邪母

邪母（粵拼：ce4 mou5；中古漢語拼音：zsia），係中古漢語聲母，屬齒音中嘅齒頭音，屬精組，係全濁聲母。

擬音編輯

因爲大多數嘅漢語、域外方音、對音中，邪母大多發/z/，所以學界一致擬爲/z/。

大部分學者都認爲邪母字來自上古音嘅/z/音，呢個音喺上古音到中古音嘅演變好穩定。

邪母喺粵語清化，有啲塞擦化咗，同從母撈埋，分化成z、c、s，聲調派陽聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅c聲母來源自中古音嘅徹、澄、從、清、初、昌、邪、崇八母，z聲母來源自中古音嘅知、澄、從、章、莊、精、俟、邪、崇九母，s聲母來源自中古音嘅心、崇、生、常、書、船、邪七母。

邪母喺吳語維持古音，對應嘅吳拼係z。標準吳語分尖團音，邪母屬尖音。

邪母喺普通話清化，同心母一樣分洪細，唔分尖團，洪音對應嘅普拼係s，細音對應嘅普拼係x。極少數字變成c（洪）同q（細）。

同從母一樣，吳音讀ざ行，漢音讀さ行。