世運花園

世運花園（英文：Olympic Garden）係香港其中一個公園同花園，俗稱世運公園。

世運花園

圖案花壇，有五環同火炬

世運花園中、英及泰文告示

佢喺九龍城南馬頭圍左近，舊時啟德機場對面，亞皆老街、太子道同馬頭涌道交界，九龍城迴旋處內。

世運即世界運動會，舊時華人叫奧林匹克運動會做世界運動會，同現時世界運動會無關。公園紀念一九六四年東京奧運會，8月奧運聖火途經香港。公園由此而名，附近亦有世運道。

一九七二年四月二十五號，公園上方起咗條天橋，駁住亞皆老街同太子道東、西。花園變咗喺天橋底。

公園經歷重建，面目全非。重建前，公園花壇有奧林匹克五環及火炬圖案。重建後已經無咗。

地底有幾條隧道連接九龍城、馬頭圍同宋王台。

歷史

1964年夏季奧林匹克運動會聖火響希臘採集過之後，運去主辦地東京途中，響同年8月路經香港傳遞，係香港歷史上第一次迎嚟奧運聖火。香港政府為咗紀念呢項盛事，將九龍城啟德機場附近一個迴旋處公園改名做世運公園，仲將附近嘅街道改名做世運道。世運係當時香港對奧林匹克運動會嘅俗稱，同世界運動會冇關係。

一九七零年十二月四號，時任教宗保祿六世訪問香港，港府派開篷跑車接載教宗，當教宗離開啟德機場時，唔少市民都聚集響世運花園迎接教宗。

二零一二年十一月二十六號，康樂及文化事務署宣布世運花園由即日去到二零一六年十二月三十號關閉，以配合港鐵沙中線興建工程。宋皇臺站B出口通道穿過公園下面。

二零一九年三月二十八號，根據九龍城區議會文娛康樂及地區設施管理委員會嘅文件，預計交付日期原本應該喺二零一九年六月三十號。但由於宋皇臺站相關工程延誤，世運花園延至二零一九年九月先正式重開。

港鐵工程團隊為重置後嘅世運花園，增添咗長者健體設施同兒童遊樂設施，為居民提供更舒適嘅休憩空間。

• 
• 

公共交通

港鐵屯馬綫宋皇臺站B1出口。

城巴20線，來往大角咀（維港灣）至啟德（天寰）。

城巴22線，來往九龍塘又一城至啟德郵輪碼頭。

城巴22M線，來往九龍城至啟德郵輪碼頭（循環線）。