Talk:Penkyamp方案

我覺得呢篇應該同廣東話拼音方案合埋
--唔係話越唔似中文就越似粵文嘅 2007年10月8號 (一) 21:22 (UTC)

同意；而且響文章空間(main namespace)唔應該用子頁(en:WP:SUBPAGE)。* -- :-) Hillgentleman | 書 | 二零零七年十月八號（星期一）格林尼治 21點25分44秒。

而家已经无合并必要

已经响后边注明系(PENKYAMP), 系一套专有嘅方案,而唔系一个普通嘅范畴嘅名词.

反對合拼

反對將呢篇文或者呢段同『廣東話拼音方案』合併，係唔同嘅嘢嚟。--WikiCantona 2008年6月23號 (一) 06:00 (UTC)

成篇根本係原創研究

偶然見到個標題，以為係講廣東話嘅拼音，原來係講一套方案。驟眼睇，有其他語言收錄，又有簡介歷史，睇落好似無問題。不過細心再睇，收錄嘅語言全部都係細語種，中英文都無收；簡介歷史寫嘅係「呢套拼音係由陳獨秀喺1930年代喺廣州推廣嘅拉丁化粵字；同埋中國大陸粵語字典喺1949年之後用嘅拉丁方案發展出嚟。」，代表套方案係將陳獨秀方案混合中國大陸粵語字典方案創作出嚟嘅新方案，究竟邊個發明呢套方案完全無講。睇編輯紀錄，篇文主要內容係由User:Penkyamp去寫，相信佢係呢套方案發明人。再用Google搵，亦搵唔到具學術性嘅網站有對呢套方案嘅介紹。

綜合以上幾點，相信係有人想借粵文維基百科（同其他細語種維基百科）平台去推廣一套未被學術界承認嘅自家拼音方案。我建議一係將呢篇嘢搬到粵文維基學府當佢係自家學術研究，一係索性刪走晒佢。廣東話拼音呢個名，應該係各個主流粵語拼音方案嘅一覽，即係Category:廣東話拼音嘅主文。--Jason6698 (傾偈) 2016年3月28號 (一) 02:00 (UTC)

我對粵語拼音無乜深入研究，對呢篇留唔留暫時無意見，但呢篇霸咗「廣東話拼音」個名明顯唔妥。--Kowlooner (傾偈) 2016年3月28號 (一) 13:18 (UTC)

我個人覺得，讀音研究方面應該搬去粵文維基學府（唔係嘅話維基百科開學府用嚟做乜）。至於篇嘢嘅標題，我認為肯定要改。--WKDx417 (傾偈) 2016年3月29號 (二) 02:50 (UTC)

既然已經有共識呢篇唔應該篇霸咗「廣東話拼音」個名，已經幫手搬文，將廣東話拼音指返去廣東話拼音方案。至於下一步係咪將呢篇搬去粵文維基學府，我無乜所謂--Kowlooner (傾偈) 2016年4月10號 (日) 12:40 (UTC)。

喺en.wp嗰度已經畀刪咗十幾年：en:Wikipedia:Articles for deletion/Penkyamp--Suzukaze-c (傾偈) 2017年3月21號 (二) 09:13 (UTC)

en:Wikipedia:Articles_for_deletion/Penkyampji Suzukaze-c (傾偈) 2017年3月28號 (二) 18:18 (UTC)

呢套嘢根本係個別人士原創，連一本應用嘅字典，或者一個維護佢嘅學術機構都畀唔出。應該要刪。-Cangjie6 (傾偈) 2020年5月22號 (五) 20:34 (UTC)

呢套方法係原創，不過，應該唔係喺呢度原創先，所以用原創為刪嘅理由唔啱。佢喺外面創，學界嘅認同細，甚至唔認同。同出名嘅方法放埋一齊，有商榷嘅地方！不過，呢套嘢係有「輸入軟件」，有啲人用，有啲人講下，噉嘅話，不妨留低。可以將佢拎出Template:廣東話拼音方案個盒。--WikiCantona (傾偈) 2020年5月23號 (六) 00:06 (UTC)

呢頁最初係開文者User:拼音自己嘅分頁，之後俾第二啲維基友搬咗。不如將呢頁userfy咗佢算？SC96 (傾偈) 2020年5月23號 (六) 11:36 (UTC)

有軟體並唔等於有人用。Suzukaze-c (傾偈) 2021年2月28號 (日) 05:24 (UTC)

既然冇其他人用，一直係得發明者即係User:拼音或User:Penkyamp自己用、自己整軟件、自己寫page，係噉應該userfy咗佢先啱。Cangjie6 (傾偈) 2021年2月28號 (日) 16:50 (UTC)

我啱啱又覺得呢句「陳獨秀」咩嘢咩嘢非常唔對路，所以又調查咗，結果佢係1993年嘅（自 1993 年起（PENKYAMP创始同年）；PENKYAMP 为 1993 年广州"粤兴会"(广东语言兴趣会)所订方案），都係（用戶名）Penkyamp嘅發言。 Fish bowl (傾偈) 2023年12月17號 (日) 02:37 (UTC)