Talk:大五碼

呢個版同個轉跳應該要掉轉

大五碼呢個標題其實係錯嘅，五大碼先至係正名，本來嘅意思係台灣未有國家標準碼之前，權宜做出來，用來支援「五大軟件」嘅內碼（唔記得五大軟件係邊五種，好似後來冇咗件事），所以叫做五大碼；英文名係 Big 5 只係因為中英文文法唔同。

就好似我哋英文講 the Big 5 accounting firms，中文唔會講大五會計師樓一樣。

大五碼呢個名最早出現應該係大陸裔澳洲人開發嘅「南極星」軟件開始用（唔好問我點知），因為大陸人正常唔會用 Big5，寫錯咗都唔知。根本一開始大五碼呢個名就係一個typo。我哋用正體字嘅人唔應該喺呢度都將呢個typo繼續合理化，應該將呢個碼嘅原名正名，唔好用個typo做標題。⸺Al12si (傾偈) 2022年8月22號 (一) 09:19 (UTC)

唔覺得有需要改，「大五碼」始終係常用名，約定俗成廣泛使用，所謂正名「五大碼」反而無乜人用。--Mikedou (傾偈) 2022年8月22號 (一) 11:05 (UTC)

支持按意思改徂渠作“五大碼”。當有三個選項，各有千秋，不妨揀個唔會由於撞名，而令主要搜尋器當內容係維基跨語言抄襲版，而故意忽略咖啦。爾招對雅虎傍必應都有尐效。谷歌反而已經百度化到無位畀人走盞，大家可以用“亂港四人幫”傍“Hong Kong Parliament”做下實驗。--202.141.212.98（討論） 2022年8月22號 (一) 12:36 (UTC)

支持改做五大。——咪用「進行」污染中文，要言簡意賅。　捍匣趕粵以乙者精寫 2023年7月16號 (日) 22:49 (UTC)

約定俗成、廣泛使用、冇需要改，個「正名」喺內文講清楚就得。--WikiCantona (傾偈) 2023年7月25號 (二) 23:42 (UTC)

內文都應該用返約定俗成嘅「大五碼」，無必要標奇立異。 ——Z423X5C6（傾偈） 2023年7月26號 (三) 02:29 (UTC)

如果內文改 ｢大五｣ 我寧願跟日維寫 ｢Big5｣。錯就係錯，並唔係標奇立異。

如果要講標奇立異，點都唔夠 ｢窩打老大學｣、｢杜呂多｣ 等等完全唔跟約定俗成嘅名咁標奇立異。Al12si (傾偈) 2023年7月26號 (三) 03:20 (UTC)

其實香港中諮會用嘅係「大五」碼。而普遍電腦書亦都係用「大五」而非「五大」。另外，直接寫「Big5」碼嘅亦好多，根據啲註腳，資策會本身，同埋多篇論文，通常都係直接寫「Big5」碼。——咪用實際上係錯別字嘅偽本字嚟扠禍粵文。Cangjie6 (傾偈) 2023年7月26號 (三) 05:09 (UTC)

我有啲想知中諮會係幾年開始寫 ｢大五｣；如果係大約2000年左右，佢哋已經被 ｢南極星｣ 影響咗。 Al12si (傾偈) 2023年7月26號 (三) 07:28 (UTC)

「前資訊科技署在一九九九年五月成立中文界面諮詢委員會(中諮會)，就在本港制訂及推廣共通中文界面的各方面事宜」（[1]）——咪用實際上係錯別字嘅偽本字嚟扠禍粵文。Cangjie6 (傾偈) 2023年7月28號 (五) 06:24 (UTC)

不過真係多謝你搵返 ｢五大中文套裝軟體｣，我記憶中係咁，不過要搵返我真係投哂降，我恁連台灣人都唔記得。

如果有乜方法搵埋國喬版五大碼同出字型嘅公司嘅唔同版本（全部唔兼容，Unix 用嘅版本都唔同）真係感謝，而今搵到嘅歷史好多都根本唔啱。我亦唔信海字集（喺五大碼仲有意義嘅時候）係香港通用版本，我之前連海字集都未聽過，如果佢咁好，報館（尤其係用大陸排版軟件嘅報館）冇可能唔用。 Al12si (傾偈) 2023年7月26號 (三) 07:40 (UTC)

PS: 我會認為 ｢所有版本都唔兼容｣ 係啲人唔打 ｢着｣、｢裏｣ 等等字嘅真正原因，因為打呢啲字一定會出亂碼，久而久之，就習慣咗呢啲字打得出都唔用得，變咗冇人用。

就算係報館內部，排版用嘅字，一轉唔同公司嘅字款都會出亂碼，唔好講同辦公室通訊可以用呢嘅字。 Al12si (傾偈) 2023年7月26號 (三) 07:51 (UTC)

有種歪風要糾正下：寫大量內容（尤其是非翻譯者）嗰一至幾位，多數對該課題研究得頗為深入，若果各位毋覺得渠等係收錢辦事嘅，應該畀多尐重視，以鼓勵創作；理科文章嘅結構甚為講究因果順序，而標題往往就係當中嘅第一環；假如只求順耳者多尐考慮自己有無本事令段落與之匹配就好喇。202.68.172.246（討論） 2023年7月26號 (三) 09:51 (UTC)

其實收錢亦唔一定表示乜嘢。我真係有恁過有冇可能寫個 proposal 去加拿大藝術局攞錢，橫掂寫嘅一半都應該算係 Canadian content，不過睇匀哂，都冇咁嘅 program（佢哋講嘅 Canadian content 係指拍片），即係繼續自己嘥自己時間寫。 Al12si (傾偈) 2023年7月26號 (三) 10:03 (UTC)

@Al12si：正如你所講，寫粵文基於講嘢，你去同問個廣東話 Univeristy of Waterloo 嘅同學仔，問佢讀邊間，佢一係話「Waterloo」唔係就係 ｢窩打老大學｣，邊個會講「滑鐵盧大學」？？｢杜呂多｣係應該係舊時譯落嘅，好似 Neil Armstrong，好耐之前譯落杭思朗，所以係有歷史嘅約定俗成。 WikiCantona (傾偈) 2023年7月26號 (三) 21:43 (UTC)

@WikiCantona 呢個問題可以問我自己，我會話依次序係 ｢ Waterloo，粵語簡稱 U Wat，又叫滑鐵盧大學，簡稱滑大，所以有個花名叫滑稽大學｣，我喺嗰度讀嗰陣的確係叫滑鐵盧大學（第一次聽的確覺得好怪，但係慣咗就冇嘢），所以我先話窩打老大學係標奇立異，不過唔肯定而今嘅學生係咪轉咗口，所以冇改文。

我已經被 U Wat 激死咗，唔想再理佢，所以唔會搭車入去做 fact check，唔會特登改好 U Wat 篇文，一般亦唔會再講自己喺嗰度讀過，淨係話係 OCAD 畢業。 Al12si (傾偈) 2023年7月26號 (三) 22:06 (UTC)

PS: 如果 ｢杜呂多｣ 係舊譯名就即係唔適用於 Justin Trudeau，亦即係整到標題用 ｢全名｣ 係多餘。 Al12si (傾偈) 2023年7月26號 (三) 22:21 (UTC)

所以叫佢做「小杜呂多」okay 㗎，好似「小布殊」（George Bush）做名已經得，佢老豆叫「老布殊」，而家用個長名，讀又難，睇又難明。 WikiCantona (傾偈) 2023年7月26號 (三) 22:37 (UTC)

等陣先，英文毋⿰毋系都可以講【N big(gest)…（幾＋量詞（＋最）＋形容詞…）】咩？——咪用「進行」污染中文，要言簡意賅。　捍匣趕粵以乙者精寫 2023年7月26號 (三) 11:00 (UTC)

係，正常係咁，但係變成名唔會咁。例如

加拿大五大銀行 = (the) ^名Big 5 (banks) = ^名詞短語the 5 biggest banks（= the 5 big banks，即係如果第6直頭係細）

加拿大六大銀行 = (the) ^名Big 6 (banks) = ^名詞短語the 6 biggest banks（= the 6 big banks，即係如果第7直頭係細）

當名用唔會講 5 Big、6 Big（當然，作牌子名就點作都得），不過正常講就係 5 big(gest)、6 big(gest)。我唔係做銀行／金融，當初留言係喺網上亂搵例子；而今寫過相關嘅文，有實際例子。 Al12si (傾偈) 2023年7月26號 (三) 17:07 (UTC)

又係咁，明明冇共識。Al12si (傾偈) 2023年7月27號 (四) 16:39 (UTC)

@Al12si：根據以上討論見到整合嘅意見：

整合意見

用戶	大五	五大	Big 5
Al12si	N	Y	Y
Cangjie6	Y	N	Y
捍粵者	N	Y	N
Mikedou	Y	N	N
WikiCantona	Y	N	N
Z423x5c6	Y	N	N

其實，真係唔好扮盲。 ——Z423X5C6（傾偈） 2023年7月28號 (五) 02:37 (UTC)

咁樣叫做共識，仲要用 ｢扮盲｣ 咁嘅字眼；咁叫 gaslighting。 Al12si (傾偈) 2023年7月28號 (五) 02:52 (UTC)

其實我冇明確表態撐或者反「大五」定「五大」。我個人唔堅持去主張要用「大五」、「五大」定「Big5」，只要大家有眞正嘅共識我就跟大隊。「大五碼」的確好普遍，好多講到編碼嘅書都係用「大五碼」，以約定俗成嚟講都已經習非勝是好耐。不過佢出自「五大碼」嘅誤譯（譯上譯），又的確係事實。「Big5碼」唔用中文，不過算係攞個折衷，起碼佢唔係錯譯，同時又常用、約定俗成。算係三者都有理由。——咪用實際上係錯別字嘅偽本字嚟扠禍粵文。Cangjie6 (傾偈) 2023年7月28號 (五) 06:24 (UTC)

• 補充少少，「大五碼」係原題目，亦用咗好耐（呢度同外面世界），如果冇人講，我真係唔知，呢個叫法係「錯」嘅譯法，又知多啲，真係開心，多謝幾位指出。
• P.S. 叫「Big5 碼」我亦算係一個選項，我唔反對。

WikiCantona (傾偈) 2023年7月28號 (五) 09:11 (UTC)

@WikiCantona：見你話「冇需要改」，諗住你係想用返「大五碼」添。 ——Z423X5C6（傾偈） 2023年7月28號 (五) 12:27 (UTC)

係呀。不過有強烈嘅意見，兩邊都唔讓步，第三選項算係一個方法。是但啦，唔改又得，改又得，點都得。 WikiCantona (傾偈) 2023年7月28號 (五) 12:56 (UTC)

既然非搞投票而計討論，即係本人嘅意見都有份量：支持揀「五大碼」（原名或意譯），中立對待「Big5」（正名），反對用「大五碼」（直譯或誤譯）。202.68.172.246（討論） 2023年7月29號 (六) 07:38 (UTC)

@Al12si@Cangjie6@Mikedou@WikiCantona@Z423x5c6@捍粵者︰我見香港政府響提及呢家野事都係用「大五碼」而唔係「五大碼」，連香港中文大學嘅「粵語審音配詞字庫」 都係用「大五碼」嘅字眼，有網站都指出「大五碼」係俗稱，可見「大五碼」更常用，其實「五大」同「大五」都有「Big5」嘅意思，我唔認為係誤譯。而之所以稱之為「大五碼」，《加密‧解謎‧密碼學：從歷史發展到關鍵應用，有趣得不可思議的密碼研究》提到︰「之所以稱為大五碼，是因為此標準是1984年由台灣資策會聯合五個企業來成立的，分別是宏基、神通、大眾、佳佳、零壹。」Akai 博士 (傾偈) 2023年7月30號 (日) 13:09 (UTC)

《漢語俳句短歌短詩　第一集》P.275亦提到係因為同資策會合作嘅企業有五個，先稱之為「大五碼」。原文︰「總而言之當時有幾個單位廠商...很有可能是五個單位吧，所以叫做大五碼...」 Akai 博士 (傾偈) 2023年7月30號 (日) 13:15 (UTC)

@Detective Akai：呢個講法係錯嘅，@Cangjie6寫嘅版本先係啱，不過出處欠奉；我如果識搵出處，一早自己改咗文加埋出處。呢啲有關中文電腦嘅歷史根本冇可能有出處，所有歷史已經被人竄改。我失望嘅係粵維對歷史完全唔尊重。

多謝各位令我失望，幫我踢走喺粵維嘥自己時間嘅習慣。 Al12si (傾偈) 2023年9月15號 (五) 14:48 (UTC)

PS: 統一碼聯盟做中日韓表意文字統一化嗰陣歷史已經開始失傳，所以佢哋講五大碼嘅部分亦都係錯嘅；小林劍講五大碼嘅部分亦都同樣係錯。因為我哋根本冇人寫低啱嘅歷史，連英文出處寫嘅嘢都根本係錯。

@Cangjie6 居然搵到資策會嘅舊資料，根本係 ｢執到｣；你哋唔多謝佢仲不特止，仲要改走啱嘅嘢，跟住仲要同文章破壞者辯護，唔係 gaslighting 真係唔知係乜。 Al12si (傾偈) 2023年9月15號 (五) 17:07 (UTC)