甑

甑（讀鎮）係煮飯架生，亦可以用來蒸嘢食，有啲似蒸籠。煮飯用，又叫飯甑。遠古初時用土做，後亦有青銅做，後尾亦有用竹木造，然而從瓦部，即多數係陶器。

甑

銅甑

陶釜甑

甑嘅構造，主要分兩部，下底裝水，中間有隔叫箅，上面就做容器。容器上加竹蓋，啲水汽就變返倒汗水。

古時甑煮飯，釜就煮其他嘢，故此，釜甑就成日合稱。又或甑底開細窿，下面釜就裝水，疊埋來煮飯。

河姆渡遺跡已有出土、亦確定新石器時代有用。龍山文化左右，出土物見，甑同鬲合一，成陶器甗。

字

甑，原字為曾。曾係甑嘅象形。曾字，甲骨文為田字上加兩綫做壺形，意謂上面為容器，下面田指箅做隔。日字原本係口字，金文加上去。

甑，籀文寫做𩱭。

論衡下量知有寫「穀之始熟曰粟，舂之於臼，簸其粃糠，蒸之於甑，爨之以火，成熟為飯，乃甘可食。」由穀煮成飯，當中經過甑蒸。

漢許慎寫說文，「甗也。从瓦，曾聲。」實情甗係有腳嘅甑，鬲為下半部。

地名

飯甑洲

香港有個洲叫飯甑洲。