朝鮮民主主義人民共和國

朝鮮民主主義人民共和國
諺文	조선민주주의인민공화국
朝鮮漢字	朝鮮民主主義人民共和國
文觀部式	Joseon Minjujuwi Inmin Gunghwaguk
馬-賴式	Chosŏn Minjuchuŭi Inmin Konghwakuk

朝鮮民主主義人民共和國; 조선민주주의인민공화국（朝鮮文）
通稱：朝鮮／北朝鮮／北韓
旗	徽
	格言：「強盛大國」（강성대국）
	國歌：《愛國歌 (北韓)》
屬地（實轄）
	幅員國土：120,538平方公里（世界第98名） ; 水域：0.11% ;
首都	平壤
中央政府; 所在地	平壤
最大城市	平壤
至高地	長白山
至長河	鴨綠江
至大湖	長津湖
海岸線長	2,496公里
時區	平壤時間：UTC+9
國民
人數	以下係2024嘅估計數字人數： 26,298,666（世界第54名） ; 人口密度：218人/km2（世界第45名） ;
官方語言	朝鮮語
官方文字	韓文
民族	朝鮮族
曆法	公曆、農曆、主體紀元
主要節日	元旦、春節、太陽節、光明星節
行車方向	靠右行駛
	家用電源電壓：220V ; 插座：C、E ; 頻率：60Hz ;
政制
國家憲法	《朝鮮民主主義人民共和國社會主義憲法》
國家結構形式	單一制
國家政權	最高人民會議; 朝鮮國務委員會
政制	單一制一黨專政嘅社會主義共和國（法理上）、獨裁統治下嘅世襲制極權國家（事實上）
法律體系	歐陸法系
	主要領袖最高領袖（朝鮮勞動黨總書記）：金正恩; 國家元首（國務委員會委員長）：金正恩; 政府代表（最高人民會議常任委員長）：崔龍海; 政府首腦（內閣總理）：金德訓;
	其他領袖（一黨執政、金日成家族世襲專政）國務委員會（第一副委員長）：崔龍海; 國務委員會（副委員長）：朴奉珠; 最高人民會議（議長）：朴泰成;
經濟
	GDP（購買力平價）以下係2015年嘅估計數字總計：$400億（第139名）; 人均：$1,700（第184名）;
	GDP（國際匯率）以下係2022年嘅估計數字總計：$151.76億（第137名）; 人均：$590;
	HDI 以下係2016年嘅估計數字 0.564（第195名）－中;
中央銀行	朝鮮民主主義人民共和國中央銀行
貨幣	朝鮮圓（KPW，₩）
資訊
	立國歷史立國日期：1948年9月9號; 立國事件：朝鮮民主主義人民共和國成立;
國家象徵	國父：金日成; 國花：迎紅杜鵑（金達萊）
國家代碼	PRK/DPRK
國際域名縮寫	.kp
國際電話區號	+850
現役軍人數	1,200,000（第5名）

朝鮮民主主義人民共和國（粵拼：ciu4 sin1 man4 zyu2 zyu2 ji6 jan4 man4 gung6 wo4 gwok3）（朝鮮本讀焦仙或椒仙^[5]；朝鮮文：조선민주주의인민공화국／朝鮮民主主義人民共和國^{Chosŏn Minju-chuŭi Inmin Konghwakuk}），簡稱朝鮮（조선/朝鮮^Chosŏn），係東北亞朝鮮半島北部一個國。佢嘅首都同最大城市都係平壤。國北同中國為鄰，以鴨綠江為界；東北同俄羅斯為鄰，以圖們江（朝鮮同韓國稱佢係豆滿江）為界；南同大韓民國為鄰，以三八線為界。東面係日本海，西面係黃海。

朝鮮歷史系列
前史	櫛文土器時代無文土器時代
古朝鮮前2333年─前108年	衞滿朝鮮前194年─前108年
原三國前300年─前57年	三韓			辰國	東濊	沃沮	扶餘	高句麗
原三國前300年─前57年	馬韓	弁韓	辰韓	辰國	東濊	沃沮	扶餘	高句麗
三國前57年──668年		伽倻 42年──562年	百濟前18年──660年		高句麗前37年──668年
三國前57年──668年	新羅前57年──935年		百濟前18年──660年		高句麗前37年──668年
南北國 698年──926年	統一新羅 668年──935年				渤海國 698年──926年
後三國 892年──936年	後高句麗後百濟新羅
高麗朝 918年──1392年
朝鮮朝 1392年──1897年
大韓帝國 1897年──1910年
日殖時期 1910年──1945年臨時政府 1919年──1948年
南北分治 1945年至今
北朝鮮				南韓
睇 • 論 • 改 • 歷

呢個國家嗌自己做「朝鮮」。中華人民共和國喺1949年10月6同北韓建交嗰陣，叫佢做「朝鮮」，而南韓叫「南朝鮮」。當時中華人民共和國同北韓係同一陣營，而美國同大韓民國、日本等地係另一陣營。現時以中立立場，南面大韓民國簡稱「韓國」或者「南韓」，響北面嘅朝鮮民主主義人民共和國簡稱做「朝鮮」或者「北朝鮮」（bak1 ciu4 sin1^[5]；북조선/北朝鮮^Pukchosŏn）。「北朝鮮」嘅名喺中國大陸、日本常用，而南韓、港澳臺就習慣用「北韓」（bak1 hon4；북한/北韓^Bukhan），此外越南習慣直接用「朝鮮」。而喺兩廣嘅粵語區，北韓同北朝鮮、朝鮮呢三個用語都有人用。

由1945年建國到而家都係俾金氏政權世襲嘅朝鮮勞動黨統治，喺國際上非常之孤立。而家阿頭係金正恩，做緊朝鮮勞動黨委員長同國務委員會委員長，有共和國元帥軍銜，係最後生嘅非君主制國家領導人之一。

國名

1392年，李成桂喺松京（今開城）壽昌宮正式登基，準備咗兩個新國號「朝鮮」（古朝鮮國名）同「和寧」（成桂阿爸李子春發跡嘅地方），奏請明太祖朱元璋決定，朱元璋圈定朝鮮呢兩個字，意思係「清晨之國」、「朝日鮮明之國」，於是李成桂改用國名「朝鮮」。根據《東國輿地勝覽》（1481年）記載，「國在東方，先受朝日之光輝，故名朝鮮。」^[6]

中華人民共和國政府將朝鮮民主主義人民共和國簡稱「朝鮮」^[7]，而中華民國政府、香港、澳門以及其他華人就習慣叫佢做「北韓」。

讀音

國語：（拼音）Cháoxiǎn、（注音）ㄔㄠˊ ㄒㄧㄢˇ。
粵語（廣東話）：港澳一般叫「北韓」。大陸多數人會用朝鮮；新生代讀音同「潮鮮」（ciu4 sin1），舊輩讀音同「招鮮」。

政治

北韓由朝鮮勞動黨一黨執政，最高領導人係總書記。北韓喺1998年修改憲法，唔再設國家主席一職（永遠由已故主席金日成保留），撤銷原本係國家權力最高領導機關嘅中央人民委員會。內閣而家係國家最高權力嘅行政執行機關，由總理領導，任期5年，政府各部變咗做內閣各省。最高軍事權力機關係朝鮮勞動黨中央軍事委員會，最高權力機構係國務委員會，由最高人民會議選舉產生，最高人民會議常任委員會委員長係北韓對外嘅國家代表。

政區

北韓全國劃分為9個道（도）、2個直轄市（직할시）、同3個特區：

平壤市（평양시）
羅先市（라선시）
開城工業地區（개성공업지구）
金剛山觀光地區（금강산관광지구）
新義州特別行政區（신의주특별행정구）
慈江道（자강도）
咸鏡北道（함경북도）
咸鏡南道（함경남도）
黃海北道（황해북도）
黃海南道（황해남도）
江原道（강원도）
平安北道（평안북도）
平安南道（평안남도）
兩江道（량강도）

地理

朝鮮半島從亞洲大陸向南延伸大約1,100公里，西面有黃海同朝鮮灣，東部臨日本海（個名重有爭議，朝鮮人稱為東海），南部就有朝鮮海峽（對馬海峽）同埋東中國海（朝鮮人稱為南海）。北部多為山區，東北地區好多深狹嘅山谷，而海岸平原大部分都喺西部地區。北韓最高峰係白頭山，海拔2,744米。主要河流就有分割朝中邊界嘅鴨綠江同埋圖們江。

北韓屬於溫帶季風氣候，夏天嘅雨季降雨都叫多，冬天就好凍。北韓而家最大城市係首都平壤。

商業

朝鮮嘅商業差唔多全部由國家控制。商店分咗做便民店、國營店同埋外匯商店。外匯商店賣各種進口嘅商品，多數嚟自中國，好似食物、傢私、電器等。外匯商店只係收美元、歐元同人民幣三種貨幣。經濟改革後，外匯商店由原本用美元標價改咗做歐元，但重可以用美元。外國人喺朝鮮用朝鮮圓，要出示外匯兌換證明。朝鮮嘅國營商店賣嘅全部都係本國產品，但係成日冇貨。朝鮮便民店嘅嘢多數都係由中國進口。喺朝鮮，喺便民店以外嘅商店買嘢嘅人好少。

網絡通訊

2000年，朝鮮整咗個覆蓋全國，面向國內普通老百姓嘅電腦網絡，稱為「光明網」。但係電腦喺朝鮮嘅普及率好低，有冇成效係一個疑問。

但近年朝鮮政府大力推廣，朝鮮嘅中小學校、少年宮、大專院校、政府機關、工廠同圖書館入面都提供大量自行開發、朝鮮文嘅作業系統畀民眾隨便用。

電話區碼

國碼：850
- 平壤：02
- 清津：73
- 羅先：08
- 平壤外交機構：19
流動電話（Mobile）用緊GSM流動通訊制式。
- 朝鮮用7位數字嘅流動電話號碼，好似：193 XXXX

旅遊

去朝鮮旅遊要有官方導遊陪同。朝鮮為防範外國間諜從事破壞活動，未經允許唔畀任意遊覽、影相或者向朝鮮人散發任何嘢。朝鮮向南韓開闢金剛山觀光特區做遊覽地。

參考

Made in North Korea 朝鮮民主主義人民共和國國立金日成綜合大學

註

↑ ^1.0 ^1.1 ^1.2 "Korea, North". CIA.gov. Central Intelligence Agency. 喺2024-06-25搵到.{{cite web}}: CS1 maint: url-status (link)
↑ ^2.0 ^2.1 ^2.2 "Electric Current Information for Korea, North". The International Trade Administration. 原著喺2013-06-25歸檔. 喺2013-06-22搵到.
↑ "United Nations Statistics Division - National Accounts". unstats.un.org. 原先內容歸檔喺2024-06-13. 喺2024-06-25搵到.
↑ [1], United Nations Statistics Division.
↑ ^5.0 ^5.1 家下好多人讀成「潮仙」，其實「朝鮮」個名源自「朝日鮮明之國」，解做早晨，《康熙字典》解：「（朝）《唐韻》《廣韻》《集韻》《類篇》《韻會》陟遙切，音昭。……又朝鮮，國名。」「（鮮）《唐韻》《集韻》《韻會》相然切，音仙。……又國名。《後漢·東夷傳》昔箕子避地朝鮮。」。普通話「朝」字讀成陽平，「鮮」字亦變成上聲，係普通話自身嘅特殊讀法。
↑ 〈「朝鮮」的由來〉。原著喺2008年12月2號歸檔。喺2010年6月21號搵到。
↑ （中文）中華人民共和國外交部 (2006年2月28號)。〈雙邊關係〉。原著喺2007年10月14號歸檔。喺2007年3月16號搵到。

出面網頁

〈国家概况 — 中华人民共和国外交部〉 (簡體中文)。中華人民共和國外交部。
〈朝鮮民主主義人民共和國 Democratic People's Republic of Korea - 亞太地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
"North Korea - United States Department of State" (英文). 美國國務院.
朝鮮民主主義人民共和國喺中央情報局《世界概況》嘅資料（英文）
〈北朝鮮｜外務省〉 (日文)。日本外務省（日文：外務省）。
"Democratic People's Republic of Korea (North Korea) - Department of Foreign Affairs and Trade" (英文). 澳洲外交貿易部（英文：Department of Foreign Affairs and Trade (Australia)）.

[CIA-1] 1.0 ^1.1 ^1.2 "Korea, North". CIA.gov. Central Intelligence Agency. 喺2024-06-25搵到.{{cite web}}: CS1 maint: url-status (link)

[ElectricNK-2] 2.0 ^2.1 ^2.2 "Electric Current Information for Korea, North". The International Trade Administration. 原著喺2013-06-25歸檔. 喺2013-06-22搵到.

[UN-3] "United Nations Statistics Division - National Accounts". unstats.un.org. 原先內容歸檔喺2024-06-13. 喺2024-06-25搵到.

[4] [1], United Nations Statistics Division.

[朝鮮-5] 5.0 ^5.1 家下好多人讀成「潮仙」，其實「朝鮮」個名源自「朝日鮮明之國」，解做早晨，《康熙字典》解：「（朝）《唐韻》《廣韻》《集韻》《類篇》《韻會》陟遙切，音昭。……又朝鮮，國名。」「（鮮）《唐韻》《集韻》《韻會》相然切，音仙。……又國名。《後漢·東夷傳》昔箕子避地朝鮮。」。普通話「朝」字讀成陽平，「鮮」字亦變成上聲，係普通話自身嘅特殊讀法。

[r1-6] 〈「朝鮮」的由來〉。原著喺2008年12月2號歸檔。喺2010年6月21號搵到。

[r2-7] （中文）中華人民共和國外交部 (2006年2月28號)。〈雙邊關係〉。原著喺2007年10月14號歸檔。喺2007年3月16號搵到。

[5]

[1]

[2]

[3]

[4]

[6]

[7]