想搵城巴嘅「機場快線」嘅話,請睇城巴機場快線
  「機場快線」跳轉到呢度。有關多倫多嘅機場快線,請睇「機場快線 (多倫多)」。

機場快綫(成日俾人叫做機場鐵路,簡稱機鐵,英文叫做Airport Express)係香港鐵路有限公司營運嘅鐵路線,連接香港中西區中環香港站,同香港新界離島區赤鱲角亞洲國際博覽館博覽館站之間,屬於機場聯絡軌道系統。由於呢條線連接咗赤鱲角香港國際機場,並以特快形式運行,所以有呢個名。

機場快綫
Airport Express
機場快綫博覽館站
機場快綫博覽館站

機場快綫博覽館站

5(唔包括通過站)
簡稱 AEL
類別 機場聯絡軌道系統
長度 35.2公里
地區 中西區油尖旺深水埗葵青荃灣離島
通車日期 1998年7月6號
電化模式 1500伏特直流電
軌距 1432毫米
雙線區間 全綫
九龍站青衣站,以及欣澳站一段實際同東涌綫總共有雙向4線,機場快綫用入面嗰兩條線)
香港站到九龍站、青衣站到欣澳站,重有欣澳站到小濠灣車廠,就同東涌綫共用)
閉塞方式 車內訊號閉塞式(ATP
營運最高速度 每小時135公里
用車 Adtranz-CAF電動列車(A-Train)
機場快綫喺欣澳站用獨立路軌(圖中兩條)
機場快綫香港站市區預辦登機大堂
機場快綫機場站

概要 編輯

機場鐵路 編輯

機場鐵路工程係香港機場核心計劃之一,為香港國際機場同後勤區(即係北大嶼山新市鎮)興建連接九龍香港島嘅快速鐵路。工程總共起兩條線,即係機場快綫同埋東涌綫。部分路段由兩條綫共用兩條來回方向嘅路軌,其他路段就總共有四條路軌。

機場快綫 編輯

機場快綫係連接香港國際機場同埋香港商業中心區嘅快捷交通工具,亦係全球其中一條機場鐵路。機場快綫全長35.3公里,旅客由赤鱲角機場中環市中心約需24分鐘。

呢條線由香港站開始,經過九龍半島西部嘅油尖旺區新界南面嘅葵青區,連接到位於大嶼山赤鱲角香港國際機場,最後去到博覽館站。喺1998年7月6號通車,係香港第一條往返機場至市區嘅鐵路線。自從博覽館站喺2005年12月20號啟用之後,機場快綫就有5個車站,當中有3個係轉車站(喺青衣站九龍站同埋香港站都可以轉東涌綫,當中香港站連接中環站而可以轉乘荃灣綫港島綫)。香港站同九龍站係地底車站,青衣站同埋機場站係架空車站,而博覽館站係地面車站。機場快綫車站多數都設有市區預辦登機服務等等。機場快綫喺路線圖上以藍綠色代表。

此外,機場快綫亦都係參選者同埋參展商前往亞洲國際博覽館嘅其中一個途徑。由機場去博覽館站只需1分鐘;由博覽館站去市中心約需28分鐘。

路線圖 編輯

 
港鐵機場快綫同東涌綫路線圖(按真實地形繪畫)

歷史 編輯

1980年代尾,當時嘅港督衛奕信決定喺大嶼山嘅赤鱲角起新機場同多項配套工程,其中包括機場鐵路,組成香港機場核心計劃,取代已經飽和嘅啟德機場。當時政府邀請地鐵公司負責起大嶼山機場鐵路,以連接新機場同埋市區。但因為當時中華人民共和國政府對機場核心計劃嘅造價(尤其係機場鐵路)同英國政府出現嚴重分歧,英方要作出多項讓步(包括機場鐵路由原本嘅四軌設計改為雙軌設計)先可以達成協議。最後機場鐵路成為兩條地鐵路線,分別係東涌綫同埋機場快綫。機場快綫喺1998年7月6號連同新香港國際機場一齊啟用,通車初期設有6卡載客車卡同1卡行李車卡。因應博覽館站啟用,由2005年年底開始改為7卡載客車卡同1卡行李車卡。

位於機場東北面嘅亞洲國際博覽館喺2005年12月20日啟用,地鐵機場快綫亦喺當日伸延至新起好嘅博覽館站,該站位於赤鱲角北面,原本係機場快綫嘅掉頭月台,因亞洲國際博覽館工程而進行改建。

特色 編輯

港鐵其他營運嘅路線唔同,機場快綫並唔係一條通勤鐵路線。佢嘅主要作用係運載乘客往來市區同機場同埋亞洲國際博覽館。搭機場快綫嘅旅客,可以選擇喺香港站九龍站先行辦理登機並行李寄艙手續(搭往來美國嘅航班冇預辦登機服務),而唔使喺機場再搞。而機場快綫喺香港站至九龍站、青衣站欣澳站同欣澳站至近小蠔灣車廠嘅一段同東涌綫列車共用部份路段,但當列車駛入車站,就會用返自己嘅月台。

機場快綫嘅收費模式同其他港鐵路線唔同。由於政府規定經營機場快綫需要自負盈虧唔可以由其他路綫收入補貼,因此收費系統同其餘港鐵系統分開,收費比港鐵其他路綫貴,由其他綫轉乘(或者調返轉)都要出入閘。大人(包括12-25歲全日制學生同65歲或以上長者)都要買成人車飛,3-11歲小童就可以買優惠車飛[1](港鐵設有全日制學生優惠;東鐵綫往返羅湖落馬洲站全程就不設全日制學生優惠。),但係有時都會做吓票價優惠吸引人嚟搭,例如小童用八達通免費或者長者用八達通半價。

機場站係冇閘機,以方便旅客喺機場站落車之後,直接前往機場離境大堂,車費喺市區車站或辦理預辦登機手續嗰時畀;由入境大堂亦可以直接搭機場快綫列車去市區,喺市區車站先至畀車費。

至於來往博覽館站,就與一般搭港鐵嘅方式大同小異(因為博覽館站有閘機),由市區車站入閘嘅乘客,由於已經喺市區車站畀晒車費,去到博覽館站出閘就唔會再扣錢,不過由於機場站冇閘機,由機場去博覽館站嘅乘客就要喺博覽館站出閘嗰時畀車費。而由博覽館站入閘嘅乘客會先扣除往來機場嘅車費,若果乘客喺市區落車,在出閘嗰時會先回贈原先博覽館至機場嘅車費先至扣返博覽館站至市區車站嘅車費。以八達通乘坐搭機場快綫嘅乘客,可以享有免費轉乘其他港鐵支線嘅優惠(東鐵綫頭等、輕鐵港鐵巴士及港鐵接駁巴士除外)。

一般乘客亦可以喺星期一至六(唔包括公眾假期)朝早07:00-10:00搭機場快綫單向由青衣站九龍站香港站,只需要喺青衣站或九龍站嘅客務中心(位於2號由機場開出嘅列車月台旁邊)買價值HK$20嘅車票就得。

配合亞洲國際博覽館喺2005年12月啟用,機場快綫由2005年12月20號起延長至當日啟用嘅博覽館站,提供亞洲國際博覽館通勤市區嘅角色。地鐵公司喺2005年10月10號正式公佈,博覽館站嘅收費同機場站一樣(由香港站、九龍站同青衣站去博覽館站嘅單程收費為HK$100、HK$90同HK$60),機場站至博覽館站嘅收費係HK$5。

港鐵會為即日來回博覽館站嘅乘客提供回程半價優惠,乘客以八達通由市區前往博覽館,只需要喺館內逗留最少個半鐘,並喺同一日搭機場快綫返市區,就有折扣,往返青衣站同博覽館站嘅即日來回車費係HK$42(單程HK$60),九龍站係HK$64(單程HK$90),香港站係HK$72(單程HK$100)。乘客同時可以享有免費八達通港鐵接駁服務。(東鐵綫頭等、輕鐵、港鐵巴士及港鐵接駁巴士除外)。

當亞洲國際博覽館有大型演唱會舉行,就會有大量人流,港鐵或者會安排東涌綫列車喺博覽館站載客疏導,又或者喺節目開始前由香港站開去博覽館站,嗰啲班次唔會停機場站。

免費服務 編輯

機場快綫亦提供一啲免費服務,包括:

  • 香港站同埋九龍站嘅免費預辦登機服務(八達通卡用預辦登機服務閘機會扣定去機場嘅車錢,然後再用同一張八達通卡喺月台入閘,就唔會再扣車錢)。
  • 每日有多班機場快綫穿梭巴士由香港站同埋九龍站往來各間主要酒店同埋交通交匯點,持有機場快綫車飛(單程即日來回來回)、機票/登機證、機場員工八達通卡或亞洲國際博覽館入場證/節目門票嘅人先至可以搭。呢項服務因為武漢肺炎疫情而喺2020年4月10號開始暫停,同年6月30號正式停辦。
  • 用八達通卡搭機場快綫(包括機場員工八達通卡及機場快綫旅遊票),可以免費轉其他港鐵路綫(包括羅湖站落馬洲站,但不適用於輕鐵港鐵巴士及港鐵接駁巴士),限時為機場快綫/港鐵出閘後一個鐘內轉港鐵/機場快綫;乘客再轉輕鐵港鐵巴士(新界西北)及港鐵接駁巴士,會被扣除嗰程八達通正價車費,亦唔可以同其他港鐵轉乘優惠(包括免費轉乘專線小巴81K或95K線)或港鐵特惠站優惠共用;此外,乘客如果用東鐵綫頭等服務,就要畀頭等額外費;如果使用預辦登機服務,則只有喺去預辦登機服務嘅前一程港鐵車程係免費。
  • 機場快綫即日來回有免費回程優惠(要用八達通卡或即日來回車飛。往返機場站至博覽館站除外)。
  • 行李搬運員會喺機場站、青衣站、九龍站同埋香港站,免費協助機場快綫乘客處理行李。
  • 乘客可以喺每月5號起喺機場快綫各車站索取免費嘅財經同埋投資雜誌《指標》(Benchmark)月刊。
  • 香港站1號月台收費區內,設有手提電話自助叉電器。

用車 編輯

機場快綫列車
機場快綫列車車廂入面嘅路線圖
機場快綫列車車廂

機場快綫列車(A-Stock)由西班牙CAF同德國ADTRANZ(已經俾龐巴迪收購)一齊整,總共有11列。每列列車共有8卡(設計最多10卡,通車初期係7卡,後來增至8卡,往香港方向嘅第1卡係行李卡),1998年投入服務。

機場快綫同行走市區線嘅列車唔同,行機場快綫嘅列車經過特別設計,其中一卡係專為香港站九龍站預辦登機手續嘅寄艙行李而設嘅專用車卡(嗰個車卡冇窗),每列車卡得2對車門(行李卡5對),車廂內附設行李架,而絲絨座椅嘅椅背安裝咗小型電視屏幕(早期可以查閱即時航班資料同旅遊資訊,後期多數係機場快綫形象識別同埋世界主要城市時間,有時甚至冇提供資訊),但所有列車已經完成改裝工程,取消椅背小型電視,喺每卡車廂加裝四個23吋大液晶體電視,並喺椅背上裝上獨立喇叭同設有音量掣,乘客可以自己調較音量。但列車八成座位會闢作靜音區(頭、尾兩卡同其他車卡除中間部分嘅兩成座位外都係靜音區),即係淨係睇到電視畫面同字幕。

啟用初期,着特別制服嘅列車大使會喺車廂內進行查票同服務旅客等工作。

下行(往香港 西班牙製地鐵列車車廂編組 (往博覽館上行
K4XX - J4XX - G2XX - F2XX - H2XX- G1XX - F1XX - E1XX
  • 西班牙製地鐵列車車廂編組註解:
    • E1XX - 有駕駛室同裝咗集電弓嘅動力車廂
    • F1XX/F2XX - 動力車廂
      • F2XX 係喺2005年增設嘅車卡
    • G1XX/G2XX - 拖卡
    • H2XX - 裝咗集電弓嘅動力車廂
    • J4XX - 負責操控嘅動力車廂
    • K4XX - 有駕駛室同裝咗集電弓嘅動力貨卡

車站一覽‧接駁路線 編輯

車站套色同埋名 喺邊區 車站接駁 啟用日期
機場快綫
博覽館 離島區 2005年12月20號
機場 1998年7月6號
青衣 葵青區 東涌綫
九龍 油尖旺區 東涌綫廣深港高速鐵路屯馬綫柯士甸站
香港 中西區 東涌綫港島綫荃灣綫
附註
AUS 九龍站乘客可以行去柯士甸站接駁屯馬綫,並可以享用免費港鐵接駁優惠。

參考 編輯

  1. . 原著喺2007年12月1號歸檔. 喺2007年10月20號搵到.

出面網頁 編輯