清補涼
清補涼（「涼」字讀loeng2，同「斤兩」個「兩」同音），係夏天清熱補濕嘅老火湯，常見喺中國廣東、海南、香港、澳門同廣西等地區，同越南等地。
清補涼嘅材料並唔統一，有以健脾去濕為主，亦有以潤肺為主。材料通常有綠豆、淮山、蓮子、芡實、薏米、百合、紅棗、南北杏同瘦肉。亦有放入沙參、玉竹、陳皮、龍眼同西瓜。清補涼亦可以做糖水，有佢獨特嘅風味。
起源
編輯相傳秦始皇平定百越期間，因軍隊唔適應氣候而得病，隨行軍醫就用蓮子、百合、沙參、芡實、玉竹、淮山同薏米煲湯畀軍隊飲。由於呢個複方有清熱氣、補元氣嘅功效，所以被稱為清補涼。
其他食法
編輯除咗煲湯之外，海南同廣西亦有清補涼製成糖水嘅食法，其中海南會加入椰子肉同椰汁，凍熱都得；廣西就會加入西瓜塊、菠蘿塊同綠豆，成為一道凍食嘅甜品。