見母

見母（粵拼：gin3 mou5；中古漢語拼音：kenh）係中古漢語聲母，屬牙音，係全清聲母。呢個聲母可以接四個等嘅韻母，都有開合之分。

擬音編輯

因爲大多數嘅漢語、域外方音、對音中，見母大多發/k/，所以學界一致同意將佢擬音爲/k/。

大部分學者都認爲見母字來自上古音嘅/k/音，呢個音喺上古音到中古音嘅演變好穩定。具體來源，鄭張尚芳、潘悟雲、蒲立本等學者認爲見母合口來自[kʷ]。另外好多見母字同來母字諧聲，所以學者認爲可能有類似[kl]、[kr]之類嘅複輔音。

見母喺粵語基本上維持古音，對應嘅粵拼係g，合口字會變gw，喺聲調上，見母字派入陰聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語嘅g、gw聲母都來源自中古音嘅見、群二母。

喺吳語，見母字要分洪細，洪音見母維持古音，對應嘅吳拼係k，細音見母顎化成舌面音，對應嘅吳拼係c。

普通話同吳語一樣，要分洪細音，洪音見母維持古音，對應嘅普拼係g，細音見母顎化，對應嘅普拼係j。

無論吳音漢音，都讀か行。

同粵語一樣，讀c、k、qu。少部分字濁化、顎化，讀gi。聲調派陰聲調。