Wikipedia:是日正文/2018年10月
2016年東亞寒流係2016年1月下旬嘅寒流，由於北極震蕩出現，東亞各個地區同東南亞部分地區出現寒流，影響嗮成個中國大陸、香港、澳門、臺灣、南韓、北韓、日本，重有東南亞嘅越南北邊、泰國北邊同老撾出現極端低溫現象。
呢次寒流主要由北極震蕩而引起。2015年底出現咗史上最強嘅厄爾尼諾現象，全球各地出現升溫情況。當年聖誕節，唔單止南半球，甚至連北半球出現咗好暖嘅氣溫現象，連2016年元旦過後都唔例外，但隨後成半個地球出現極端寒潮現象。
2015年12月，喺大西洋形成嘅颶風一路向北推進，帶咗好多從低氣壓地區嚟嘅暖空氣。呢條暖流穿過英倫、美國同冰島，好快脆到咗比較凍嘅北極地區上空，重猛咁唔停噉向北極地區推進，嗰時北極地區氣溫從-30℃升到1℃。雖然得好短時間出現，但由於入侵咗好多暖空氣，原先穩定嘅極地漩渦開始分裂，形成咗好多條南下嘅寒流。當中包括咗呢條東亞寒流。 (成篇文章……)
以前嘅正文： 橫渡珠江 – 苗劉兵變 – 第4屆烏克蘭總統選舉