係新拉丁文「bacterium」嘅複數形式，係希臘話βακτήριον（bakterion）嘅拉丁化串字，而βακτηρία（bakteria）嘅細寫字母，解做「棍」，因為第一個被發現嘅細菌係棍形嘅。

細菌學史

列文虎克，第一位微生物學家，亦係第一個用顯微鏡觀察細菌嘅人。

細菌最早係由荷蘭顯微鏡學家列文虎克（Antonie van Leeuwenhoek）喺1676年用自己設計嘅單透鏡顯微鏡而睇到。跟住，他通過一系列寄畀倫敦皇家學會嘅信發表咗自己嘅睇法。

Christian Gottfried Ehrenberg喺1828年引入咗「細菌」呢個詞。實際上，佢嘅細菌係包埋非孢子形成嘅桿狀細菌嘅屬，同芽孢桿菌（Bacillus）相反，芽孢桿菌係Ehrenberg喺1835年定義嘅由孢子形成嘅桿狀細菌嘅屬。

巴斯德（Louis Pasteur）喺1859年證明咗微生物嘅生長會導致發酵過程，而且呢種生長唔係自發產生嘅（通常同發酵有啦掕嘅依士同黴菌唔係細菌，而係真菌）。巴斯德同羅伯柯霍（Robert Koch）一齊係疾病細菌理論嘅早期倡導者。

醫學同微生物學嘅先驅羅伯柯霍（Robert Koch）研究咗霍亂、炭疽同肺結核。喺對結核病嘅研究度，羅拔哥終於證明咗細菌學理論，呢樣嘢令到佢喺1905年攞到諾貝爾獎。喺羅拔哥嘅假設度，佢規定咗測試生物體係咪係引起病嘅標準，而呢啲假設到到今日都重用緊。

費迪南戈恩（Ferdinand Cohn）畀人話係係細菌學嘅奠基人，佢由1870年開始研究細菌。戈恩係第一個根據細菌形態對細菌進行分類嘅人。

雖然喺19世紀已經知細菌係造成好多病嘅原因，但係就冇啲有效嘅抗菌方法。1910年，保羅埃亞里（Paul Ehrlich）通過選擇性噉染色梅毒螺旋體（引起梅毒嘅螺旋體）嘅染料變做選擇性殺死病原體嘅化合物，開發咗第一種抗生素。埃亞里因為佢喺免疫學方面嘅工作而攞到1908年諾貝爾獎。

細菌研究喺1977年向前邁出咗重要嘅一步，卡奧禾斯（Carl Woese）知道咗古細菌有可以喺細菌度分離出嚟嘅進化系。呢種新嘅系統發育分類學取決於16S核醣體RNA嘅測序，而且將原核生物分咗做兩個進化域，作為三域系統嘅一部分。

細胞結構

細菌內部

典型嘅革蘭氏陽性細菌細胞嘅結構。

細菌細胞畀細胞膜圍住，呢款細胞膜主要由磷脂整成。呢個膜負責圍住細胞入面嘅嘢，作用係保存營養、蛋白質同第啲喺細胞質入面嘅重要成分。同真核細胞唔同，細菌嘅細胞質通常冇乜結構係由膜包住嘅，例如真核細胞嘅核、粒線體、葉綠體同第啲細胞器 。但係，有啲細菌喺細胞質度有結合蛋白質嘅細胞器，呢啲細胞器將細菌代謝嘅各個方面區分開嚟，例如羧基體。另外，細菌有細胞骨架去控制蛋白質同核酸喺細胞內嘅定位，同控制細胞分裂嘅過程。