常母

常母（粵拼：soeng4 mou5；中古漢語拼音：zjang），係中古漢語聲母，屬齒音中嘅正齒音，屬章組，係全濁聲母。喺後世佢同俟母合流成禪母，因爲喺韻圖三等，所以叫禪三（sim4 saam1），因爲俟母字少，大部分禪母字都係常母字，所以啲人直接嗌常母做禪母（sim4 mou5）。

擬音編輯

擬音有兩派，一派擬爲/d͡ʑ/，一派擬爲/ʑ/，呢兩派喺擬船母時啱好調轉。

喺上古音研究，有個定論叫照三歸知，意思係話常母來源自知組（端組），係個類似/d/嘅音。

常母喺粵語清化，演變成s，聲調喺陽聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅s聲母來源自中古音嘅心、崇、生、常、書、船、邪七母。

常母喺吳語歸入邪母，讀z。

常母喺普通話清化，仄聲讀sh，；平聲多數係ch，少數係sh。

吳音讀ざ行，漢音讀さ行。