俟母

俟母（粵拼：zi6 mou5；中古漢語拼音：zsrix），係中古漢語聲母，屬齒音中嘅正齒音，屬莊組，係全濁聲母。喺後世佢同常母合流成禪母，因爲佢喺韻圖二等，所以叫禪二（sim4 ji6）。

擬音

學界對俟母嘅擬音分兩派，一派擬成捲脷音，擬成/ʐ/，一派擬成舌葉音，擬成/ʒ/。

對上古音嘅研究，有個定論叫照二歸精，意思係話俟母來源自邪母，喺上古音佢係/z/噉樣嘅音，後來因爲介音因素，佢演變成捲脷或舌葉音。

俟母喺粵語變成z。俟母喺古音只有兩個小韻，字好少，個別字喺現代粵語有特殊嘅發音。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅z聲母來源自中古音嘅知、澄、從、章、莊、精、俟、邪、崇九母。

俟母喺吳語歸入邪母，對應嘅吳拼係z。

喺普通話對應嘅音係ch或者s。

吳音讀ざ行，漢音讀さ行。