珠江

珠江（粵音：zyu¹ gong¹；英文：Pearl River），又叫粵江（jyut⁶ gong¹）（Canton River）或省河（saang² ho⁴），又有名大江^{[未記出處或冇根據]}，係中國廣東嘅一條江，出伶仃洋、九洲洋，入南中國海。

名

舊時記載裏頭講珠江係指廣州城南一段江，得名自有䊆海珠石喺度^[1]。

現代珠江水來自多條江河，珠江狹義專指廣州經虎門出海，中間經黃埔、蘿崗、獅子洋、虎門等地方。佢中途有東江水注入。

亦有人將珠江當係東江、北江同西江三水系嘅總稱，之（特別係其中條西江）舊時喊做「粵江」^[2]^[3]。其一，珠江因為間接受西江、北江水、直接受東江水，所以亦有指係中國第三長河，主要流經廣東，長二百四十萬米。其二，珠江凡珠江三角洲裏便各條河，都當係珠江。

遠古時冇珠江，但係有珠海，所以省城古稱南海，嗰時對出係汪洋大海。珠海經三江水千年沖積，成爲珠江三角洲平原。而海以窄成江出海，因而叫珠江。佢嘅上游源頭出自雲南曲靖沾益區嘅馬雄山上邊。

珠江各水系

珠江係由省城西南開始。上游有北江喺蘆包，西南潭叉支流，加流溪水，黃洞水等，幾路前後注入石門山側邊嘅石門水。石門水，向南，屈向東就係珠江。

石門水一出，就畀長洲，一個大沙洲一分為二，北便近城就叫珠江，南便近黃埔一段，因為有波羅廟，就叫波羅江。兩條江會合出獅子洋。以前獅子洋係海面，因為周圍沙積成地，就變成珠江一部份，呢段會流向東後，屈向南準備出海。