文化翻譯
呢篇文 需要熟悉呢方面嘅人幫手寫。 |
文化翻譯（粵拼：man4 faa3 faan1 jik6）係指做翻譯嗰陣，唔只確保最後成品係受眾聽得明睇得明嘅，仲要尊重來源語言同目標語言之間嘅文化差異。不過到咗廿一世紀初，具體嚟講點先算係「尊重文化差異」都仲有一定嘅爭議性。
一位翻譯員可以當係扮演「文化橋樑」嘅角色：例如想像有位翻譯員要將英文嘢（電影或者文學作品等）譯做粵文，佢熟識英語同粵語呢兩種語言，理解晒英文原文係咩意思，然後按照佢對粵藉華人嘅理解嚟做翻譯，途中佢要知粵藉華人（例如）傾向有啲乜嘢背景知識。
文化背景
編輯版本 名 美國 Cinderalla 香港 仙履奇緣（粵拼：sin1 lei5 kei4 jyun4）
——美國原版套戲，戲名係主角個名，要直譯嘅話可作（例如）仙迪里拉。問題係《灰姑娘》呢個童話故事喺廿世紀嘅歐美廣為人知，但係喺同期嘅粵港澳地區，好多人都從來未聽過個故仔（背景知識嘅問題），所以翻譯員就好可能會想搵返個（由粵港澳地區嘅人睇）比較「有意思」嘅名——履呢隻漢字係指鞋，而奇緣就可以帶出套戲個故仔有浪漫成份。
有關呢方面嘅問題，可以睇睇香港點樣譯歐美電影嘅戲名——香港被指譯戲名嗰陣成日都會加入「本地元素」，例如《Toy Story》（字面意思係玩具故事）佢哋譯做《反斗奇兵》，又或者係《Up》（字面意思係上或者向上）佢哋譯做《沖天救兵》... 呀噉[1]。
語用考量
編輯睇埋：語用學
唔同語言用意思嘅方式都唔同。舉例說明，例如日本話就有個用法，
句嘢字面譯，可作粵文呢樣嘢有啲...或者呢嚿嘢有啲...噉嘅語句，但係喺實際語用上，呢句嘢好多時都係用嚟婉轉噉表達自己「唔係好鍾意」講緊嗰樣嘢，所以亦有唔少人會將句嘢譯做我唔多鍾意呢件嘢或者類似嘅句子。
睇埋
編輯引述
編輯- ↑ 1.0 1.1 （香港繁體） 電影譯名能體驗本土香港文化？
- ↑ （中文） #日字控011：Chotto 等等
- ↑ ちょっと (chotto)