昌母

昌母（粵拼：coeng1 mou5；中古漢語拼音：chjang），係中古漢語聲母，屬齒音中嘅正齒音，屬章組，係次清聲母。喺後世佢同初母合併成穿母，因爲喺韻圖三等，所以叫做穿三（cyun1 saam1）。

擬音

學界一致擬成/t͡ɕʰ/。

喺上古音研究，有個定論叫照三歸知，意思係話昌母來源自知組（端組），係個類似/tʰ/嘅音。

昌母喺現代粵語演變成c，聲調喺陰聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅c來源自中古音嘅徹、澄、從、清、初、昌、邪、崇八母。

對於可以區分平捲脷嘅粵語，昌母屬捲脷音，如吳川話，昌母發[t͡sʰ]；梧州話，昌母發[t͡ɕʰ]。成個粵語，平捲分法係濟南型。

昌母喺吳語歸入清母，對應嘅吳拼係tsh。

喺普通話，昌母捲脷，讀ch。

無論吳音漢音，都讀さ行。