波蛋
(由溏心蛋跳轉過嚟)
波蛋（英文：Poached egg）[1]，又叫「水波蛋」，俗稱「溏心蛋」或「溫泉蛋」，係用水煮出來嘅蛋，特點係蛋白熟而蛋黃唔太熟，蛋黃煮到流心或者溏心都有。當中無殼嘅多見於歐美飲食同星馬早餐上𢳂喺多士面頭食用，而有殼嘅就常見於粵菜或日本料理。
名
編輯「波」取自英文「poached」嘅首音，而「波蛋」之名，則錄於二十世紀初《唐字音英語》嘅「洋人食物門」一覽。因佢有啲波仔形，故此亦令人聯想起波。
製作
編輯煮法一：燒鑊煲水，同時加鹽加醋（醋可以避免蛋白散開），跟住將隻蛋（脫殼）打入去，再等生水煲滾後兩到四分鐘就熄火，之後將隻蛋撈出。
煮法二：將完整嘅蛋（帶殼）直接放入煲開嘅滾水內，水面一定要浸過隻蛋，等六至七分鐘，再撈起隻蛋。