心母

心母（粵拼：sam1 mou5；中古漢語拼音：sim），係中古漢語聲母，屬齒音中嘅齒頭音，屬精組，係全清聲母。

擬音編輯

因爲大多數嘅漢語、域外方音、對音中，心母大多發/s/，所以學界一致擬爲/s/。

大部分學者都認爲心母字來自上古音嘅/s/音，呢個音喺上古音到中古音嘅演變好穩定。

心母喺標準粵語維持古音，聲調上派陰聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅s聲母來源自中古音嘅心、崇、生、常、書、船、邪七母。

對於可以區分平捲脷嘅粵語，心母屬平脷音，如吳川話，心母發lh／[ɬ]，同捲脷嘅s／[s]相對；喺梧州話，心母發s／[s]，同sh／[ɕ]相對。成個粵語，平捲分法係濟南型。

心母喺吳語維持古音，對應嘅吳拼係s。標準吳語分尖團音，心母屬尖音。

普通話嘅心母分洪細，唔分尖團，洪音維持古音，對應嘅普拼係s，細音舌面化，對應嘅普拼係x。

無論吳音漢音，都讀さ行。