大埔海

大埔海，香港內海，喺新界東北，大埔側邊，古稱大步海，英文寫做Tai Po Hoi。英文又名Tolo Harbour，轉寫為吐露港，或舊圖沱羅港、陀羅港。對住大埔，故此稱做大埔海。大埔海南邊係沙田海，東邊係有赤門同船灣出大鵬灣，通出南海。大埔海東面，同船灣海相隔個沙洲，即今三門仔新村同馬屎洲，靠赤門通。

九肚山望出大埔海

北大刀岃望出大埔海

馬鞍山望落大埔海。左為沙田海。

舊時大埔海嘅艇戶

大埔海東面有丫洲。

史

古名大步，亦有大埗之意。埗即埠。古時大埔海出珍珠，為媚川都之下。後來碗窰出磁器，都以水路運送。

大埔舊墟天后廟原本喺大埔海邊

大清時大埔海邊有大埔頭墟，即今大埔舊墟。而墟北海邊有大埔頭汛，駐兵十五人，離新安縣城六十里東。