Wikipedia:是日正文/2016年4月

大明國地圖

大明，又叫大明國，亦叫明，或者明國，係中國史上一個國。以斷代史來睇，叫明代或者明朝，係最尾一個由唐人建嘅正統朝代。開國皇帝朱元璋推翻元朝，破各地羣雄，喺公元1368年建立。初都南京，佢個仔朱棣將京城搬去北京。

大明初年國力強盛，後尾國力漸落，到後期百姓生活每況愈下，社會唔穩定，引致大規模嘅農民動亂。公元1644年，李自成攻佔北京，崇禎帝自縊，立大順國。大明變到羣龍無首，朝臣來到南方，另推朱氏皇帝，後人叫呢段時間做南明，即係大明、大順同大清三國分立。最後大清滅大順，1662年再全滅大明。

大明國祚，由一三六八年，計到一六六二年，永曆帝朱由榔死爲止。斷代史計，明朝只去到一六四四年，思宗朱由檢自縊爲止。(成篇文章……)

以前嘅正文： 神戶 – 格林尼治 – 中國人民解放軍駐香港部隊